الفصل السابع عشر"ج2"
اتسعت عينا طارق بصدمه ونظر لايمي التي مازالت تبكي..وهز رأسه باستنكار قائلا:انت بتقول ايه..مستحيل الكلام ده
هز آسر كتفيه قائلا:باشمهندس طارق الدكتورة اتقبض عليها من بيت يوسف..انا هسيب حضرتك معاها يمكن تفهم منها ايه اللي حصل
خرج آسر من المكتب كل هذا تحت انظار عماد واحمد المذهوله..عاد طارق بنظره اليها وانتبه للدماء التي على ملابسها..زفر طارق وامسكها من كتفيها ليهدأها قائلا:ايمان اهدي وفهميني ايه اللي حصل
ازداد بكاءها اكثر فصاح بحده وهو يقبض على ذراعها بقوه:قلت اهدي بقى
تدخل عماد قائلا:ياطارق اهدى بقى .،ثم نظر لايمي قائلا:ممكن يا ايمي تهدي
حاولت ايمي ان تهدأ قليلا ومسحت دموعها فنظر لها طارق قائلا:ايمان...ايه اللي حصل
ايمي:يوسف..جالي العيادة
عقد حاجبيه فاكملت:قالي انه عايزني في موضوع وانه مش هيأذيني وطلب مني مقولكش
اتسعت عينا طارق وهتف:وصدقتيه..انتي بتفكري ازاي!!!!
ايمي ببكاء:ايوا صدقته..كنت قدامه ومأذنيش..شوفت في عينه نظرة خوف
صاح طارق بغضب:على اساس انه حد منعرفهوش
تدخل احمد قائلا:طارق مش وقته خليها تكمل
صمت طارق وهو يرمقها بغضب فاكملت:مشي من عندي وقالي هيحاول يجي تاني..بعدها جه غسان
قاطعها طارق بغضب:غسان!!! غسان تاني
ايمي:سألني عن رضوى ومشي بعدها جتلي message من رقم غريب وطلعت من رضوى وبعتتلي عنوان وروحتلها
قاطعها عماد قائلا:رضوى!!! رضوى سافرت امبارح بالليل
اتسعت عيناها بدهشه وهمست:خالد عايش
طارق بنفاذ صبر:خالد تاني
ايمي:والله العظيم عايش وهو اللي قتل يوسف..يوسف اللي قالي كدة
طارق:خالد!!! انتي شكلك اتجننتي
عادت للبكاء من جديد قائلة:والله العظيم خالد عايش صدقوني بقى
في تلك اللحظة دخل آسر للمكتب وجلس خلف مكتبه..قصت ايمي عليه ماحدث..صمت آسر قليلا ثم قال: الموضوع شكله مدبر بس مفيش دليل
طارق:يعني ايه؟
آسر بجدية:مفيش دليل ان اللي اسمه خالد ده عايش ولا انه اللي قتل يوسف..انا مضطر اعرضك على النيابة
وضعت ايمي يدها على شفتيها بخوف وهتف طارق:مستحيل يعني هتتسجن
آسر بجدية:بص يا باشمهندس هي هتتعرض على النيابة وهنستنى تحليل المعمل الجنائي والتحريات وهي اللي هتحدد ايه اللي هيحصل
امسكت ايمي بيد طارق وهمست:طارق منسبنيش هنا
نظر لها طارق وهو لا يعرف ماذا يقول..لا يمكن ان يتركها وحدها هنا..نظر له آسر قائلا:انا هخليها تبات في مكتبي لحد الصبح وبكرا هروح معاها النيابة وحضرتك لازم تشوفلها محامي كويس
اومأ طارق برأسه واقترب منها قائلا:متخافيش ياحبيبتي انا مش هخلي حاجة تحصلك..الصبح هجيلك وان شاء الله تخرجي
انسابت دموعها وهمست:زياد..زياد يا طارق
اقترب منها عماد قائلا:متقلقيش يا ايمي انا هخلي منه تبات معاه عشان تخلي بالها منه
****
عاد عماد لمنزل سمير..دخل المنزل والجميع ينظر اليه بتوجس كان طارق معه..اقترب سمير من طارق وسأله:ايمان فين؟
نظر له طارق ولا يعرف ماذا يقول..اخفض رأسه فقال عماد:ايمي اتقبض عليها
اتسعت عينا سمير بصدمه وصرخت منال:يامصبتي..بنتي ايه اللي حصلها
اقتربت منه من عماد قائلة:اتقبض عليها ليه؟
عماد:متهمة في قضية قتل
ضربت منه على وجنتيها وهتفت:يانهار اسود انت بتقول ايه..
