ခန်းမ၏ အပြင်ဘက်ကိုရောက်လာသည့်အချိန်တွင် အောင်ပြည့်မှူးဇော်က အလောတကြီးဖြင့် သူတို့နှစ်ယောက်ထံသို့ပြေးလာ၍
ပြည့်မှူးဇော်၏အနောက်တွင်တော့
ခပ်ချောချောလူတစ်ယောက်ကလိုက်ပါလာသည်။ထိုသူကတော့ အခြားမဟုတ်
အာကာစွမ်းထက်၏ဒုတိယအကို အာကာလွမ်းထက်။
နာမည်ကြီးဒါရိုက်တာတစ်ယောက်ဖြစ်သကဲ့သို့ ရုပ်ရှင်ထုတ်လုပ်ရေး
entertainment တစ်ခု၏ CEOတစ်ဦး။
မိသားစု ပိုင်ကုမ္ပဏီ၏ ဒုဥက္ကဋ္ဌဖြစ်၍
AK(Arkar)
ကုမ္ပဏီ၏ဒုတိယရှယ်ယာအများဆုံးလူဖြစ်ကာ ပထမအများဆုံးကတော့
အာကာစွမ်းထက်၏ပထမအကို အာကာစွမ်းသက်ပင်။လုပ်ဆောင်ချက်များနှင့်အောင်မြင်မှုများကိုတိုင်းတာလိုက်လျှင်
အာကာလွမ်းထက်သည်
ညီအကိုသုံးယောက်ထဲတွင်
အချမ်းသာဆုံးနှင့်အတော်ဆုံးဟူ၍ပင် ပြောလို့ရနိုင်သည်။လွမ်းထက်သည် ဇွဲတို့သူငယ်ချင်းသုံးယောက်နှင့်အတန်းတူ၍
သူငယ်ချင်းဟောင်းများဆိုလည်းမမှားပေ။၎င်းအား အသာထား၊အဘယ်ကြောင့် လွမ်းထက်နှင့် ပြည့်မှူးဇော်သည်အတူတူရောက်လာရပါသနည်း။
မကြာသေးမှီက သူကြားလိုက်သည့်
အောင်ပြည့်မှူးဇော်ခေါ်လိုက်သော
"ကိုလွမ်း"ဆိုသည်မှာ လွမ်းထက်များလာ။"မာမီဒီကိုဘယ်လိုလုပ်ရောက်လာရတာလဲ"
ပြည့်မှူးဇော်က အနည်းငယ်အံ့သြထိတ်လန့်သံနှင့်မေးလာသည်။
"ဟုတ်တယ်၊ဒေါ်လေးကိုကျွန်တော်တို့က လန်ဒန်မှာပဲထင်နေကြတာလေ...
ဒီလိုရုတ်တရက်ကြီးပေါ်လာတော့ ကျွန်တော်တောင်စစချင်းမှာကြောင်သွားတယ်"ဇွဲ၏ အပြောကို ဒေါ်လေးက အသာရယ်ရင်း ခေါင်းအားပုတ်ရန်လက်လှမ်းလာသဖြင့် ခါးအားကိုင်းချပေးလိုက်သည်။
"ငါတို့ မြေခွေးပေါက်ကလေးကိုဒီနေရာမှာတစ်ယောက်တည်းမထားနိုင်ပါဘူးနော်"
"ဒါဆိုကျွန်တော်ကရော"
အောင်ပြည့်မှူးဇော်က အနည်းငယ်ခပ်ချွဲချွဲလေသံဖြင့်မေးတော့ ဒေါ်လေးက မျက်စောင်းလှလှလေးကိုချစ်စနိုးဖြင့်ထိုးပစ်လိုက်သည်။
အသက်ကြီးလာသော်ငှား အရွယ်တင်နုပျိုနေသည့်ဒေါ်လေး၏မျက်နှာတွင် အရည်အကြောင်းများကပင်မသိသာလှ။
DU LIEST GERADE
My CCP Boyfriend Is A Big Red Flag(Complete)
RomantikStart Date-Dec.2.2023 End Date-May.25.2024