القرابين السبع

part 13 | ستخرُج مُنتصرة

القرابين_السبع

بقلمي : فطم موفق 💜

لاتنسون التصويت + التعليق بين كل فقرة + متابعة لحسابي fatimalrashd💋.

" أرموها بين تلك الساحرات وأؤكد لكم إنها ستخرج المُنتصرة  "

⏛⏛⏛⏛⏛⏛⏛⏛⏛

هنالك مشاهد مُخيفة قد لا تُناسب الجميع أقتضى التنبيه 💜
....

#شَمس..

وصلنا قريب المنطقة ألي جايه الإشارة منه ، نزلت وعيني بالموبايل وبين ما أدخل لهل منطقة رَن موبايلي رقم غريب .. فتحته وعيوني ع الزئبـق ...

من تضخم الصوت والكلام الغير منطقي ، حسيت أطرافي تجمدت  وعيوني تفتر بين حكم والزئبق بخوف وقلة حيلة ، نزلت دمعتي بضعف وأنا أهمس بخوف وضعف : لاااا أتركوها ...

أنغلق الموبايل بوجهي حسيت الدنيا سودت بعيني وأدحگ لكُل شيء وأشوفه مغوش ، سندتني أيد ما ميزته الزئبـق لو حكم صار يرش بوجهي ماي حتى أستعيد نفسي ، بعد ما صحصحت همست : زئبق مارس ، مارس بهالمكان.

الزىبق : أين هيَّ ؟

گمت على حيلي وگفت گدامه : ساعدني ندخل ونطلعها .

اومألي براسه مشيت گدامه وأنا أفكر بالكلام ألي گاله بالهاتف هل كلامه صحيح؟ لو صحيح شيصير ؟
تمشينا بأزقة هالمنطقة لمن ما وصلنا المكان ألي الجهاز صار يأشر من الموقع ، دفر الباب حكم إنفتح كان باب قديم والحديد مالته مزرف ..

دخلنا للمكان مثل مخزن قديم مابي أي شيء غير الوسخ وبوسط هالمكان كُرسي وبي حبال واضح كانوا هين ..
مشيت للمكان ألي بي مثل ميز فقط وقديم حيل واحد يخلي عليه دولگة يوگع ، كان أكو فنجان سفري وبي أثر قهوة ، أخذته ورفعته دخلت أصبعي القهوة ما قديمة بعدها رطبة ...

التفتت ع المكان أدحگ لكُل تفصيلة بي ، دنگت ع الأرض ألي صبة لكن التراب مغطيها من كثر ما المكان متروك .. أكو آثار أقدام وواضح جديدة تتبعت الآثار وصلتني للباب رجعت بـ راسي وحللت كيف طلعوها من هالمكان ..

كانت مربطة بالكرسي وبعدها أثنين تقدموا ألها وفكوا تقييدها حتى يطلعوها ، لكن مارس ما بقت ساكنة .. الآثار بالبداية مخربطة وبعدها أعتدلت لكن بأعوجاج الأجسام .. هذا يعني شي واحد مارس بكامل قواها ومحد لامس منها شعرة ولهذا بقت تصدهم وتحاول تفك نفسها بقوة ..

عدلت نفسي ووگفت مبتسمة : هاي بنت الفهد ما راح تمشي من هالمكان دون ترك أثرها ، تعرف وراها لبوة لاحگتها وتطلعها من حلگ السبع ، شُكرًا مارس طمنتي قلبي .