القرابين_السبع
بقلمي : فطم موفق 💜
لاتنسون التصويت + التعليق بين كل فقرة + متابعة لحسابي fatimalrashd 💋.
" اليوم كُتبت نهايتي بيدي "
⏛⏛⏛⏛⏛⏛⏛⏛⏛
فتح الباب ومشيت أنا للمطبخ أغسل إيديه شفته فتح الباب وأول ما فتحه صار آهب بوجهه ودموعه على خده وبمُجرد ما خطى للداخل وگع على كتف حكم ...
بعده حكم بقلق وسنده، طلعت ركض وافكر شنو صاير ..
من وصلته كان حكم يحچي : شبيك خوية، شصاير !
حضن حكم ونزلت دموعه ويحچي بقهر ومحروگ قلبه : أخذوا بنت گلبي، أخذوا روحي.
حكم : شصاير منو أخذها؟
أردف آهب بغصة : " اليوم زوجت بنت گلبي لأبن عمي للمرة الثانية، أليوم كتبت نهايتي بيدي "
حچاها وهوَّ يبچي بحرگة گعدناه ع الدرج وهوَّ گوة يسحب النفس وما وَگف بچي ، رفع إيده لقلبه وهمس : گلبي دايحترگ، روحي موتتني أضربوني سووا أي شي بَس خلوني أنام وما أگعد ما أريد أتذكر شي ما اريد أتذكر نظراتهم لبعض.
حضنه حكم ويصبر بي بَس وين يفيد جاي وقلبه محروگ ومكسور ، ما سهل الي شافه ولا سهل يتحمل فكرة ألي حبها من هيَّ وطفلة صارت لأبن عمه، راح يتعذب ومُمكن يوصل لحالة أسوء والقرار يبقى عنده ينسى ويرجع أقوى أو يبقى يتذكر وتسوء حالته أكثر.
طلعت حَنين وأجت رگض گعدت گدامه ودمعتها بطرف عينها : شبيك آهِـب؟ منو معاك؟
أشرلها حَكم تسكت بقت صافنة بآهب شلون يبچي ومحروگ قلبه صارت تبچي على بچيته وهيَّ ما فاهمة شي، گومه حَكم ودخله للأستقبال وحدهم سحبت حَنين ودخلنا مسحتلها دموعها ونبهتها لازم محد يعرف شصاير ...
من دخلت سألوني منو بالباب جاوبتهم صديق حَكم محد صدگني لأن يدرون حَكم شخص ما يحب العلاقات الكثيرة وكتوم ومكتفي بحنين ... گعدت وميتة قهر كُل ما أتذكر منظره أختنگ، ياربي شنو ذنب هالبشر يتعذب هالشكل، ليش ديصير كُل هذا أله؟ ليش يحاربونه بأعز شي على قلبه؟
التفتلي الزئبـق وهمس : ماذا حصل، لِما عيناكِ حزينة؟
شاورته : بعدين أسولفلك.
كملوا أكلهم لمينا السفرة ومحد يدري آهِب موجود بالبيت، ناديت الزئبـق ودخلنا للأستقبال بعده آهِب على نفس حالته قبل لا يتقرب الزئبـق حچيتله مُختصر عن السبب ألي وصل آهِـب لهالحالة .. گعد يمه وأردف : قل الحمد لله.
ما رد آهِـب رجع تكلم الزئبـق : آهِـب أنتَ مؤمن وهم يُعذبوك بـ متاع الدُنيا ، الله يرالك أليس كافيًا؟ الن يقدر أن يُزلزل من تحتهم الأرض؟
أنت تقرأ
القرابين السبع
Horrorبين ثنايا غياهب الحياة نُشج شيطان رجيم مُبهم الهوية والتفكير فـ هل ياتُرى مثلما يتخاطرُ في اذهَانُنا شيطان رجيم و عند شر عيناه نستعيذ؟! اَم انهُ ساحَرٌ مُشعوذٌ الى الدَجالينِ ينَتمي؟! كـ مُخادعٌ يغرقُ من حولهُ من الورى في الدجى سَدوفِ انيابه حادة...
