သူ့အမေက အရမ်းစည်းကမ်းကြီးတယ် ၊ ယခုပင် သူမသည် စန္ဒယားတီးခြင်းကို နေ့တိုင်း နာရီပေါင်းများစွာ လေ့ကျင့်ရန် တွန်းအားပေးခဲ့ပြီး ဘယ်တော့မှ မလျှော့ပါ။
ကျန်းရှန်းဟယ်က တံခါးကိုခေါက်ပြီး တွန်းဖွင့်လိုက်သည်။ လျောင်ကျန့်သည် တော်ဝင်အပြာရောင် ဖဲဝတ်စုံကို ၀တ်ဆင်ထား၍ ခမ်းနားကြီးကျယ်သော အနက်ရောင် စန္ဒယားကြီးရှေ့တွင် ထိုင်နေပြီး သူမ၏ဆံပင်များကို စည်းထားကာ ကျက်သရေရှိပြီး မြင့်မြတ်သောပုံဖြစ်သည်။
သူမက စန္ဒယားဘေးရှိ ထိုင်ခုံဆီသို့ မေးစေ့ကို လက်ဟန်ပြကာ သားဖြစ်သူကို ထိုင်ခိုင်းသည်။ စန္ဒယားတီးခတ်သံများ မရပ်မနား ဆက်တိုက်ကြားလာရသည်။
သူမ ညနေပိုင်းလေ့ကျင့်မှု ပြီးခါနီးတွင် ရပ်တန့်ကာ အိပ်တော့မည် ဖြစ်သော်လည်း သူမ၏သားငယ်လေး ရောက်လာခဲ့သည်။ သူမနှင့်ဒီကလေးက တစ်ယောက်နှင့်တစ်ယောက် ပြောစရာမရှိကြလို့ အချိန်အပိုင်းအခြားတစ်ခုပဲ သူမ ကစားနိုင်ခဲ့သည်။ တခါတရံတွင် သားအကြီးဆုံးနှင့် ဒုတိယသားနှင့် စကားစမြည်ပြောနိုင်သော်လည်း သားငယ်နှင့် လုံးဝမပြောဆိုနိုင်ပါ။ စာကြောင်းတစ်ဝက်စာသည်ပင် အလွန်များသည်ဟု ဆိုနိုင်ပေသည်။
အကြီးဆုံးသားနှင့် ဒုတိယသားမှာ အမြွှာမွေးဖွားခဲ့ခြင်းဖြစ်သည်။ သားငယ် ရောက်ရှိလာခြင်းမှာ မတော်တဆမှုတစ်ခုသာ ဖြစ်၏။ ထိုအချိန်တွင် သူမ ကျန်းမာရေးမကောင်းသဖြင့် သူ့ကို ခွင့်မပြုချိန်တွင် မွေးဖွားလာခဲ့ခြင်းပင်။
သူမက အရည်အချင်းပြည့်မီသော မိခင်တစ်ဦးမဟုတ်ခဲ့ပါ။ သူမသည် သူမ၏ကလေးများအပေါ် တင်းကြပ်ပြီး စိတ်မရှည်ခဲ့ဘဲ သူမဘဝဖြစ်သည့် ဂီတအသက်မွေးဝမ်းကြောင်းအတွက် သူမ၏အချိန်နှင့် ကြိုးစားမှုအားလုံးကို ကုန်ဆုံးခဲ့သည်။
အကြီးဆုံးသားနှင့် ဒုတိယသားတွင် အစကတည်းက ကြီးပြင်းလာမှုကို ပြုစုစောင့်ရှောက်ရန် သူမ၏မိဘများ ရှိထားသောကြောင့် သူမ စိတ်ပူစရာမလိုပေ။ သို့သော် သူမသားအငယ်ဆုံး မွေးဖွားလာချိန်မှာတော့ သူမရဲ့မိဘတွေက အသက်ကြီးနေပြီဖြစ်ပြီး သူ့စွမ်းအင်ကို လိုက်မမီနိုင်တာကြောင့် သူ့ကို ကလေးထိန်းထံတွင် အပ်ထားခဲ့ရသည်။
YOU ARE READING
7years Secret Love ( ဘာသာပြန် )
RomanceTitle - Seventh Year of My Secret Love for You / 暗恋你的第七年 Chapter - 63+11 Extras ( chapters are divided ; 164 parts completed ) Author - Meng Xiao Ji Started Date : 20.12.2023 Ended Date : 5.3.2024
Chapter-12.1
Start from the beginning