[ALANA]
"Alana, paki-dala nga itong mga drinks sa table ten."
"Opo!" maingat niyang dinala ang iilang mga inumin.
Dalawang linggo na siyang nagtatrabaho dito sa club. Unang sabak pa lang medyo hindi pa niya masyadong natatandaan lahat ng mga tinuturo ni Alice at iba pang mga kasamahan niya dito pero sa katagalan, natutunan niya rin at hindi naman pala mahirap ang ginagawa niya.
Ginawa niya ng mabuti araw-araw ang kanyang trabaho para hind imaging sakit sa ulo ng mga kasamahan niya lalo na ang kanilang boss na si Papa Bear. Mabuti na lang, pinuri siya nito at sabi madali lang daw siyang turuan at magiliw siyng nakikipagusap sa mga customer.
Sa totoo lang, nagaganahan siya sa kanyang estado ngayon. Hindi kagaya noon na palagi na lang siyang nasa kwarto at hindi man lang niya nakakausap ang mga katulong. Diyan lang siya papansin kapag pinaghandaan siya ng pagkain at kung ano pa. Mas magaan ang loob niya dito. Hindi lang siya nage-enjoy sa kanyang trabaho, meron din siyang nakakausap na ibang tao. Dahil sa uri ng kanyang suot na maiksing palda, at putting t-shirt na halos kita na ang kanyang bra, hindi maiiwasan na mapatingin lalo na ang mga lalaking customer sa kanyang dibdib. Hindi naman siya binabastos at sinasabihan ng kung ano-ano kaya hindi na lang niya pinapansin ang mga tingin nito. Pero minsan, nakakaramdam din siya na may hinihipo sa kanyang beywang at pwetan. Hindi siya sigurado pero ang sabi ni Papa Bear, kung may mangyayaring ganyan, huwag na lang daw niyang papansinin dahil lahat naman ng mga tao dito ay nakainom. At kahit magreklamo siya, wala naman siyang magagawa dahil customer ang mga ito at siya naman ay waitress lang.
Nakapagsimula na rin siyang magipon. Dahil pumayag sila Alice at Cheska na doon muna siya titira, malaki ang natitipid niya. Kailangan din niyang magbigay ng pera para sa pagkain at iba pang kakailanganin. Wala siyang reklamo basta't nagiging maganda na ang kanyang kinatatayuan.
Hindi na talaga siya makapaghintay na makauwi. Konting ipon pa at kapag nakakalap na siya ng impormasyon saan ang kanyang address, uuwi agad siya. Miss na miss na niya sila Aling Martha at Ate Julia. Siguradong magugulat ang mga 'yun kapag nagkita sila ulit.
"Alana, bagong orders. Pakidala naman sa table twenty one, please."
"Opo! Ako na po ang bahala!"
Pagkatapos niyang dalhin ang mga orders sa mga customers, naghihintay siya sa bar counter para sa susunod niyang tray ng may dalawang lalaking lumapit sa kanya.
"Bago ka lang ba dito?" tanong ng isa sa kanya.
"Ngayon ka lang kasi namin nakita dito."
"Opo. Dalawang linggo pa lang ako nagtatrabaho dito." Magiliw niyang sagot sa dalawa.
Pansin niyang tinitignan nito ang kanyang kabuuan mula ulo hanggang paa. "Kaya nga napansin naming dalawa na parang ngayon ka lang namin nakita. Too bad kasi masyado kaming busy sa trabaho."
"He's right. Kung hindi pala kami pumunta dito, hindi ka namin makikita. You're pretty by the way. Anong pangalan mo?"
"Um, Alana po."
"Alana? Nice name. Pagkatapos ba ng trabaho mo, may gagawin ka pa ba?" tanong sa kanya.
"Wala. Uuwi ako agad para matulog. Bakit?"
"Wala na naman." Ilang segundo itong hindi nagsalita. "If you don't mind, meron kasi kaming problema."
"Problema? Saan?"
"Ano kasi... may problema kasi kami baka gusto mo kaming tulungan. Promise, sandali lang ito."
"Saan ba?"
YOU ARE READING
The Billionaire's Adopted
Romance(Rating 16-18+) Malambing at masayahin si Alana. Ang kanyang ina ang tanging pinakaimportanteng tao sa buhay niya. Simpleng buhay ang kanyang kinalakihan sa isang napakagandang isla. Hanggang sa namatay ang kanyang ina, may isang tao na biglang nagp...
