بين ثنايا غياهب الحياة
نُشج شيطان رجيم مُبهم الهوية والتفكير
فـ هل ياتُرى مثلما يتخاطرُ في اذهَانُنا شيطان رجيم و عند شر عيناه نستعيذ؟!
اَم انهُ ساحَرٌ مُشعوذٌ الى الدَجالينِ ينَتمي؟!
كـ مُخادعٌ يغرقُ من حولهُ من الورى في الدجى سَدوفِ انيابه حادة...
طلعت من الغرفة وأحس دمارات راسي تشنجت بحيث ما عدت أگدر أفكر أو أحسب لخطواتي .. چانت لحظة معرفتي بهذا الموضوع قاسية حيـل قاسية، إنو أعرف هوَّ نفسو الي قتل أخوية ! ونفسو إلـي أذاني وتعبني طول هالسنيـن ...
چانت دنيا ليـل وهمَّا گاعدين بالحديقة مشيت لغرفتي بدون صوت ولا نفس، تمددت ع السريـر وغطيت روحي وصافنة لهاي اللحظة ما مستوعبة الموضوع ... شلون أنطاهم گلبهم؟ شلون گدروا يضمون عني كل هالوكت؟ ..
بقيت ما مستوعبة اي شي وعقلي مو براسي أبد بَس دموعي تنزل بهدوء وعيوني تغوش ... بعد وكت انفتح الباب سويت روحي نايمة وكتمت نفسي، تمدد بدون لا يلمسني أساسًا طول النهار چنا متعاركين ..
بقيت كاتمة نفسي، بنصف الليل گمت على حيلي وما أشوف كدامي غير صورة أخوية وهوَّ يضحك بوجهـي ودموعو تنزل بنفس الوكت ... مشيت على روس أصابعي طلعت من الغرفة دحگت بأنحاء البيت چان خالي من اي شخص غيرنا احنا الثلاثة ..
نزلت للطابق الأسفل وشياطين الدنيا تفتر براسي، طلعت للحديقة وأشم الهواء النقي للحظة نزلت عيني صارت على جلكان الگاز مشيت ألو بدون اي تفكير بالعواقب وبدون شفقة اخذتو ومشيت للبيت رشيت الگاز على البردات والملابس والأشياء الي تحترك بسرعة ...
بلعت ريگي وسحبت الجداحة، كل شي داسوي غلط وأعترف غلط بَس گلبي ما دايتحمل، عيوني ما داتشوف اي شي غير صورة اخوية الحنون وينقتل على ايد هالأثنين؟ ينقتل بكل دم بارد؟ طلقة من سلاحهم قتلت شاب چان عندو احلام وحياة حلوة ويريد يعيش حتى يحقق احلامو يموت بسبب اثنين عاطلين وكذابين !
سحبت العباية والشال من الغرفة الي تحت .. ووگفت بباب المَطبخ وأني اشم ريحة الگاز صارت بكل الطابق الي تحت شعلت الجداحة وزتيتها بالمَطبخ ومشيت مثل المخبلة حسيت بهاي الليلة عندي أنفصام بالشخصية ..
طلعت من البيت والنار شاعلة بالمطبـخ ما فكرت بي ولا فكرت بگلبي ولا حتى فكرت بذاك الحب... چنت امشي مبتسمة ودموعي تنزل بغزارة، بدون موبايل وبدون اي شي غير العباية والشال ، چنت امشي بشوارع مُرعبة لبنت عمرها بالعشرين بَس اني جنت باردة تجاه الخوف ما جنت اخاف، اساسًا الصبح حيدورون عليَّ وانسجن ...
...
- وين أني هسه؟
- فــي عــالــم الســحــرة الحــقـيـــقــي .
..
رجعناااا بروايتنا القنبلة 💣☄️
توقعاتكم سريع 😻🔥
كـــل اسبـوع بارتيـن او ثلاثــة بــــارتات 😈🔥.
متابعتي ع الأنستا يسهل عليكم معرفة توقيت النشر هذا اليوزر ↓↓🙊💗.
fatimalrashd
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
