القرابين السبع

part 37 | الأحلام المَلعونة

القرابين السبع

              فطم موفــق 🤎

أنستا : fatimalrashd
تلي : fatima_muwafaq1

لُطفًا صوتوا وعلقوا بين الفقران ♥️🌿

__________________________

:: ميــراس ::

بعـد يومين بالضبـط گاعدين بعضنا بالأستقبال وعمو وضاح عدنا ويحاچي شَمس يحاول يفهم منها سبب سكوتها المُفاجئ ! لكن بقت مُصرة على كلامها وإنو هيَّ تريد ترتاح من المشاكل والمُصايب الي تصيـر وكت توگف جدام عمامي ..

بعد عدة دقائق خليت الچاي وگعدت يمهم .. أندار عليّ ويسألني شلونـي وشني وضعي وقبل فترة چان ينطيني مصرف وما چنت أقبـل هالمرة هم عادها وما قبلًت أخذ شي لإني الحمدلله عندي مصروف وراتبي كافي ...

وَضاح : ميراس أي شي تحتاجي تخابريني .

هزيت راسي مبتسمة : إن شاء الله بَس أكو شغلة أرد...

قبل لا اكمل دخل حيدر يضحك والموبايل على أذنو من شاف عمي سلم عليه وگعد مبتسم سألوا عمي : الوجه يضحك ؟؟

حيدر : اكثر من موقع يخص المُخدرات والأسلحة الي عمامي والزعيـم يهربوهم انكشفوا وتصادروا ليلة البارحة .

وضاح : شلون ؟؟

التفت حيدر على شمس الي اصلاً ما منتبهة على كلامهم ولا بالها يمنا ورجـع التفت لعمي : الواضـح اكو شخص بدأ باللعبة الچبيـرة، والله يستـر عمامي مـن نارو .

ابتسم عمـي وجاوبو : منو ما چان هوَّ سبـع ومن ظهـر سـبع .

بقوا نصف ساعة تقريبًا يحچون گمت اني لريان اشوفو صدُگ چان يبچي وايلول ما تعرف تسكتو ، أخذتو لحُضني وأريدو ينام ما چان يقبل ينام وبقى يسكت شويه ويرجـع يصرخ ... من شفت عمي طلـع وگفت بباب المَطبخ وهوّ يلبس برجلو ..

من وگف صار ريان يصرخ بسرعة التفت عليَّ مستغرب ، قوست شفايفي ودموعي بعيني ، أبتسم ما فاهم شي : هذا أبن منو يولو ؟؟

بقوا حيدر وعلي ساكتين وينتظروني أحچـي ... اخذ عمي ريان من ايدي وخلاه على صدرو وباسو ، بعدها رفع راسو عليّ : ليش ما تجاوبون ؟

ميراس : هذا أبن أبنك، حفيدك .

توسعت عينو بصدمة وبقى صافن بوجهي : شني ؟؟ بس أنيي ..

قاطعتو بحرگة گلب وعيني على ريان : هذا مو أبنـي هذا أبن أروى وراجـح .

بقى بصدمتو ما يعرف يدحگ لريان لو الي، گعد على عتبة باب الأستقبال وبيدو ريان صافـن بي رجع بسرعة سأل : شلون هاي ؟؟

ميراس : من تركها راجح وطلگها چانت حامل وبسبب ... بسبب ام راجح تكتموا ع الموضوع ومن ولدت خابرتني أروح للمستشفى وأول ما وصلت خلت بيدي هذا الطفل .