{Unicode}
အပိုင်းနှစ် - ဆူညံပါသည့် စားသောက်ဆိုင် (၃)
လီလော့သည် သွမ့်မင်ယန်၏ လက်ကို ပုတ်ထုတ်လိုက်ပြီး
" ဘာလဲ၊ ငါဆိုရင်ရော၊ မနာလိုဖြစ်လို့ မရဘူးလား "
" သဘောရှိပါ "
" ပျော်စရာလို့ ထင်နေတယ်ပေါ့လေ၊ ငါတော့ မကြည်ချင်တော့ဘူးနော် "
လီလော့သည် သွမ့်မင်ယန်ကို မျက်စိပြူးကာ ကြည့်လိုက်ပြီး
" ငါ့ကို နောက်တစ်ခါ ဂျေဝင်ရအောင် ထပ်လိုပ်ရင် အိမ်ပြန်ရောက်တဲ့အခါကျ အရေခွံနွှာပစ်မယ်၊ ဂရုစိုက်ပြီးတော့သာ နေပေတော့ "
" နောက်ဆုံးတစ်ခေါက်တုန်းကလိုလား "
သွမ့်မင်ယန်သည် စားမြုံ့ပြန်နေသည့်အလား။
" အဲ့လိုသာဆိုရင်တော့ အတော်လေး ကြမ်းတယ် ပြောရမယ်၊ ကိုယ့်အင်္ကျီပါ ပြဲသွားရုံတင် မကဘူး၊ ကျောမှာတောင် ကုတ်ရာတွေ အစင်းလိုက်ကြီး ကျန်ခဲ့တာ "
" မကြောက်ဘူးပေါ့လေ "
" ကြောက်ပါတယ် "
" ငါ ဘယ်လောက် ကြမ်းတယ်ဆိုတာ သိထားလိုက် "
သွမ့်မင်ယန်သည် လီလော့၏ မေးခွန်းမှန်သမျှကို အလိုလိုက် အကြိုက်ဆောင်ကာ ပြန်ဖြေပေးနေ၍ သူ့မှာ စိတ်ကျေနပ်ပြီး မြောက်ကြွမြောက်ကြွဖြစ်နေတော့သည်။ သူသည် သခင်က သူ့အမွှေးတွေကို ပွတ်သပ်ပေးသည်အား သဘောခွေ့နေသည့် ကြောင်ကလေးတစ်ကောင်နှယ် သခင်ဖြစ်သူအနား ပွတ်သီးပွတ်သပ်လုပ်နေ၏။ စိတ်ကျေနပ်သွားသည့်အခါ ခုတင်ပေါ် ပျင်းရိလေးတွဲ့စွာဖြင့် လှဲချလိုက်ပြီး
" မင်း အလုပ်တွေ ပြီးသွားပြီဆိုရင် ဒီနားလာပြီး အိပ်ရာကို နွေးအောင်လုပ်ပေးတော့ "
" ဘယ်လောက်အထိ နွေးချင်တာလဲ "
လီလော့သည် အနှီလေသံမှတဆင့် အရောင်စုံလင်သည့် အသံတွေကို ကြားမိလိုက်ကာ
" ရှုပ်ဖို့ မစဥ်းစားနဲ့၊ မင်းကို သတိပေးထားလိုက်မယ်၊ ဒီက နံရံတွေက ပါးပါဘိသနဲ့၊ ထူးထူးဆန်းဆန်း အသံတစ်သံတောင်မှ အနားက လူတွေကို မကြားသွားစေချင်ဘူး၊ ပြီးတော့လည်း ငါ ဒီနေ့ အရမ်းပင်ပန်းနေပြီ၊ နက်ဖြန်ကျမှ ဆက်ပြောကြရအောင် "
YOU ARE READING
After Dawn{မြန်မာဘာသာပြန်}
RomanceTitle: After Dawn (黎明之后) Author: Bing Kuai'er (冰块儿) Status: Completed with 87 chapters Translation Status: Ongoing *** I do not own this story. All the credits go to the original author, publisher and translator. *** "မင်း ငါ့ကို မချစ်ဘူးဆိုတာ လက်ခံ...
