القرابين السبع

part 2 | هل نحنُ في خطر؟

مساء الخير...

رواية القرابين السبع
بـقلمي أنـا فطم مـوَفـق fatimalrashd

- ها أنا في مكان وانتَ بـ مكان آخر
ما زلنا نشعر بـقلوب بعضنا البعض
لكن ليس هناك رجوع لتلك ايامنا المملؤة بالحب.

~~~~•~~~~

سارت رَجفة أقوى بجسمي وشفايفي ترتجف
دگات گلبي ترتطم بصدري من صار أمامي أبن عمي آهِــب
سار نَحوي ويعاين بأستِغراب ، وصل أمامنا ويعاين يمين ويسار
بعد ما وصلنا مسح جَبينه بخوف وبعده يتلفت أردف بخوف ورجفة بصوته :- شَمس شتسوون هين؟

بچيت أكثر وما أعرف شحچي كُل الكلام ضاع مني
وماكو أي صوت غير صوت أنفاسنا العالية وصوت أغصان الشجر الي يحركها الهواء القوي ..

ألتفت آهِــب للخلف ومتمركزة عينه على باب المَطبخ الخارجي ، بحركة سريعة سحبنا على غُرفة ألحَرس ووگف يعاين ع ألبيت ثواني ورجع نَظَرة علينا ..

صارت عيونه بعيوني ألي مغرگها الدموع ، أردف موجه لي الكلام :- شَمس شدتسوين هين يولي يذبحچ والله.

رَديت بنبرة باكية :- آهِــب فدوة خلينا نطلع مَحد يحس علينا ، مُهراب نايم ومايحس للصُبُح إذا أحد ما گَعده..

عاين لـ سولي رجع رفع راسه ع التوأم تنهد بتعب
هزيت راسي أبچي وهمست ببچي ..

شَمس : فدوة خلينا نطلع ..

آهِــب : شَمس ولا حرف أدخلي للـ بيت قبل لَا يشوفچ..

شَمس : آهِــب أحلفك بداعة شَجُن گَلبـَك "
خلينا نطلع من هنا تعبنا والله تعبنا ..

مُجرد ما گلتها عاينلي بأستِغراب تغرغت عيونه بـ الدموع
مَد راسه من ألباب ويستغفر مسح جَبينه وأشرلنا

آهِــب : أمشوا.

طلع أمامنا فتح باب ألشارع على كيف ويتلفت
وگفنا بـ الباب وسَده التفت عليه دموعه بـ عينه
أنحنى على سولي شماها حيل وباسها

رفع راسه علينا بانت أبتسامة خفيفة عـلى شفايفه
وعيونه تلمع بـ الدموع أردف موجه الكلام لنا
آهِــب : دُعاء ألمظلوم مُستجاب، أنه دعيت چثير
بَـس الله ما أستجاب لــ دُعائي ، أدعولي أنتو
ألله يحققلي أُمنيتي وأخُذ بت گَــلبي ..

هزيت رأسي أبچي أشرتله بـ بمعنى "أي"
وألبنات هم يبچون على بچيي تقرب أكثر
وبحركة سريعة سحب مارس ومِراس لصدره
باس رأسهم ويمسد علي ويبچي وهما يبچون ..

أبتعد وحضن وجههم وباس جَبينهم
وهمس بنبرة ماگدرت أفسر معناها
آهِــب :- لَبوات الـفَـهَـد ماينخاف عليكم..