مساء الخير...
رواية القرابين السبع
بـقلمي أنـا فطم مـوَفـق fatimalrashd
هل كان الذنب عظيم
ليبعدني من حضن أمي الدافئ
تمنيت لو كانت أُمي دومًا بجانبي
تحتضني كُلما شعرت ببرد ، لكنها لم تفعل
كانت القريبة البعيدة ، الحنونة القاسية
لكني كبرت ، كبرت وأنا أتخبط وجعًا كُلما رآيت أُمًا تحتضن طفلتها هذا مصيري اللعين فلأرضى به.
~~~~•~~~~
نارا :- أخذوها على قسم الجنائيات وأريد تقرير طبي كامل عن وضعها ، أي كدمة تدل على تعنيف تمحي آل عبدالله بـ الكامل.
گالتها وطلعت ، لبسوني عبايتي وطلعوني
صعدوني بـ سيارتها التفتت عليَّ :- لا تخافين نحنَ وياچ.
وَهـن : محد طلب منكم تكونون وياي ، أنه ما قدمت شكوى ما مسموح ألكم تاخذوني غصب !
نارا : بَــس أختچ قدمت شكواها ووصلنا ملفچ
شَمْس الفهد مُقدمة الشكوى وتصير أختچ وولي أمرچ بعد أبوچ.
بقيت صافنة بـ وجهها لا يا الله مو وكتها أبدًا كُل شي راح يخرب ، ساقت السيارة وسيارة ثانية ورانا بيها سائِـر واحمد
فركت وجهي متوترة وحايرة شسوي بـ هاي الحالة ، مُستحيل كُل شي يخرب بعد هالوقت ، لازم يساعدني وما ينكشف كُل شي ...
وصلنا المركز نزلوا وسائر يأشرلي ما أحچي شي
كتمت البچية ومشيت وياهم ، دخلتني للمكتب مالتها
گعدت صاحت لـ بنية هم بـ زي ضابط :- ماريا عينچ عليها.
راحت نارا وبقت ماريا يمي
شويه ورجعت بيدها أوراق وملفات
گعدت وتگلب بيهم دخل واحد لـ الغرفة لابس ملابس مرتبة
وبيده جنطة سودة گامت الضابط سلمت عليَّ وأردفت :- أهلاً بيك أستاذ جمال ، تفضل.
گعد مقابيلي وأنه صافنة ما فاهمة شي
اردف جمال :- دزتني الست شَمْس شرحتلي نوع القضية كاملة.
فتحت عيوني صافنة بي هذا شديحچي؟
شدتسوين يا شَمْس شدتسوين ..!
گمت وگفت ورفعت أيدي :- هسه تطلعوني من هين
وتطلعون زوجي أنه ما أقدم أي شكوى ، شنو تجيبون مُحامي وتسوون قضية بكيفكم؟ شدخلكم؟
جمال : ست وَهـن القانون ما يقبل بـ التعنيف
أي شخص يستعمل التعنيف يتعاقب لو كان أبن دولة.
وَهـن :- لاااا تدخل أنتَ ، شُغلك كُله مُحامي تاخذ فلوسك وتترك كُل شي ، وانا مُحامية وأعرف نوع هالقضايا.
التفتت عليها وصحت :- طلعيني من هين.
نارا : مُستحيل ، تفضلي أگعدي .
ردت أطلع أستوقفني رنة موبايل نارا وهمسها بـ أسم شَمْس
التفتت عليها قدمتلي الموبايل :- أختچ تريد تحاچيچ.
أنت تقرأ
القرابين السبع
Horrorبين ثنايا غياهب الحياة نُشج شيطان رجيم مُبهم الهوية والتفكير فـ هل ياتُرى مثلما يتخاطرُ في اذهَانُنا شيطان رجيم و عند شر عيناه نستعيذ؟! اَم انهُ ساحَرٌ مُشعوذٌ الى الدَجالينِ ينَتمي؟! كـ مُخادعٌ يغرقُ من حولهُ من الورى في الدجى سَدوفِ انيابه حادة...
