ရတီထားမေက သူမအရှေ့ရှိအကင်ဗန်းထဲမှ အကင်များအား အားပါးတရစားရင်း သူမ၏အဓိပ္ပါယ်ရှိလှသောဘဝကြီးအားပျော်ပျော်ကြီးခံစားနေဟန်။
"ထက်နိုင်"
"အင်း"
ရတီထားမေက တစ်ခုခုအားပြောရန်အရင်ဆုံး သူမပါးစပ်ထဲရှိအကင်များအားမျိုချလိုက်ရင်း
ကိုကာကိုလာ အားမော့ချလိုက်လေသည်။ထို့နောက် မျက်နှာကြီးကအနည်းငယ်ရှုံ့မဲ့သွား၍ ရုပ်ဆိုးလွန်းလှပေသည်။"နင်အခုတလော အာကာစွမ်းထက်ဆိုတဲ့ကောင်အိမ်မှာတက်နေနေနေတာဆို"
သူမ၏အမေးကြောင့် မိက်နှာချင်းဆိုင်ရှိအောင်ပြည့်မှူးဇော်ကပါ မျက်ခုံးပင့်ကာကြည့်လာလေသည်။
ဇွဲလည်း သူမမေးသည်မှာလည်း အမှန်ပင်မို့ ခေါင်းငြိမ့်ပြကာဖြေပေးလိုက်၏။ထိုအခါ အောင်ပြည့်မှူးဇော်က ဇွဲအား စိတ်ဆိုးသည့်အကြည့်ဖြင့်ကြည့်ရင်း ကိုင်ထားသည့်ဖျော်ရည်ခွက်အား စားပွဲပေါ်သို့အသံမြည်အောင် အားဖြင့်ဆောင့်ကာချလိုက်သည်။
"အရင်တုန်းက အဆောင်အတူတူငှားနေရအောင်ဆိုတုန်းကတော့ အသေငြင်းခဲ့ပြီးမှ အဲ့ကောင်နဲ့ကျတော့ မင်းကနေတယ်ပေါ့လေ....
ဖြစ်သင့်တယ်လို့ထင်နေလား ဇွဲဘုန်းထက်နိုင်""မင်းကဆေးကျောင်းသားလေကွာ၊ငါမင်းနဲ့အတူနေရင် မင်းစာလုပ်စရာတွေနှောင့်နှေးပြီး မလွှတ်လပ်မှာစိုးလို့ပါကွာ"
ဇွဲ၏အဖြေကိုအောင်ပြည့်မှူးဇော်ကတော့သိပ်မကျေနပ်ဟန်။
အတော်ရစ်တတ်သည့်သူငယ်ချင်းပါပေ။"ထက်နိုင်..နင်သူ့ကိုဘယ်လိုခံစားရလဲ"
ရတီထားမေ၏မေးခွန်းက ဇွဲ၏ ဖန်ခွက်ကိုင်ထားသောလက်များအား တစ်ချက်တုန်သွားစေသည်။
ပြည့်မှူးဇော်ကလည်းသိချင်နေဟန်ပင်။"အမ်....မသိဘူးလေ"
ဇွဲ အဖြေအားရှောင်ရန် ဖန်ခွက်အားမော့ကာ ဖျော်ရည်တစ်ငုံကိုသောက်လိုက်ရင်း မျက်လုံးအကြည့်များကိုလည်းရှောင်လိုက်၏။
"ပြောလို့ရတယ်.....နင်ခံစားနေရသမျှပြောပြလို့ရတယ်လို့"
သူ၏သူငယ်ချင်းမ၏အသံသည် အနည်းငယ်ခိုင်မာနေသည်။
သူမသည် ဇွဲမပြောပဲနှင့်တောင်အဖြေသိနှင့်ပြီးသားလူသကဲ့သို့။
ဇွဲ မတတ်သာစွာဖြင့် ရတီထားမေ၏မျက်လုံးများကိုကြည့်လိုက်တော့ သူဒီမေးခွန်းအားမရှောင်နိုင်မှန်းသိလိုက်ရ၏။
![](https://img.wattpad.com/cover/356456784-288-k293923.jpg)
YOU ARE READING
My CCP Boyfriend Is A Big Red Flag(Complete)
RomanceStart Date-Dec.2.2023 End Date-May.25.2024