“ ငါတို့လေးယောက်လည်း ဓါတ်ပုံတစ်ပုံလောက်တူတူတွဲရိုက်ကြရအောင် ”
ဟီယူက အတန်းခေါင်းဆောင်လက်ကိုချိတ်ရင်း ထယ်ယောင်းနှင့်ဂျောင်ကုကိုပြောလာသည် ။ ငြင်းစရာအကြောင်းမရှိတာမို့ ထယ်ယောင်းတို့လည်း ဓါတ်ပုံဆရာခေါ်ကာ ပုံအချို့ကိုရိုက်လိုက်ကြသည် ။ လေးယောက်သား ပုံရိုက်ပြီးသွားတော့လည်း ဂျောင်ကုကမကျေနပ်သေး ။ ချစ်သူကောင်လေးနှင့်အတူတွဲရိုက်ချင်သေးသည်ဟုဆိုကာ ဓါတ်ပုံဆရာကိုကျောင်းအနှံ့ခေါ်သွားရင်း နှစ်ဦးသားအမှတ်တရရှိခဲ့သည့်နေရာများတွင် ဓါတ်ပုံများရိုက်ယူခဲ့ကြသည် ။
________________
ထယ်ယောင်းနဲ့ဂျောင်ကုတို့ ဓါတ်ပုံရိုက်ရန်ထွက်သွားပြီးသည်နှင့် အချိန်ကိုက်ပင် ဟီယူ၏ဖုန်းကတုန်ခါလာသည် ။
“ ဟယ်လို ”
တစ်ဖက်လူကဘာပြောလာသည်မသိ ။ ဟီယူ၏မျက်နှာကတော့ အတော်လေးကိုကြည်နူးပျော်ရွှင်နေပုံပင် ။
“ ဘယ်သူဆက်တာလဲ ”
ဟီယူဖုန်းချပြီးသည်နှင့် ဟီဂျင်ကမနေနိုင်ပဲမေးလိုက်သည် ။
“ ငါ့ရဲ့မိတ်ဖက်ကဆက်တာပါ...အစတုန်းကတော့ ဒီနေ့သူမအားလို့ အခမ်းအနားကိုမလာနိုင်ဘူပြောခဲ့တာ...အခုတော့ သူရောက်ပြီမလို့ ကျောင်းထဲမှာစောင့်နေပါဦးတဲ့ ”
အထက်တန်းပြီးမြောက်ကြောင်းလက်မှတ်ကိုကိုင်ရင်း ပျော်နေသည့်ဟီယူကိုကြည့်ကာ ဟီဂျင်လည်းလိုက်ပြုံးမိသည် ။ တစ်ခါက သူမ၏ချစ်ရသူမှာလည်း ထိုကဲ့သို့သောစကားများကိုပြောခဲ့ဖူးပါသည် ။ ယခုတော့ဖြင့် အနှီစကားလုံးတို့က ဝေးလွှင့်ကာ သူမတစ်ယောက်ထဲအထီးကျန်စွာပင် ။
မကြာလိုက် ဟီယူ၏မိတ်ဖက်ဖြစ်သူက သူမတို့နှစ်ဦးရှိရာဆီသို့ရောက်လာသည် ။
“ စောင့်နေရတာ ကြာသွားတယ်မလား ကလေး ”
မျက်နှာထားတည်သော်လည်း ပြုံးရိပ်သန်းနေသည့်မျက်ဝန်းတို့ဖြင့် ဟီယူကိုကြည့်နေသော အယ်လ်ဖာအမျိုးသမီးကိုတွေ့သည့်အခါ၌ ဟီဂျင်၏မျက်လုံးအစုံတို့ကမှင်သက်သွားကာ အသက်ရှူဖို့ပင် မေ့မတတ်ဖြစ်သွားခဲ့ရသည် ။ အဘယ်ကြောင့်ဆိုသော် အနှီအယ်လ်ဖာအမျိုးသမီးက မပြောမဆိုနှင့်ပျောက်ကွယ်သွားသည့် သူမ၏ချစ်ရသူ ယွမ်လိရန်နှင့်ချွတ်စွတ်တူနေသောကြောင့်ပင် ။
YOU ARE READING
Compatible Pheromones |TK|✓
Fanfictionမုန်းတီးခြင်းဟုယူဆသော်ငြား... လျစ်လျူရှုမှုတို့ကမစွမ်းသာ... မျှောလွှင့်နေတဲ့ တိမ်လေးတွေလို... ခံစားချက်တွေဟာလည်း ဦးတည်ရာမရှိ... သေချာပါသည် ငါလည်းမင်းကိုချစ်နေပြီ... Start - Dec 14 , 2021 End - Oct 14 , 2022 #pic from pin #crd to owner
Extra 1
Start from the beginning
