Loving Dark

Chapter Thirty-Seven

JAMES

Mabilis lamang ang naging byahe namin pauwi ni Angel mula sa park. Nanatili lang ang katahimikan sa pagitan namin buong byahe, kaya nang tuluyan nang makahinto ang sasakyan ko sa harap ng bahay nila ay hindi ko na nakausap si Angel. Gustuhin ko man ay hindi ko na nagawa pa dahil dire-diretso lamang siyang lumabas ng sasakyan at pumasok sa kanila. Hindi na niya ako nagawang lingunin pa.

Naiintindihan ko ito kaya hindi ko na ipinilit ang sarili ko at napagdesisyunan na lamang magpahangin muna kung saan. Gusto kong huminga sa lahat bagay na gumugulo't nagpapabigat sa dibdib ko sa mga sandaling ito. Hanggang ngayon ay parang hindi ko pa rin kayang i-digest sa sistema ang mga nangyari kanina sa park.

Natagpuan ko na lang ang sarili kong inihinto ang sasakyan sa harap ng isang nightclub. Malayo-layo ito sa tinutuluyan ko, pero mukha namang makalalayo rin ako pansamantala sa bigat ng nararamdaman ko ngayon. Gusto ko lang magpakalunod sa alak para takasan ang sakit sa dibdib. Kahit paulit-ulit kong itanggi sa sarili ko ay sobrang sakit tanggapin ang lahat ng mga nalaman ko ngayong araw.

Hindi ako makapaniwala na muntik ko nang matraydor ang sarili kong pinsan dahil sa pagmamahal na nabubuo ko na sa asawa niya ng hindi ko alam. Hindi ako makapaniwala na ang minamahal kong babae ay ang babaeng minamahal din ng pinsan ko.

Sobrang sakit, ngunit wala akong magagawa para maibsan ito. Ang akala kong sandalian lamang na paglayo namin sa isa't isa ni Angel ay tuluyan nang magiging permanente dahil asawa siya ng pinsan ko.

Alam ng Diyos kung gaano ko kamahal si Angel, walang duda 'yon. Subalit alam ko rin na hindi sapat at hindi tama ang pagmamahal ko para makasira ng pamilya, lalo na ang pamilya ni Dark. 

Maliban doon, I still cannot process how Dark was able to do those bad things that broke Angel's heart. Hindi ko lubos maisip, base sa mga alam kong pinagdaanan ni Angel sa asawa niyang si Dark pala, na magagawa iyon ng pinsan ko. Kahit hindi kami nagkasama ng pinsan ko sa personal ng mahabang panahon  ay kilala ko pa rin ito mula pagkabata. Hindi ko maunawaan kung bakit naging ganoon ang lahat sa buhay niya...

I want to know his side too. I want to help fix this mess in their life, but I know it will hurt me so bad.

Nangako ako kay Angel na kahit wala nang kami ay sasamahan ko pa rin siya malagpasan ang sakit na dulot ng problema niyang ito sa buhay. Hindi ko siya pwedeng iwanan mag-isa, lalo na't si Dark pala ang kabiyak na tinutukoy niya.

I really want to accept everything that I have learned today. Ayokong manatiling ganito ka-miserable dahil lamang wala akong magawa na ang babaeng mahal ko ay pagmamay-ari na pala talaga ng iba– at ng pinsan ko pa.

I'm trying, I am really trying. Gayunpaman, ipilit ko mang maging masaya para sa pinsan ko dahil alam ko kung gaano niya kagustong makita ang asawa't anak niya at sa wakas ay nahanap niya na nga ang mga ito ay hindi ko magawa... sa ngayon. Kasi ang hirap magkunwari sa sarili ko mismong damdamin, sobrang hirap maging masaya dahil alam ko na ako ang nasasaktan ng sobra.

And to be honest, hindi ko na talaga alam ang dapat gawin sa mga sandaling ito. I'm just trying to solve things on my own again and help myself to forget what I truly feel about it because I don't want to hurt Dark.