Abrianna's POV
"CONGRATULATIONSSSS!!!" malakas naming sigaw nila Mikee at Dhaylene habang niyuyugyog si Kessel dahil sa sobrang tuwa.
"Thank you!" natatawang sabi ni Kessel sa amin. "Congratulations din sa inyo noh!"
"Sus, iba ka pa din. Lodi ka namin eh!" sigaw ko habang tinutulak-tulak siya.
"With high honors, naks! We're so proud of you, Ms. Kessel Ann Gako." sabi naman ni Mikee sabay nag-bow pa sa kaniya.
"Ewan ko sa'yo, Ms. Mikee Billalba. With honors naman kayo." tugon ni Kessel habang natatawa pa din dahil sa inaasta namin.
"Kahit na, ikaw pa din pinaka the best! Taas mo eh, 'di ka namin maabot! Petmalu!" biro ko with matching actions pa.
"Kaso sana kung gaano kataas yung grades mo, ganun din kataas yung height mo." singit naman ni Dhaylene. Tinignan ni Kessel ito ng masama.
"Wow. Nagsalita ang matangkad. Wow talaga, Ms. Dhaylene Alejandro." pagtataray naman ni Kessel. Natawa na lang kaming lahat dahil parang mga baliw lang kami dito ngayon. Hindi makapaniwala na sa wakas, tapos na ang paghihirap namin sa junior high school. Problema na lang talaga ay ang mga kukuhanin naming track para sa senior high school.
Kakatapos lang ng moving up namin at pare-parehas kaming masaya dahil pare-parehas din kaming nakagraduate na may mataas na grades. Totoo ngang kapag natapos mo na ang isang bagay, dun mo lang marerealize na worth it rin naman pala ang pagpapakapagod at paghihirap mo. Ang mas masaya pa dun ay kasama ko ang mga kaibigan ko na magmoving up. Nakakatuwang isipin na kahit ang dami naming pinagdaanan, sa huli, kami pa rin ang magkakasama.
"Hi guys!" bungad ni Macey na kakalapit lang sa pwesto namin.
"Hello, Macey! Congrats!" masaya kong bati sa kaniya at niyakap siya. After niyang yumakap sa akin ay nakipag-apir naman siya isa isa kila Mikee, Dhaylene at Kessel.
"Wow. Galing kay Simon?" tanong ni Dhaylene kay Macey at itinuro ang maliit na bouquet ng flowers. Tumango lang si Macey bilang tumugon habang nakangiti. Tinusok naman ni Mikee si Macey sa tagiliran nito gamit ang kaniyang daliri at binigyan ito ng mapang-asar na tingin.
"Iba na talaga kapag may lovelife." ang-aasar ni Kessel.
"Ano ba, guys. Wala naman akong lovelife." natatawang sabi ni Macey. "Friends lang kami ni Simon."
"Deny pa, Macey! Friends pero hinahatid sa bahay? Friends pero binibigyan ng bulaklak, teddy bear at chocolates? Friends pero nagbibigay ng letters? Friends pero----" natigil ako sa pagsasalita nang biglang nagslita si Macey.
"Okay fine, nanliligaw si Simon." pag-amin niya at sabay sabay kaming nagtilian na parang mga fangirls na nakita ang idol nila sa personal.
"Gaga ka! Kailan pa? Bakit hindi mo agad sinabi?" sabi ni Dhaylene sabay mahinang hinampas si Macey sa kaliwa nitong braso.
"Hmmm... Nung...D-December pa?" nauutal niyang sagot.
"Jusko, ang tagal na pala! Kailan mo balak sagutin?" pang-iintriga naman ni Mikee.
"Hmm... Ewan ko. B-Baka mamaya? I don't know. Hindi pa ko ready." sagot naman ni Macey.
"Sagutin mo na mamaya, Macey! Mabait naman yung si Simon eh tsaka mukhang seryoso talaga sa'yo." pang-eencourage naman ni Kessel.
"Huy, huwag niyo namang i-pressure si Macey!" saway ko sa kanila. "Hindi pa siya ready kaya huwag nating madaliin. Basta Macey, kung kailan mo ma-feel na ready na yung puso't isipan mo, doon mo na siya sagutin." nakangiti kong payo sa kaniya.
