القرابين السبع

part 41 | الضُعف

القرابين السبع

              فطم موفــق 🤎

أنستا : fatimalrashd
تلي : fatima_muwafaq1

لُطفًا صوتوا وعلقوا بين الفقران ♥️🌿

الجزء الأول من البارت الأخير

أحيانًا الأستمرار بالحياة
هوّ أكثر نهاية تعيسة ..

__________________________

:: شَمس ::

آخر شيء أتذكرو هوَّ وجه المغوار وأصوات عاليـة يم رأسي
صرت أفتـح عيني شويه شويه وبعدهم مغوشيـن وأهمس بلسان ثگيل : زئبــق .. أنقذوا .

دحگت بأرجاء المكان چانت غرفة مستشفـى .. رفعت إيدي مشكل بيها مُغذي.. مَديتها لبطني تحسستها بعد طفلي موجود غمضت عيني وتحمدت الله ما حرمني من طفلي هم .

ردت أگوم ما گدرت قوتي ما تكفي إني أحرك ساكن كأنما جسمي شبعان ضرب بحيث ماكو عظمة بي ما توجعنـي، بقيت صافنة بالسقف وگلبي ينبض بقوة ويوجع صدري ..

متأذية لدرجة حتى دگات گلبي صارت توجعني !

تحركت شفايفي بالدُعاء إنُ يكونون أنقذوا وجابوا للمستشفى، كملت دُعائي له وأنفتح باب الغرفة ودخلـت سولين وغلقت الباب وراها تقدمت يمي ودموعها تنزل ..

رفعت إيدي بسرعة خلت رأسها على صدري تبچي

- شلون صرتي ؟

شمس : الحمد لله أمي أني بخيـر ما بيّ أي خدش أو وجع .

- خفت عليچ هواي هالمرة .

بقيت صامتة وأمسح على ظهرها وأبوس چتفها، أبتعدت شويه وگعدت ع الكرسي وسحبت إيدي بحضنها : البيبي بخير همين هسه عمو آهِب گال هيّ والطفل بخير .

شمس : الحمد لله ماما ، زين عمچ شلونو ؟

بقت ساكتة ونزلت عيونها من عيني، رجعت سألتها : عمچ شلونو جابوا ؟

سولين : راح علي هناك بَس ما لگه أي أثر لا لعمي ولا لمُهراب .

شمس : شلون بنتي أني تركتهم هناك وين راح يكونون ؟؟

سولين : خالو عماد هم گال ما خلينا مكان ما دورناه بَس ماكو وما يگدرون يقربون لهذاك المكان يتأذون، هسه دايدورون بالمستشفيات كلها لعله يلگون أثر لعمو .

ردت أگوم بس رجعتني تبچي
- ماما فدوة رحتلچ لا تتعبين نفسچ همّا أصلاً ولا واحد گاعد بيهم، ما زين شويه وضعچ صار زين چنتِ تختنگين وحرارتچ صاعدة يادوب گدروا يعالجوچ .