You're still the one

Chapter 9: The suitor

"Nakakainis talaga yung lalakeng yun?! Napaka-manhid! Napaka walang puso, napaka ano-!"

Dumiretso agad ako sa kwarto ko paguwi at padabog na pinaghahagis ang mga gamit ko sa kama. Asar na asar na talaga ako kay Jason. Pagod na pagod at super sawa na ko sa nangyayari samin.

"Anak, okay ka lang?" Kinakatok na ko ni Mama, natahimik ako bigla. Siguro narinig niya ko sa pagdadrama ko. Binuksan ko ang pinto at sumilip

"Nako Ma, wala ho. Stress lang sa school" pagumanhin ko.

"Ipahinga mo na yan Ate at kumaen kana. Ipinagtira kita ng ulam, initin ko na ba?" Tanong ni mama habang hinahaplos yung buhok ko. Niyakap ko naman siya ng mahigpit.

"Ay Ma wag na, kumaen narin kasi po ako. Gusto ko na lang po magpahinga at napagod talaga ako. Goodnight po" Sabi ko sabay halik sa pisngi niya.

Hindi na siya umimik pa at umalis kaya naman bumalik narin ako sa loob ng kwarto ko. Inayos ko yung mga ilang gamit na kanina'y pinagbabato ko. Nakakabwisit talaga yang Jason na yan! Yan pa din ang paulit ulit na tumatakbo sa isipan ko.

Umilaw at nagvibrate yung phone ko. Tinignan ko kung sino nagtext.

[From: 0935*******
Hi Iya? Nawala ka kanina. Nakauwi ka naba?]

[To: 0935*******
Who's this please?]

Ilalapag ko na sana ang phone ko sa table sa tabi ng kama ko ng umilaw at nagvibrate ulit to. Kinuha ito at binasa ang text message.

[From: 0935*******
Si Michael to, ang pinaka poging Presidenteng kilala mo :)]

Nako loko, si Kel lang pala. Pinalitan ko agad yung name niya sa phone ko. Buti naman may pangpagood vibes na nagyari ngayong araw.

[To: Kel Lavidad
Ay hello Kel, hindi ka kasi nagpakilala agad. Kanino mo pala nakuha no. Ko?]

[From: Kel Lavidad
Can I call?]

Hindi na niya hinintay ang reply ko at tumawag agad.

"Uhm hello" Sagot ko. It's always awkward pag kausap siya.

"Hi Iya, are you okay? Hinanap kita kanina after meeting kaso wala kana pati sila Kath" Pansin kong medyo malungkot ang boses niya.

"Ah e nagmamadali kasi kami umuwi, sorry Kel a" Deep inside medyo nagi-guilty ako kasi ako talaga yung nagmamadali kanina para di niya kami maabutan.

"Okay lang. Nakakaen kana?" Thank God he changed the topic.

"Yep tapos na" I lied.

"Good. Ako, hindi mo tatanungin?" He said teasingly.

Medyo pagod na talaga ako physically and mentally kaya medyo hindi ko feel ang pakikipagharutan kay Kel. Kung si Jason pa to, baka buhay na buhay pa ko.

"Ikaw kumaen ka na?" Tanong ko na lang.

"Hindi pa" Casual na sagot niya.

"Oh bakit hindi pa, anong oras na oh? Nalipasan ka na ng gutom Mr. President" Naging worried naman ako bigla.

"Hindi pa ko kumakaen kasi worried rin ako sayo at iniisip kita" Medyong malambing at mahiya hiyang sabi ni Kel.

"Paano na yan, iniisip kita tas iniisip mo narin ako. Ibang level na ata to" Dagdag panunukso niya.

"Nako kahit kelan ka talaga Mr. President. Magagalit si Aby niyan!" Sagot ko pero medyo medyo namumula narin ako.

"Haaaays ano at bakit nadamay na naman si Aby? Atsaka good boy ako a" Dipensa ni Kel.