مساء الخير...
رواية القرابين السبع
بـقلمي أنـا فطم مـوَفـق fatimalrashd
" لِما كُل هذهِ القساوةَ !؟
ونحنُ اللذين أعتدنا على حنانك "
~~~~•~~~~
ركضت يمها شفتها گاعدة وشعرها على عيونها
رفعتها لـ حُضني والبنات گعدوا ، ما أعرف شسوي وليش هيَ بـ الذّات گاعدة ! وبـ هاي الحالة !
بقيت حاضنتها وأبچي بـ صوت عالي تهسترت كُلش
كُل شي ألا بنتي ، أقبل بـ أي شي بَـس ألي يتقرب لـ بنتي مستعدة أقتله .. بقيت دقائق ونزلتها وأبعد الشعر من وجهها
شفتها عرگانة ودموعها تنزل ، راحت مارس جابت مَي شربتها
وميتة خوف عليها أردفت وگلبي ينبض بقوة :- بنتي لـيش گاعدة بـ هذا الوقت؟ وليش حالة شعرچ هيچ؟ أنه ظفرته قبل لا تنامين مو؟
ماكو أي رد ولا ردة فعل أبد
زاد خوفي أكثر وحسيت أكو شي مو طبيعي
گمت لـ نوافذ البيت أتفقدهم ماكو أي نافذة مفتوحة
رجعت لـ سولي وحضنتها لـ صدري رفعتها وگمت ، طمنت البنات وگلت ننام بـ غرفتي..
مشيت من يمهم ودخلت لـ غرفتي
غسلت وجه سولي وغسلت وجهي وأستغفر
مددتها وهيَ صامتة وما أنطت أي ردة فعل ..
تمددت يمها وحضنتها قوي وأردفت بـ صوت هادئ :- ماما شنو شفتي؟
ما ردت بَـس مفتحة عيونها صافنة
رجعت حچيت :- بنيتي أحچيلي شفتي حلم ايع؟
سولين : اكو واحد كُلش كُلش بعيد.
رفعت نفسي وأعاينلها صافنة ومبرطمة شفايفها
أردفت بـ أستغراب :- منو بعيد ؟
سولي : الطفل.
- طفل منو؟
بقت صافنة بـ وجهي
سوت حركة بـ حلگها معناها ما أعرف
أبتسمت ألها وخايفة حيل من هذا الحلم
يعني شنو معناه طفل بعيد !!؟
بقيت أفكر بـ حلمها هذا وأريد أله تفسير واحد
ما لگيت.. لمن ما غفيت ومو حاسة بـ نفسي ..
فزيت من كابوس وجسمي يرجف خوف ، عاينت بـ فراشي سولي نايمة بعدها ، رفعت شعري وصدري يصعد وينزل من نفَّسي السريع ..
طلعت لـ الصالة وراسي يوجعني حيل
عاينت بـ الساعة بعدها بـ السبعة ، حضرت ريوگ وگعدت البنات يتجهزون ، كملنا لـ العشرة أنه بـ البيت بعدني والبنات بـ الدوام ، سولين تلعب گدامي وشويه تصفن ، طلعت الحاسِبة جايتني رسالة مال موقع ، گمت بـ سُرعة لبست وبدلت لـ سولي وطلعنا ..
لـ نص الطريق أتصلوا وگالوا ماكو داعي تجين
غمضت عيني ونزلت راسي لـ الستيرن أضرب بي بخفة ، شوكت راح أرتاح شوكت؟؟
ثواني وصاحت سولي :- مامي أليد كيكة .
عاينت يمين يسار أكو محل وهيَ شايفته
وتريد كيك ، هزيت راسي مبتسمة نزلت لـ المحل أشتريت ألها دا أرجع بـ طريقي ما أحس غير أصطدمت بـ شخص وكُل ألي بـ أيدي وگع ، دخل خشمي عُطر هذا الشخص الغريب ، التفتت عليَّ چان يمشي سريع ، أجت عيني على أيدينه لابس چفوف سوّد !!!!
أنت تقرأ
القرابين السبع
Horrorبين ثنايا غياهب الحياة نُشج شيطان رجيم مُبهم الهوية والتفكير فـ هل ياتُرى مثلما يتخاطرُ في اذهَانُنا شيطان رجيم و عند شر عيناه نستعيذ؟! اَم انهُ ساحَرٌ مُشعوذٌ الى الدَجالينِ ينَتمي؟! كـ مُخادعٌ يغرقُ من حولهُ من الورى في الدجى سَدوفِ انيابه حادة...
