ثأر الحب

الفصل الثالث والاربعون

الفصل الثالث والأربعون

تم النشر السبت

21/10/2023

"سريان الدماء توقف داخل أوردتي ، شعرت أن الزمن توقف لدي وأنا علي حافة الهاويه ، قلبي تهشم كقطع الزجاجة الصغيرة ، ولم يتبقي منه سوي قطعا صغيرة لا تجعلني أحيا لو قليلا ، ولكن كيف وقد تحطم علي يد من عشقها وسلمها مفتاح قلبه "

إنتهي من توقيع الأوراق التي أمامه وأرجع ظهره الي الخلف متنهدا براحة.

آخذ عدي الأوراق مرددا بمرح :

-مالك يا كبير في أيه ؟

فرك جبينه بإرهاق وعقب :

-مصدع شوية من ساعة ما جيت طالع عيني.

تحدث عدي مازحا :

-أعلش يا شق مش أنت إلي عايز تاخد أجازة أشرب بقي.

ضحك يوسف ساخرا وهو يشير بيده:

-ده هو أسبوع يتيم نورسيل ممكن يحصل ليها حاجة لو عرفت.

مطت عدي شفتيه مغمغما بتفكير :

-أنا رأي تقولها آخر يوم في الأجازة ويا حبذا لو آخر ساعة وأنتوا راجعين عشان متنكدش عليك.

تنهد بيأس وعقب مؤكدا :

-في دي عندك نورسيل عاشقة النكد.

ضحك عدي بخفة وردد بإشفاق يواسي أخاه :

-الله يعنيك عليها يا بص الصراحة مش عارف دي أخت نايا أزاي لا وكمان الكبيرة شتان ما بينهم نايا عاقلة ونورسيل مجنونة.

إبتسم يوسف بحب وهتف بإشتياق:

-جنانها ده إلي حببني فيها أصلا إنتبه الي حاله وتحدث متسائلا صحيح محتاج حاجة تاني ؟

ضم عدي حاجبيه بحيرة:

-لأ أنت ماشي ولا ايه ؟

هز رأسه بإيجاب ورد:

- أه هروح أريحي شوية السفر الفجر بإذن الله.

أومآ عدي بتفهم:

-تمام يا حبيبي عايز سلامتك .

نهض يوسف مرتديا چاكيت بدلته وأخذ أغراضه مربتا علي كتف شقيقه بحنان:

-تسلم يا حبيبي يلا سلام عليكم.

رد عدي بإبتسامة:

-وعليكم السلام.

❈-❈-❈

بعد ما يقارب الساعة وصلت بسيارته وتحدث الي السائق أمرا :

-دخل العربية الجراچ يا عم عزمي.

تحدث عزمي بإحترام:

-حاضر يا فندم هو حضرتك مش هترجع الشغل تاني ؟