القرابين_السبع
بقلمي : فطم موفق 💜
لاتنسون التصويت + التعليق بين كل فقرة + متابعة لحسابي 💋.
" هذهِ العينين آسرت قلبـي "
⏛⏛⏛⏛⏛⏛⏛⏛⏛
البارت 3500 كلمة قصير باچر ينزل بارت تكملة طويل حيل، اعذروني ع التقصير وصورة عيون شَمس تلگوها بالنهاية واذا ما فتحت تعالوا بحساب ميراس او حسابي راح انزلو 🔥
حساب ميراس ( TS4_h )
....
رخت ملامحي غمضت عيني بتعب وگلبي ينبض بقوة وكل نبضة توجع أكثر من الثانية ... عدل نفسي وشالني ممدني ع السرير ومشى للباب مدري شني حچى معاهم ورجع سحب الكلينس وصار يمسح خشمي بعدت إيده : عوفني ..
گمت من السرير ومشيت اسحب الشال مالتي بقيت صافنة بالأرض والدنيا تدور بيَّ وعيوني تستسلم وأجع أفتحها ... ألا ما أختل توازني وما أعرف وين وگعت أو لحگلي ما حَسيت واستسلمت للظلام بسرعة ......
وعيت على نفسي بعدني بالأرض وهوَّ يضرب خـدي بخفة : ميراس ..
دفعته منـي وگمت صارت عينـي ع الكتب الي ع الكومدي سحبت الكتب وگعتها وأغمض وأفتح عيوني بتعب ... مشيت للسرير شمرت شكو شي علي وأبچـي ، بالحقيقة ما أعرف السبب ألي خلانـي أسوي هالأشياء .
وصلت المراية وشكو شي عليها شمرته تكسر وريحة العطور ملت الغرفة ، وهذا كُله أنا أمشي بتك رجل رجلي الي ضربتها بالقنفة ما أگدر أحركها .. گلبي أحس شاعلين بي نار وما دتطفى ... عقلي مشوش وعيوني تغوش .
كُل أفعالي بدون وَعـي ، ليش داسوي هالشي ما أعرف ما أعرف ليش .. هجمت الغرفة اخر شي ردت أضرب المراية على گد ما شفت وجهـي بي لكن قبل لا توصل إيدي للمراية أنسحبت بقوة ... ضربته بكتفه وگضبت شعره أجُر بي ودموعـي تنزل ، صرت أصرخ بصوت مكتوم ، يبس جسمي وجمدت أطرافي وبَس دموعي تنزل ..
بقى ثابت ونظراته تتوزع على ملامح وجهـي ..
تخبلت ، تهسترت ، صرت أضرب بي ما واعيـة واحچـي كلام ما مفهوم ... بنفسي أنا ما فهمته شني ما أعرف كلامي مفوم أله أو لا ، لكن ألي مركزة بي داكرر أسم عمامي ، داكرر عيشتي بذاك البيت مع سحرة بحد ذاتهم .. داكرر شلون تعبت وشلون تعذبت ... كل جملة أگولها أكررها مرتيـن لو ثلاثة وبصوت مكتوم وبي غصة طالعة من القلب .
صرت أغمض وأفتـح عيونـي بتعب وأنفاس لاهثة ..
- هوَّ..هوَّ حاول هواي ، حاول هواي ...
فتحت عيوني على وسعها من تذكرت الموقف دفعته بكل قوتي ومشيت أفرك قلبي وأهمس : ما وصلني أوكسجين، ما خلاني أتنفس .
صرت أتنفس بعُمق وبنفس الوقت نفسي يضيق أكثر وأكثر
حَسيت بلمسة على كتفي نفرت منها أرجـف ودموعي تنزل وحواجبـي تتحرك بعشوائية .. تراجعـت بخطوات للخلف مغمضة عيونـي وشفايفي ترجف وبكُل خطوة منه أفز وأهز راسي بـ " لااا " ..
أنت تقرأ
القرابين السبع
Horrorبين ثنايا غياهب الحياة نُشج شيطان رجيم مُبهم الهوية والتفكير فـ هل ياتُرى مثلما يتخاطرُ في اذهَانُنا شيطان رجيم و عند شر عيناه نستعيذ؟! اَم انهُ ساحَرٌ مُشعوذٌ الى الدَجالينِ ينَتمي؟! كـ مُخادعٌ يغرقُ من حولهُ من الورى في الدجى سَدوفِ انيابه حادة...
