القرابين السبع
فطم موفــق 🤎
أنستا : fatimalrashd
تلي : fatimalrashd
لُطفًا صوتوا وعلقوا بين الفقران ♥️🌿
تابعوا حسابي الواتباد fatimalrashd
..
:: ميـراس ::
بعد ما وصلها هذا الكارت بقت على نفس صفنتها
ألا هزيتها يلا فزت وهمست : هاااا ؟
ميراس : شبيچ ؟ شني بهالكارت ؟
قدمت الكارت وعينها بعيني مدمعة
أخذتو من إيدها مستغربة .. لمن ما قريتو مكتوب بي
- ألف مبروك، والحمد لله على سلامتك وسلامة الطفل
أسميه على أسم أبيك يا سَيدة النساء ... مرة ثانية كوني قوية .
ميراس : هذا منو ؟؟
شمس : ما أعرف بَس كلامو فصحى !
ميراس : ما معقول يكون هوَّ يجوز شخص يعرفچ، المهم هسه اتركي وشوفي طفلچ لا تهتمين هسه الولد يعرفون منو .
كُل هذا ووَهن مختفية ما أعرف وينها خبلتني بهذا اليوم
ساعدت شمس وخليت طفلها بحضنها لَترضعو ... وطلعـت أدور وَهـن وما شفتها موجودة بمُحيط الغرفة .
رجعت لشمس ولگيتها تلعب بالطفل ومبتسمة معاه
ارتاحيت لأنها شويه مرتاحة وناسية كُل شي مع طفلها .
بقينا لليل على أساس نخرجها بَس علي ما قبـل وگال تكمل تحاليلها كُلها بعـدين تخرجوها ... بقينا لليوم الثانـي طلعت تحاليل قلبها چانت متحسنة بس يبقى أثر لكُل شي حذروها تبقى مرتاحة وما تنقهر بعد .
طلعناها بعد ما فحصت الدكتورة عمليتها
چانت گوة تمشي والبيبي بحضن وَهن لمن ما طلعنا بباب المستشفى بقت واگفة وصافنة على مكان مُحدد خارج المستشفى ... چنت أدحگ لنفس المكان بَس ماكو أي أحد لكن هيّ صافنة حسبالك دتشوف شخص .
بعد دقائق على هاي الحالة صعدناها السيارة وبقت عينها لنفس المكـان لمن ما مشت السيارة وتلاشت الصورة أمامها .. وصلنا البيت بعد فترة ونزلناها وچانت تحس اكو شي غلط وتبقى تلتفت ما چنت أعرف هل هيّ تراقب مُحيطها لعله تلمحو لو فعلاً تحس احد يشوفها من هالأماكن .
دخلنا البيت مارس مجهزة مكانها تمددت بي وطفلها يمها
اخذت علاجها الي وصفو وغمضت عينها غفت حيل تعبانة چانت بسبب العملية والنومة بالمستشفى هيّ نفسيتها تتعب هناك .
گمت اخذت ملابسها كُلها غسلتهم ورتبت ملابس البيبي وغيرتلو ملابسو ورَيان يمشي وراية ويوگع خبلني ... كملت ترتيب اغراضهم ورجعت لريانو شلتو : هاا يا روح أُمك ؟
- أبا .
ميراس : تريد بابا ؟؟
غمض عينو ويضحك، بوستو قوي وشميت ريحتو : تمام هسه شويه ونتصل بي .
أنت تقرأ
القرابين السبع
Horrorبين ثنايا غياهب الحياة نُشج شيطان رجيم مُبهم الهوية والتفكير فـ هل ياتُرى مثلما يتخاطرُ في اذهَانُنا شيطان رجيم و عند شر عيناه نستعيذ؟! اَم انهُ ساحَرٌ مُشعوذٌ الى الدَجالينِ ينَتمي؟! كـ مُخادعٌ يغرقُ من حولهُ من الورى في الدجى سَدوفِ انيابه حادة...