عماد:اهو اللي حصل بكرا هتتحول على النيابة وان شاء الله تخرج
اقتربت منال من طارق وهتفت:رجعلي بنتي ياطارق
اغمض طارق عينيه قائلا:ادعيلها ياطنط..انا لازم امشي
اقترب من منه قائلا:خلي بالك من زياد
اومأت منه ودموعها تنساب وقالت:حاضر ياطارق
ذهب طارق وظل عماد ومنه..لم تغمض لهم جفن في ذاك اليوم..كل منهم يفكر فيما سيحدث بعد ذلك..
****
دخل لمنزله..كان جميعهم ينتظرونه حتى يعود.. عندما دخل ركضت اليه لارين وقالت والدموع تغرق وجهها:ايه اللي حصل لايمي ده يا طارق
جلس طارق وهمس بحيره:معرفش
حنان:انا مش فاهمه ايه علاقة اللي اسمه يوسف ده بابن عمها اللي مات
احمد:والله ماحد فاهم حاجة
جلست لارين وهمست ببكاء:ياريتها ما رجعت من يوم مارجعت مشفتش يوم عدل
زفر طارق بضيق فقال احمد وهو ينظر لزوجته بتحذير:لارين مش وقت الكلام ده
نظرت له لارين ولم تعقب..اما طارق فظل صامتا وهو يفكر..ما الذي جمع خالد بيوسف..وما الذي جعل يوسف يذهب اليها..وضع رأسه بين راحتيه بحيره وعقله منشغل بتلك التي تركها وحدها..لابد انها تبكي الان ،يعلم انها تخاف وبشده..كيف لها ان تبيت وحدها في قسم الشرطة..
****
جلست على الاريكة في المكتب بعدما خرج آسر واعطها المفتاح لتغلق على نفسها الباب..كانت دموعها تسقط بلا توقف..اخبرها آسر انهم سيعرضونها على النيابة في الحادية عشر صباحا..عضت على شفتيها وهي تبكي لماذا يحدث لها كل هذا..هي لم تفعل شئ سئ في حياتها ولم تؤذي احد..استغفرت ربها هي لا تعترض على قضاء الله ولكن الحياة ارهقتها بما في الكفاية..اغضمت عيناها وحاولت ان تستسلم للنوم ولكن النوم جفاها..ولم تستطيع حتى ان تكف عن التفكير..
****
في صباح اليوم التالي دخل طارق للمكتب بالشركة ولاحقوه عماد واحمد وحسام بعدما علم ماحدث لايمي..كان طارق غاضبا بشده ويخرح غضبه في اي شخص يراه امامه..هتف عماد:طارق ممكن تهدى شوية
نظر له طارق وهتف بغضب:بلا اهدى بلا زفت ،ثم صاح مناديا على مساعدته لتأتي راكضة..وقفت امامه قائلة بارتباك وخوف:نعم يا باشمهندس
طارق بغضب:ساعة عشان تيجي
تدخل احمد قائلا:ياطارق اهدى بقى
صاح طارق:محدش يقولي اهدى ،نظر للفتاة قائلا:عايز عاصم الشاذلي يكون عندي حالا..
!!!!!!
يتبع....
ESTÁS LEYENDO
حكايه عشق 2
Romanceيشاء الله ان يجمعهما ثم فرقهما القدر ,عاد الآلم وخيم الحزن اصبحت الحياة دون معنى تاه كل منهما في ملكوته وترك روحه مع الاخر يحاولا النسيان ولكن يأبى القلب ان ينفذ ولكن هل سيسطتيع كل منهما النسيان؟! ,هل سيتحول الحب الى كره؟! ام ان حبهما اقوى من اي...
