Darren's POV
I never knew that it could happen
'Til it happened to me
Ohhh, yeah...
Natigil ako sa pagkanta nang biglang kumatok si Tito Chris sa aking kwarto.
Lumapit ako sa pinto ng aking kwarto at binuksan ito. Bumungad sa akin ang nakakalokong ngiti niya.
Napakunot ang noo ko at tinignan ko ito ng nagtatakang tingin na para bang tinatanong ko sa kaniya kung bakit ganito ang ngiti nito sa akin.
"Ngayon na lang kita ulit narinig kumanta. Gumanda lalo boses mo." sabi nito habang nakangiti pa rin.
Ahh, yun pala yun.
Napakamot ako sa aking ulo na para bang nahiya ako sa kaniyang sinabi.
"Salamat po..." tanging nasagot ko na lamang.
"Tara na? Baka ma-late na tayo." sabi nito.
Tumango lang ako at ngumiti dito.
"Kukunin ko lang po yung gamit ko sa loob." sabi ko sa kaniya sabay takbo papunta sa loob ng kwarto ko para kunin ang backpack ko na ginagamit para sa school.
× × ×
"Balita ko, ikaw daw yung napili sa section niyo para sa singing contest sa Music." panimula nito nang magsimula siyang magmaneho.
"Opo." sagot ko.
"Mabuti naman at pumayag ka. Dati rati, naaalala ko nung elementary ka, ayaw mong kumakanta sa harap ng madaming tao. Kahit sa loob ng room niyo, kaya nga ang baba ng grades mo dati sa Music kasi kapag pinapakanta ka, ayaw mong kumanta." pagkukuwento nito sabay tawa.
Bahagyang natawa rin ako sa mga sinabi niya. Sobrang shy type talaga ako dati, na pati yung grades ko sa school naaapektuhan na dahil dun.
"Pero diba, duet yung contest na yun? Sinong kapartner mo?" tanong niya.
Nagkibit balikat lamang ako.
"Hindi ko pa po alam eh." mahina kong sagot.
Sino nga ba? Si Macey o si Abrianna?
"Basta ha, huwag ka nang mag-quit dyan sa contest. Manalo ka man o matalo, masaya ako na unti unti mo nang nakikilala ang sarili mo. Alam kong masaya ka diyan, huwag mong pigilin yung sarili mo." nakangiti nitong sagot habang nakatingin pa din sa daan habang nagmamaneho.
"Salamat po, tito." nakangiti kong sagot sa kaniya.
× × ×
Abrianna's POV
"So... Ang napili ay si..." sambit ni Ma'am Sherly habang palipat lipat ang tingin nito sa aming dalawa ni Macey.
"Ms. Abrianna Estrella!" masayang sambit ni Ma'am at nagpalakpakan ang lahat.
Napatingin ako kay Macey nang nagtatakang tingin. Ako ba talaga ang napili?
"A-Ako?" nalilito kong tanong kay Macey.
Tumawa ito at tumango.
"Congrats!" masaya niyang sabi sa akin.
"T-Thank you." sagot ko dito.
