She's My Sweetest Drug

Chapter 19 (Part 1)

Chapter 19

© Shupershimmer

Lunch break na at tapos na rin ang subject namin for this day. Tuesday ang isa sa pinakanakakatamad na araw sa  linggo dahil isang subject lang naman ang papasukan tapos three hours pa. Shit lang.

“Oy, ano? Mag-Dota naman tayo! Malapit na mag-finals, baka di na tayo makapaglaro sa mga susunod na linggo.”

Hindi ako nag-react sa pinagsasabi ni Ullyses habang umo-order kami ng kanin at chicken fillet sa counter area. Wala kasi talaga ako sa mood ngayon dahil naging singko ang surprise quiz ko kanina. Punyetang propesor.

“Uy, Lawrence!” siniko ni Ully ang gilid ko at tinignan ko siya nang masama.

“Ayoko, tinatamad ako.”

“What? Kailan ka pa tinamad sa Dota? Mukhang kailangan na naming magpamisa ni Ully sa mga nangyayari sayo,” singit naman ni Peter na nasa unahan ko, “Kanina, bumagsak ka sa quiz, tapos ngayon, di ka na inlove sa dota. What’s next?”

“Baka magpapari na si Lawrence!” sabi ni Ully at nagtawanan sila habang hawak ang mga tray.

Buti na lang talaga at may lamang juice ang tray ko, kung hindi, baka naihampas ko ‘yun sa kanilang dalawa.

Pag-upo naming tatlo sa isang isolated table, malapit sa glass wall ng cafeteria, nakita ko yung girlfriend yata ni Ully sa di kalayuan na table. Siya yung babaeng nakalaro namin ni Catacuts sa walangyang truth and dare. Sa larong di ako pinatulog kagabi.

Sinipa ko ‘yung paa ng kaharap kong si Ully at tumingin siya saken.

“Diba girlfriend mo ‘yan?” sabay nguso ko sa way ng babae, Lovely yata ang pangalan, “Bakit may kasabay na ibang lalake?”

Natawa si Ully sa sinabi ko, “Grabe, break na kami niyan kagabe, ‘no. Napaka-nagger kasi.”

“Ang sabihin mo, nagsawa ka na. Inaraw-araw mo ba naman sa apartment niya, e.” comment ni Peter habang nahihirapang hiwain ‘yung fillet niya, “Dinaig mo pa ‘ko sa pagpapalit ng brief.”

“E, isa lang yata ang brief mo sa cabinet!”

Sobrang humagalpak si Ully at nahampas pa anng ilang bese ang mesa. Tipong tumulo pa ang gravy sa gilid ng bibig niya. Kadiri, napakadugyot talaga ng taong ‘to.

“Di ka ba naiinis?”  tanong ko, “May kasama siyang ibang lalake, katatapos niyo pa lang.”

Both of them gave me a weird look. Di ko alam kung anong masama sa tanong ko, e, nagtatanong lang naman nang casual. Mga abnormal.

“Ako pa magseselos?” Ully winced. “C’mon, parang sinabi mo na ring maging stick to one ako sa babae. Hahahaha.”

Di na lang ako nag-react sa sinagot niyang walang ka-kwenta kwenta. Kailan nga ba nagseryoso ‘yan? Pucha, pag nakuha ang gusto, sibat agad. Habang busy ako sa pagkain, narinig ko pang nagsalita si Ullyses sa harap ko.