***
الفصل الخامس عشر
اتسعت عينا خالد بدهشه عندما رأها تتهاوى بجسدها على الارض..ضغط على زر المصعد ليغلق الباب بسرعة..توقف المصعد في الطابق الارضي خرج مسرعا من المبنى واستقل سيارته وانطلق بسرعة..ضرب المقود بقبضته وشتم بخفوت وقال بغضب:مكنش لازم تشوفني دلوقتي مكنش ينفع..
****
كان في سيارته عائدا الى المنزل بعد يوما مرهقا في العمل..رن هاتفه برقم عماد ،اجاب قائلا:ايوا يا عماد
عماد عبر الهاتف:الحق ياطارق ايمي في المستشفى
طارق بقلق:اييه!! مستشفى ايه
عماد:احنا في مستشفى"....."
اغلق الهاتف بسرعة دون ان يجيبه وزاد من سرعة سيارته حتى يصل بسرعة
.....
بعد اقل من عشر دقائق كانت سيارته تقف امام المشفى..ترجل منها بسرعة ودلف الى المشفى وصعد الدرج باقصى سرعة حتى وصل امام الغرفة التي بها ايمي..وجد منه وعماد فاقترب منهما بسرعة قائلا بقلق:ايمي مالها
منه:منعرفش لسه الدكتور عندها جوا
طارق:طب ايه اللي حصل
عماد:منعرفش اسأله
اشار باتجاه باب الغرفة ليجد غسان يقف هناك مستندا على الحائط بظهره..ضغط على اسنانه بغضب واقترب من غسان وامسكه من ملابسه قائلا بغضب:عملت فيها ايه
ابعد غسان يده بحده وهتف:ابعد انت اتجننت
لكمه طارق بقوه في وجهه فاشتعلت عينا غسان بغضب ورد له اللكمه لكن بقوه اكثر مما جعل طارق كاد ان يفقد توازنه ،اقترب عماد من طارق وامسكه حتى لا يقترب من غسان مرة اخرى وهتفت منه بحده:ايه اللي بتعملوه ده هو ده وقت خناق
هندم غسان ملابسه وهو يرمق طارق بغضب وهتف:ما تقولي للمجنون ده
طارق بغضب:احترم نفسك
عماد بحده:اسكتوا انتوا الاتنين لما نطمن على ايمي ابقوا اتخانقوا براحتكم
جذب عماد طارق من معصمه وابتعد عن غسان..التفتت منه لغسان قائلة:فهمني ايه اللي حصل
هز غسان رأسه قائلا:معرفش انا كنت رايحلها العيادة اتفاجأت بيها واقعه قدام الاسانسير..جبتها وجيت على المستشفى وانتي اتصلتي قولتلك
في تلك اللحظة خرج الطبيب من الغرفة فاقتربوا منه بسرعة وقال طارق:طمني يادكتور مالها؟
الطبيب:هي اتعرضت لصدمه خليت ضغطها يوطى..
عقد طارق حاجبيه ثم قال:نقدر نشوفها طيب
الطبيب:انا اديتها مهدأ نص ساعة بالكتير وهتفوق
طارق:متشكر يادكتور ،ثم نظر لمنه قائلا:ادخلي خليكي جانبها واول لما تفوق اخرجي قوليلنا
اومأت منه ودلفت للغرفة بينما ظل طارق وغسان يرمقان بعضهما بغضب.. بعد قليل اقترب منه طارق قائلا:تقدر تتفضل تمشي
رفع غسان احدى حاجبيه قائلا ببرود:مش همشي الا لما اطمن على ايمي
طارق بغيظ:متنطقش اسمها
ابتسم غسان بسخرية وقال:وانت مالك..انا مش فاهم ايه البرود اللي انت فيه ده هي مش طايقاك ولا عايزة ترجعلك هو بالعافية
طارق بحده:متدخلش في اللي ملكش فيه احسنلك
نظر له غسان بسخرية واشاح بوجهه بعيدا عنه..
....
