القرابين السبع

part 28 | نور عينيّ

القرابين_السبع

بقلمي : فطم موفق 💜

لاتنسون التصويت + التعليق بين كل فقرة + متابعة لحسابي 💋.

" اغمض عينيه مرة أخرى لأنه لم يتمكن ان يرى الدنيا و هيَّ غير موجودة فيهـا "
⏛⏛⏛⏛⏛⏛⏛⏛⏛

بقيت أروح للغرفة وأشوف حالة حَكم ما زال يبچي هالدموع ما نشفت ويحاچيها : أنا حميتـچ طول سنين من اهلچ وهسه بعد ما كبرتي وصرتي مثل الورد تروحيـن ليشش؟ ما فكرتي بيَّ ما گلتي حَكم شلون يعيش بدوني؟ ما گلتي لنفسچ شلون أأذي روحه؟

تراجعت للخلف وأشهگ بچي وگلبي أحس نار نار شاعلة بي
چنت متأكدة حَكم راح يموت بعد حَنيـن ومُستحيل يتقبل موتتها لكن صار العكس، صار الأسوء من الموت ، صار شي محد متوقعه نهائيًا وأصلاً محد مصدگه لو ما شافه بعينه ..

صار الصبح وأنا گاعدة بالممر إلي بين الغرف وكُل شويه أدخل للغرفة أشوفه نفس وضعه ودموعه ما نشفت، ما غفت عينه لحظة بقى گاعد يمها ويحاچيها ... أول ما صبحنا جابوا حرمة تغسل حضروا مكانها البنات ..

طلعـت للغرفة فتحت الباب بعده نفس حالته مشيت للكنتور طلعت الها لبسة خفيفة وتقدمت يمها همستله : ساعدني أغيـر ملابسها.

رفـع راسه عليَّ لون عيونه ما يبين صاير دم كُله
رجع راسه لحنين من بقى صافـن بيها ودموعه تنزل تقدمت أنا فليت شعرها وصرت أنزعـها الفستان وقبل لا يطلع جزء من جسمها دار راسـه عاصر نفسه، ضرب رجله قوي وگام يستند بالحايط لمن ما طلـع برا ..

بالگوة رفعتها وبدلت الفستان وأنا دموعـي شلال
لبستها اللبسة الخفيفة وأمسح على شعرها، وعيني على وجهها شفايفها صايرين زرگ وجهها أصفر.

دنگت راسي بست جَبينها وأهمس بأذنها : دمـچ ما راح يروح هـدر، مُهـراب راح يموت على إيدي وهذا وعـد من شَمس الفهد .

گلتها ومشيت للباب فتحته شفت حَكم گاعد ع الأرض وساند ظهره ع الحايط ويشهگ دنگت يمه وأردفت : كافي حَكم أرحم حالك شوف عيونك راحـت من البچي، حرام ألي دتسوي بنفسك، ما يجوز هالشي.

رفع إيده دمها ميبس عليهم وحچه بكسرة :
" عشگ طفولـتي ماتت بحضني ! "

مسح وجهه حيل وضرب الأرض بيده قوي وصاح بوجهـي : الربيتها وحميتها من عائلتها خذاها الموت .

زدنا بالبچي أثنينا وصار يضرب گلبه بقوة ويصيح : لييش ما يتوقف؟ ليش ما يتوقف مثل گلبها، ليش خلتني هين وحيد، ليش أخذت روحي بروحتها.

التموا الولد علي حضنه آهِـب وحالته مو أحسن من حَكم
وگفت وأشرت للزئبق يجي يشيلها ننزلها نغسلها ..

دخلنا للغرفة غطيتها بجرجف أبيض گعد يم راسها ويمسح شعرها ودموعه تنزل دنگ على راسها باسه حيل وأردف : لتذهبي للجنة يا عصفورتي .