COLD HEARTED CUPID (Soon To Be Published)

Chapter Nineteen: Back On Track

Chapter Nineteen: Back On Track

JIANNE

Inihinto ko ang kotse nang matanaw ang kumpol ng mga tao at kanilang sasakyan sa gilid ng patag na kalsada. Hindi ako sigurado kung ito nga ang lugar na sinabi sa akin ni Cass.

Bumaba ako at nilibot ang paningin sa paligid. Isa iyon bagong subdivision na sinisimulan palang i-develop outside Metro Manila. Tamang-tamang para sa car racing.

"Hey, Jianne!"

Hindi ko napigilan mapangiti nang makita ang lalaking patungo sa direksyon ko. Wala pa rin siyang pagbabago. Kulang na lang ay masilaw ako sa dami nang nakasabit na gintong kuwintas sa kanyang leeg.

"It's been a long time, game master!"

Tumawa ito ng malakas. "Roger is enough. So, how are you? What makes you come here?"

"I'm looking for fun and trill."

"Hindi ka nagkamali ng pinuntahan mo. Welcome to the drag racing!"

"This is your new place?"

"It's more safer here. Walang parak na makikialam. We can race whenever we want."

I agree with him. Hindi katulad dati na nakikipagsapalaran ang mga manlalaro sa highway ng dis-oras ng gabi.

"Black knight is here." Tinanaw ni Roger ang kotse sa aking likuran. "So, where is Trisha?"

"I'm here to take her place."

Umangat ang isa niyang kilay. "Akala ko ba ay pangmotorsiklo ka lang?"

"You think so?" I squared my arms and raised my chin.

Nakipagtitigan sa akin si Roger, tila nananantya. Pagkaraan ay ngumisi siya at lumitaw ang malalaki niyang mga ngipin.

"Alam kong magaling ka rin katulad ni Trisha. I saw you winning two in a row for one night. But this time, gusto kong makita ang kakayahan mo pagdating sa fourwheels."

"Then try me!" I challenged him.

"You're in!"

Napangisi ako sa narinig. Matagal na panahon na rin nang huli akong makipag-car racing. Pero tiwala ako na hindi nawawala ang kakayahan ko pagdating sa paghawak ng manibela. Iyon ang dahilan kung bakit hindi ako binibigyan ng magarang kotse ng mga magulang. Kaya naman walang akong choice kung pagtiyagaan ang lumang pick-up ni Daddy na mas matanda pa yata sa akin.

"We have already two guys here." Itinuro ni Roger ang dalawang magagarang sportscar na nakahilera sa gitna ng kalsada. Kumunot ang noo ko nang mahagip nang paningin ang pamilyar na Lexus sportscar. Could it be?

"Jianne?"

Marahas akong lumingon upang makita ang lalaking nagmamay-ari ng kotseng iyon--Si Kristofe!

"Anong ginagawa mo rito?" Magkasabay na tanong namin sa isa't-isa.

"Magkakilala kayong dalawa?" Palipat-lipat ang tingin ni Roger sa aming dalawa ng binata.

"Roger, siya ba ang isa sa makakalaban ko?"

"You race?"

Gusto kong matawa sa reaksyon ni Kristofe. "Hindi ba ako ang dapat magulat? As far as I remember you hate me and Cheska for doing this."

"I never hate--"

"Roger, how much?" Agap ko sasabihin niya. Ayoko nang humaba pa ang usapan. After all hindi iyon ang ipinunta ko roon.