القرابين_السبع
بقلمي : فطم موفق 💜
لاتنسون التصويت + التعليق بين كل فقرة + متابعة لحسابي fatimalrashd 💋.
⏛⏛⏛⏛⏛⏛⏛⏛⏛
راجـح : عاقبيني مِراس ، أي شي اقبل بي .
التفتت أله وعيوني تتوزع على ملامحه : تريد تعرف عِقابي شنو ؟؟؟
هز رأسه بقبول : أتقبل كُل شي منـچ .
تقربت منه وصرت أمامه وما يفصلنا غير أصبعين وهمست بأذنه : ما راح أگُلك تطلگ أروى انا مو لهلدرجة ما عندي ضمير واطلگ بنت ما صارلها شهر متزوجة لكن ...
تقربت أكثر ومَديت إيـدي مسحت على خـده وعيوني تتجول بعُمـق عيونـه : تحچيلـي كُل شـي عـن ماضيـك وشنـو الموضوع إلـي بينك أنـت وأُمـك وأبـوك ؟؟
بلع ريـگه وما زال يناظرني نفس النظرات من بقـى صامـت همست : إذا حچيتـلي عـن كُل شـي راح أرجـع مِـراس القديمـة .
راجـح : ليش تريديـن تعرفيـن ؟
مِراس : من حقـي أعرف بصفتـي زوجتـك .
راجـح : وإذا ما حچيـت ؟
مِراس : بعد ما تشوفـني حَتـى بحلمـك .
گلتهـا وأبتعدت منـه ، غسلت وجهـي وعدلت ملابسي طلعت ما شفته موجـود ... مَروا يوميـن ثانييـن وهوَّ ماكو .
بدلت ملابس خفيفة مثل العادة والجو حلو جهزتلي گعدة وگعدت أتابع مُسلسل .. بقيت مندمجة بالمُسلسل حَتى سمعت أندگ گمت وصحت منو أجاني صوته رحت فتحت الباب رفعت راسي اله مبتسمة : تفضـل !
نزلـت نظراتـه على كُل جسمـي ورفعهـا لعينـي : راح أحچيلـچ كـل شي .
سويتله مجال دخل وشعره مخربط ووجهه تعبان حيـل وگف بنص الغرفة التفت عليَّ مبتسم رغم تعب وجهه : غرفة راحتـي .
مِراس : أسمعـك راجـح ..؟
گعـد بالأرض ويضحـك : ذكيـة لكن هالمـرة ما تضحكيـن عليَّ .
مِراس : كلمتي ما تنكسر ومـا أتراجـع عنهـا أطـمئن .
سحبنـي وگعدنـي يمه وحچى بصوت تعبان مهزوز : چان أكو زوجـين وضاح ومَها چانوا يحبون بعض لدرجة محد يتصورها ، مَحد چان يدري هالحُب من طرف واحـد فقط ، مَرت السنين وصار عندهم طفل وسموا راجح ...
نزلت دموعها ويحاول يخفيها مني لكن دون فائدة أنا أعرف داخلـه دايحترگ ... كمل كلامه بقهر وحسرة ..
راجح : حبوا هذا الطفل هواي ومن بعد عدة سنين صارت مشاكل بينهم ووصلت للطلاق ، الناس كانت جاهلة سبب مشاكلهم لكن همَّا ما حبوا يفضحوحها ، من بعد ما تم الطلاق والكُل تفاجئ وگعت حضانة الطفل راجـح الـي عمره عشر سنين للأُم ...
أنت تقرأ
القرابين السبع
Horrorبين ثنايا غياهب الحياة نُشج شيطان رجيم مُبهم الهوية والتفكير فـ هل ياتُرى مثلما يتخاطرُ في اذهَانُنا شيطان رجيم و عند شر عيناه نستعيذ؟! اَم انهُ ساحَرٌ مُشعوذٌ الى الدَجالينِ ينَتمي؟! كـ مُخادعٌ يغرقُ من حولهُ من الورى في الدجى سَدوفِ انيابه حادة...
