She Who Dares Wins

Chapter 2

Again, hinatak na naman ako ni Ella palabas sa lugar na iyon. Dinala niya ako sa dorm namin at hinila hanggang sa room namin. Pinaupo niya ako sa tingin ko ay kama niya. Hawak-hawak niya ang ulo niya habang naglalakad pabalik-balik.

"Shit shit shit." Bulong niya na rinig ko na naman.

"Hey! Bakit? Anong meron? May ginawa ba ako?" I asked. Tumigil siya sa paglalakad at tiningnan ako. Parang nag-aalala siya. Teka, sasaktan ba ako nung frat na yun dahil nadumihan ko yung damit niya? Sobra naman ata yun!

"Basta, wag kang lalabas mamayang gabi. Dito ka lang sa dorm. O kaya mas mabuti, wag ka munang pumasok sa mga classes mo ngayon. Bukas ka na lang magstart." Sabi niya.

"What? Bakit ba?" I asked.

"Basta! Free wi-fi naman dito sa dorm eh. May gadgets ka naman siguro no? Gamitin mo yun para di ka mabored. Basta wag kang lalabas. Para din naman ito sa kaligtasan mo ito eh." Sabi niya at saka binuksan yung pinto.

"Den, please, wag ka munang lumabas. I'll explain later pag kasama na natin si ate Fille. Sige, may pagkain sa ref kung magugutom ka naman. Kahit sa receiving area, wag kang magstay, dito ka lang muna hanggang makabalik ako. Sige, Den." Sabi niya at saka isinara ang pinto.

Naglakad ako papunta sa kama ko at saka doon nahiga. Tinitigan ko lang yung kisame. Kung kailan naman umiiwas ako sa gulo, saka naman lumalapit sa akin. Dati kasi ako mismo yung naghahanap. Kaya siguro ako nilipat dito para magtino.

Pilit kong iniisip kung ano yung maari nilang gawin sa akin. Susugatan ba nila ako tapos bubuhusan ng alcohol? Sasapakin pa nila ako hangaang sa mamaga ang buong mukha ko? Papahalikan ba nila sa akin ang mga sapatos nila? Shiz, overthinking!

Bumangon na lang ako at saka isa-isang inayos ang mga gamit ko. Nang matapos ako ay humiga ulit ako sa kama ko. Wala pa ngang dalawang oras ang stay ko dito pero gulo agad ang nakuha ko.

Siguro dahil na rin sa sobrang pag-iisip, nakatulog ako.

-

I heard a knocking on the door kaya nagising ako. Agad kong pinunasan ang mata ko. Inayos ko na rin ang buhok ko pati na rin ang damit ko. I looked at the clock. It's already 2pm. Man, I have slept for 5 hours. Tumayo ako at saka binuksan yung pinto. It was Ella with someone.

"Glad na sinunod mo yung sinabi ko!" Sabi ni Ella at saka pumasok.

"I'm Fille." Sabi nung kasama ni Ella at saka inilahad ang kamay niya.

"Dennise. I'm Dennise Lazaro pero you can call me Denden or Den." Sabi ko at saka tinanggap yung offer niya. We shook hands at ako na rin ang bumitaw.

Pumasok si ate Fille sa loob kaya sinara ko na yung pinto. Bumalik ako sa pagkakaupo ko sa kama ko.

"So ikaw yung talk of the campus?" Ate Fille asked. Tinitigan ko lang siya dahil di ko alam kung anong isasagot ko.

"Siya yun, ate Fille. Siya lang naman ang alam kong nagpasigaw kay Ly." Sabi ni Ella at saka mahinang tumawa.

"Nagpasigaw?" I asked. Anong sinasabi nila?

"Ly doesn't talk much at yung sigaw niya kanina, yun na yung pinakamalakas na narinig namin mula sa kanya." Ella said. I nodded. Hindi ko alam kung dapat akong matuwa na ako ang dahilan ng pagsigaw niya o hindi dahil ibig sabihin nun ay sobrang inis na siya sa akin.

"Good thing, hindi ka lumabas." Sabi ni ate Fille sa akin.

"Bakit ba? Ano bang mangyayari pag lumabas ako? Sasaktan ba ako nung Ly na yun?" I asked.