တစ်လခန့်ကြာပြီးနောက်~~
ဆေးရုံကုတင်ထက်တွင် လဲလျောင်းနေသော အဖေဖြစ်သူအား ဇွဲတစ်ယောက်
မျက်နှာသေဖြင့် စိုက်ကြည့်နေခဲ့သည်။
ယင်းရက်ပေါင်းသုံးဆယ်အတွင်း ပြဿနာပေါင်းများစွာဟာ ရှိခဲ့သလို ကိစ္စပေါင်းများစွာလည်း ဖြစ်ပျက်ခဲ့ပြီပင်။ထိုလအတွင်းတွင် မေမေ့၏ကုမ္ပဏီအား ဇွဲပြန်လည်ရယူနိုင်ခဲ့၍
အဖေက မေမေအားလုပ်ကြံခဲ့သည်ဟူသောသက်သေများကိုလည်း ရရှိခဲ့ကာ
အဖေဖြစ်သူအား ဖမ်းဆီးခဲ့သည်။သို့သော်ငှား ကုမ္ပဏီကိုပါလက်လွှတ်လိုက်ရသလို အဖမ်းခံရတော့မည့် အခြေအနေကိုပါ တပြိုင်နက်တည်းရင်ဆိုင်ရလိုက်သောကြောင့် ထိုလူသည် နှလုံးရောဂါထဖောက်ခဲ့၍ ဆေးရုံသို့တင်ခဲ့ရခြင်းပင်။
သူ၏အခြေအနေပြန်ကောင်းလာသည်နှင့် တရားရုံး၌အမှုရင်ဆိုင်ရမည်ဖြစ်သည်၊သေချာသည်က ထိုလူသည် မည်သည့်နည်းနှင့်မျှ လွှတ်မြောက်အောင်လုပ်လို့ရမည်မဟုတ်ပေ။အဘယ်ကြောင့်ဆိုသော် သက်သေအခိုင်အမာရထား၍ ပြန်လည်ချေပကာ ငြင်းဆိုဖို့အတွက် အလွန်ပင်ခက်ခဲသောကြောင့်ဖြစ်သည်။ကောင်းကျော်ဇေသည်လည်း ပြည်ပသို့ထွက်သွားခဲ့၍ ကျန်တစ်ယောက်ဖြစ်သည့်
အာကာစွမ်းထက်....
ထိုကောင်လေးကတော့ ဇွဲကိုခဏခဏလာရှာပြီး အထပ်ထပ်အခေါက်ခေါက်တောင်းပန်ခဲ့သော်ငှား ဇွဲကတော့လက်မခံခဲ့ပေ။နောက်ပိုင်း အာကာနှင့်မတွေ့အောင်တမင်ရှောင်ခဲ့၍ သူ့အားလာတွေ့လျှင်လည်း ပြန်၍နှင်လွှတ်တာအကြိမ်ကြိမ်။Ringtone~~
ဖုန်းခေါ်ဆိုမှုကိုလက်ခံလိုက်တော့ တဖက်မှ
အနည်းငယ်ချိုသာသောအမျိုးသမီးတစ်ယောက်၏အသံက ကျက်သရေရှိစွာထွက်ပေါ်လာ၏။"အင်း ကိုယ်အခုထွက်လာနေပြီ၊
နောက်ဆယ်မိနစ်အတွင်းရောက်မယ် ပုလဲ"ပြီးတော့ နောက်ထပ်က ဇွဲ၏ မင်္ဂလာကိစ္စ...
ဒီတလအတွင်း အဒေါ်ဖြစ်သူ၏ တောင်းဆိုမှုကြောင့် မိန်းကလေးတစ်ယောက်နှင့် စေ့စပ်ပွဲပြုလုပ်ဖို့အကြောင်းဖန်လာခဲ့ခြင်း။
မနက်ဖြန်ဆိုလျှင် အဒေါ်ဖြစ်သူမိတ်ဆက်ပေးသော ၎င်းမိန်းကလေးနှင့်စေ့စပ်တော့မည်ဖြစ်သည်။
VOUS LISEZ
My CCP Boyfriend Is A Big Red Flag(Complete)
Roman d'amourStart Date-Dec.2.2023 End Date-May.25.2024