The Undateable Troublemaker (COMPLETE) (#WATTYS2018 SHORTLIST)

Siblings & Regrets

"Can I talk to you?"

Nasa sala si Kat at nanonood ng TV nang lapitan siya ni Curt. Isang tingin ang isinagot ng dalaga. Pagkatapos ay bumalik na ito sa panonood. Hindi niya alam kung bakit gustong makipag-usap sa kanya ang kapatid. 

"Kat?" Muling tanong ni Curt. Mabait ang tono ng boses nito ngayon. Hindi katulad ng dati na may pagka-demanding.

"Ano ba kasing gusto mo?" Inis na sagot ni Kat. Nais niyang iparinig dito na masama pa rin ang loob niya.

Naupo si Curt sa upuang malapit sa sofa bago siya sinagot.

"Kayo na ba ni Creed?"

Gustong matawa ni Kat sa narinig dahil mukhang gumana nga pagiging sweet nila sa isa't isa ni Creed. Hininaan niya ang TV at hinarap ang kapatid.

"Curt, kailan ba kita tinanong tungkol sa mga girlfriends mo? Ni minsan ay hindi ako nakialam sa'yo," sagot niya. Naiinis siya dahil nakialam na ito sa kanila ni Jacques. Ngayon ay pakikialaman na naman nito si Creed?

"I know but—"

"Creed is a nice guy. Siya na ang pinakamabait na lalaking nakilala ko. Mahal niya ang mga kapatid niya, hindi katulad mo. Kung may masama kang sasabihin sa kanya, ako na talaga ang makakalaban mo," tumaas na ang boses ni Kat habang nagsasalita.

"Look, I'm sorry. I know I'm not the best brother in the world. I'm sorry sa lahat ng ginawa ko sa'yo. Pinagsisihin ko na ang lahat. That's why I'm here. I want to correct the mistakes I've done."

Isang sarkastikong tawa ang isinagot ni Kat. Seryoso ba ang kapatid niya? Ito ang unang pagkakataon na humingi ito ng tawad sa kanya.

"I know Creed is a nice guy. Marami akong narinig na magandang bagay tungkol sa kanya. But Jacques is also nice. He's the nicest person I've known."

Napatitig si Kat sa kapatid. Bakit tila nag-iba ang ihip ng hangin? Inutusan ba ito ni Jacques na kausapin siya?

"Kung iniisip mo na kinausap ako ni Jacques, let me tell you, no. Hindi niya ako kinausap. Hindi ko lang gusto ang nangyayari sa bestfriend ko. I don't like what's going on with him. He's become...someone na hindi ko kilala. He's become—"

"An asshole like you?" Putol ni Kat sa sasabihin nito.

"Exactly! Kaya—"

"Natatakot ka na kunin niya ang puwesto mo sa school?" 

Umiling si Curt.

"Naiintindihan ko kung ba't galit na galit ka sa akin. At yes, ayokong maging katulad ko si Jacques because he's not like that," seryosong sagot ni Curt. "Mahal na mahal ka ni Jacques. Let's stop this fighting. I'm asking you to bring back the old Jacques."

Hindi makapaniwala si Kat sa naririnig. Seryoso ba ang kapatid niya? He's asking her to bring back the old Jacques?

"To be honest, I don't like Creed for you. I just don't like him."

Umiiling pa rin si Kat. Ayaw ni to kay Creed dahil magkalaban ang mga ito sa soccer team. Pero ano pa ba ang kailangan nito na nanalo na naman sila? Lalo siyang nagagalit sa sinasabi ng kapatid niya.

"I want to know if you like Jacques because I need your help. Alam kong binasted mo siya dahil sa akin. Kahit hindi mo man sabihin ay nararamdaman ko.  Kaya I'm here to ask you to forget everything I told you before and to help me. I don't like where his life is going. He might look happy and laughing, pero deep inside he has this big wound that's not healing. I need your help, Kat."

"Unbelievable," mahina niyang sabi at muling nilakasan ang TV. Ayaw niyang makinig sa sinasabi ng kapatid.

"Pink Bear. Ang pinakamamahal mong si Pink Bear. Naalala mo pa ba nang ibinigay ko si Pink Bear sa'yo?" Patuloy na sabi nito.