بعد نصف ساعة استيقظت ايمي من اثر المهدأ انتفضت ايمي وارتجف جسدها وصرخت مما جعل منه تنتفض واقتربت منها محاولة تهدأتها قائلة:اهدي يا ايمي اهدي مالك بس
دخل طارق على صوت صراخها واقترب منها بسرعة ،امسكها من كتفيها محاولا السيطر على ارتجافة جسدها قائلا:بس بس اهدي
سقطت دموعها وقالت وهر تشهق باكية:شوفته عايش والله عايش
طارق بتعجب:هو مين؟!
ايمي ببكاء:خالد...خالد عايش
اتسعت عينا طارق ومنه بصدمه ونظر طارق لمنه قائلا:منه بعد اذنك اخرجي شوية
اومأت منه بتردد وخرجت من الغرفة ،ضمها طارق لصدره قائلا:هشششش اهدي وفهميني ايه اللي حصل
هدأت ايمي قليلا بعدما شعرت بالامان بجانبه وهمست:شوفته ياطارق والله شوفته
طارق:اهدي يا ايمي اكيد كنتي بتتخيلي خالد مات يا ايمي مات
ابتعدت ايمي عنه وهمست:بس انا شوفته
طارق بهدوء:لا مفيش ميت بيصحى..انتي ارهقتي نفسك جامد واكيد كل ده تخيل مش اكتر
اقنعت نفسها بحديثه وتنهدت قائلة:قلبي كان هيقف لما شوفته قدامي
امسك طارق يدها قائلا:انا مش عايزك تخافي من حاجة طول مانا جانبك مفيش حاجة هتحصلك..ارجعيلي يا ايمي
في تلك اللحظة سمعوا طرقات على باب الغرفة واتبعها دخول منه وعماد ولحق بهما غسان نظر لايمي قائلا:الف سلامة عليكي
ايمي بابتسامة:الله
يسلمك شكرا ياغسان
ابتسم غسان ولم يعقب فقال عماد:سلامتك يا ايمي خضتينا عليكي
ايمي:الله يسلمك
بعد لحظات فتح الباب ودخلت منه رضوى..ارتبك عماد حال دخولها لكنه اخفى ارتباكه ببراعه ،اقتربت رضوى من ايمي قائلة بقلق:ايمي مالك ياحبيبتي
ايمي:انا كويسة ياحبيبتي انتي مين قالك
غسان:انا..مكنتش اعرف اكلم مين
نظرت رضوى ناحية عماد فاشاح بوجهه قائلا:عن اذنكم انا برا
خرج من الغرفة وهي تتبعه بنظرها حتى اختفى خلف الباب ،نظرت له منه بتعجب لكنها لم تبالي ،همست ايمي لرضوى:كنتي مختفية فين؟
رضوى:هقولك بعدين
ايمي:تعالي بكرا البيت ماشي
اومأت رضوى وقال غسان:انا ماشي..تيجي معايا يارضوى اوصلك
اومأت رضوى قائلة:ماشي
سلمت على ايمي وخرجا من الغرفة تحت انظار عماد ،لم تنظر اليه ولا حتى بطرف عيناها..ليس بعدما حدث هو اختار وانتهى الامر..عاد عماد للغرفة وجلس بحانب منه..زفر طارق بضيق قائلا:يا ساتر بني ادم بارد مشوفتش كدة
منه بعفوية:حرام عليك ده حتى كيوت و...
انتبهت لما تقول وعماد ينظر لها رافعا احدى حاجبيه قائلا بسخرية:وايه كمان ما تكملي
عضت على شفتيها ولم تنطق فنظر عماد لطارق قائلا:حرام عليك مانت كمان ضربته
شهقت ايمي ووضعت يدها على شفتيها قائلة:ضربته!!! انت مجنون
طارق بحده:ولو شوفته تاني هكسرلك دماغه ارتاحتي كدة
هزت ايمي رأسها قائلة:مفيش فايدة..عماد انا عايزة اخرح من هنا
عماد:حاضر هشوف الدكتور
****
YOU ARE READING
حكايه عشق 2
Romanceيشاء الله ان يجمعهما ثم فرقهما القدر ,عاد الآلم وخيم الحزن اصبحت الحياة دون معنى تاه كل منهما في ملكوته وترك روحه مع الاخر يحاولا النسيان ولكن يأبى القلب ان ينفذ ولكن هل سيسطتيع كل منهما النسيان؟! ,هل سيتحول الحب الى كره؟! ام ان حبهما اقوى من اي...
