القرابين_السبع
بقلمي : فطم موفق 💜
لاتنسون التصويت + التعليق بين كل فقرة + متابعة لحسابي 💋.
" لاينسى الأنسان ألمه حين يحتاج لاحد ان يحتضنهُ من ألآمهِ فيحتضن نفسهُ.... "
⏛⏛⏛⏛⏛⏛⏛⏛⏛
- مِـراس -
تراجعت للخلف ومدهوشة من ألي سمعته ، سرت بخطوات سريعة لغرفتي ةسحبت موبايلي وجسمي يرجف وانا أتذكر كلامه ..معقولة صدك؟ ما أعرف شلون أتصل بعد من رجعة إيدي ، طلعلي رقم شَمس وسريع أتصلت ودموعي تنزل بقى يرن وأنا أدور بالغرفة مثل المخبلة وأحس الغصى ببلعومي ما داگدر أتنفس أبدًا ...
أول ما ردت عليَّ حچيت بحروف مُتقطعة بدون لا أنطيها مجال : شـ شَمس شَمس ...
جاوبتني بنبرة قلق : شصاااير؟
مِـراس : شَـ ـمس بـ ـابا
شَمس : أهدي مِـراس أهدي بنتي وأحچيلي شنو الموضوع؟
مِـراس : بابا موجود ، بابا فعلاً عايش ..
شَمس : شلون فهميني منيلچ هالمعلومة؟
جاوبتها وأنا أبچي والحروف بالگوة دتطلع مني : عمو وضاح سمعته يگول هالمكانين المفروض يكون بيهم الفهد.
جا صوتها منفعلة : وييين؟ وييين مِـراس بأي مكاااان؟
گعدت بالأرض وأبچي : ما أعرف الأماكن تعالي أنتِ ..
غلقته مني وأنا منهارة هالشي حقيقي أكيد أنا ما داتوهم أبوية فعلاً عايش وإحساسنا طول هالسنين ما خاب !
حَسيت إيد رفعتني من الأرض بسرعة ألتفتت ما واعية : بابا ..!
خاب أملي من شفته راجح بقت دموعي تنزل وصافنة بي وهوَّ ما فاهم شي مَيلت راسي وصرت أشهگ بالبچي سحبني لصدره ويمسد على شعري : شصاير؟ ليش دموع الشُجاعة نزلت؟
ما أعرف شنو أجاوب مُجرد الفكرة بأن راح نشوف أبونا تحسسنا بشيء غريب وأمان لا نهائي ، وبنفس الوقت عدم تصديق هالشيء راح ياكل من قلبنا لحد ما نقُر عينَّا بشوفته ... من يمسح على راسنا ويبوس جَبينّا ، من نسمع نبرة صوته وهوَّ يندهلنا وقتها راح نصدق وما نكذب عينّا...
گعدني ع السرير ولا زلت منهارة وما أعرف السبب شنو بالضبط إلي مخليني بهالحالة والضُعف مَديت إيدي لقلبي وغمضت عيني : عشت هين طول الوقت ولا يوم نسينا وولا يوم مَر بدون ذكراك ، عشت بقلب أربع بنات طول سنين ، صارلك أربع قلوب سبب يخليك تعيش طويلاً وتحافظ عليهم.
فتحت عيوني راجح بعده مگنبص گدامي ويدحگلي بأستغراب همستله : تسندني بَس أتمدد هناك؟
هز رأسه وسحب إيدي مگومني رجليَّ ما داحس بيهم ولا يعينوني أضطر يحملني وينومني بسريري غطاني وگعد بحافية السرير يمسح على شعري ويمسح دموعي ...
أنت تقرأ
القرابين السبع
Horrorبين ثنايا غياهب الحياة نُشج شيطان رجيم مُبهم الهوية والتفكير فـ هل ياتُرى مثلما يتخاطرُ في اذهَانُنا شيطان رجيم و عند شر عيناه نستعيذ؟! اَم انهُ ساحَرٌ مُشعوذٌ الى الدَجالينِ ينَتمي؟! كـ مُخادعٌ يغرقُ من حولهُ من الورى في الدجى سَدوفِ انيابه حادة...
