ဖေဖေ့သူငယ်ချင်း [Complete]

[18]Unicode

သွေးသံတရဲရဲပါသည့်အတွက် အဆင်မပြေသူများ ဒီအပိုင်းကို ကျော်ဖတ်နိုင်ပါသည်။

>>>>>>>>>>>>>

စွန့်ပစ်ထားသော ဂိုဒေါင်ကြီးထဲသို့ လေချွန်ကာ ဝင်လာသောလူတစ်ယောက်။အမဲရောင် ဟူဒီခေါင်းစွပ်ကို မျက်နှာတစ်ဝက်ဖုံးသည်အထိ ဝတ်ဆင်ထားပြီး နီထွေးထွေးနှုတ်ခမ်းတစ်စုံသည် စုထွေးကာ လေချွန်လျက်ရှိသည်။

"အာ ပီကေလား?"

ဝတ်ဆင်ထားသော All star ဖိနပ်သည် မြေကြီးပေါ်ရှိ ကပ်နေသော ပီ​ကေ ကိုနင်းမိသွားတော့ ငုံ့ကြည့်ရင်းပြောလိုက်သည်။အသံသည် ဆယ်ကျော်သက်ကောင်လေးတစ်ယောက်၏ ဩရှရှအသံမျိုး။​အခုခေတ် စကားနဲ့အညီ ဖော်ပြရရင် deep voice။

"တစ်နေ့ကပဲ ဝယ်ထားသေးတာလေ ဝမ်းနည်းလိုက်တာ လွှတ်ပစ်ရတော့မယ်"

ငြူငြူစူစူနှင့် ပီကေကပ်နေသည့် သူ့ဖိနပ်လေးကို ကြည့်လိုက်ရင်း လက်နှိုက်ထားသည့် ဟူဒီအိတ်ကပ်ထဲကနေ တစ်စုံတစ်ခုကိုနှိုက်ထုတ်လိုက်တော့ လက်ထဲပါလာသည်က လက်တစ်ဖဝါးစာရှိသော ဓားမြှောင်အသေးလေး။ဓားအိမ်ကိုဆွဲထုတ်လိုက်ပြီး ဖိနပ်မှာကပ်နေသော ပီကေကို ဓားမြှောင်သေးသေးလေးနဲ့ ကလော်ထုတ်လိုက်သည်။

"အာ ရသွားပြီ  အဲ ကျစ်* ဓားလည်းညှစ်ပတ်သွားပြီပဲ"

နီထွေးထွေးနှုတ်ခမ်းတစ်စုံသည် သွားအတက်လေးပေါ်အောင်ပြုံးလိုက်ပြီး လက်ထဲက ဓားကို ဓားအိမ်ထဲထည့်ကာ လက်ဖဝါးတစ်ဝက်ထိဖုံးနေသော လက်ရှည်ထဲ ထည့်ဖွက်ရင်းကိုင်ထားလိုက်သည်။

"ညစ်ပတ်ရင် ဆေးရမှာပေါ့"

ပို၍ ပီပြင်စွာပြုံးလာသော နှုတ်ခမ်းသည် ဂိုဒေါင်၏အမှောင်ထဲသို့ ပို၍ တိုးဝင်သွားသည်။း

လက်ပြန်ကြိုးတုပ်ခံထားရသော ကိုယ်တုံးလုံးနှင့်မိန်းကလေးနှစ်ယောက်သည် ညှိစို့ညှစ်ပတ်နံစော်နေသော ကြမ်းပြင်ပေါ်တွင် လူးလူးလိမ့်လိမ့်။တစ်ဖြေးဖြေးနီးကပ်လာသော လေချွန်သံသည် သူမတို့နှစ်ယောက်၏ သေမင်းကဲ့သို့ စိတ်ခြောက်ခြားဖွယ်ပေးသည်။ပါးစပ်၌ ဆို့ထားသော အဝတ်စကြောင့် အော်မရပေမယ့် မျက်ရည်တွေတသွင်သွင်စီးကျလျက် ရုန်းကန်နေကြသည်။