{Unicode}
အခန်း(၆၂)
" ဟမ် ? "
သွမ့်မင်ယန်ဆီမှ ကြားလိုက်ရသည့် သတင်းက သူ့ကို အံ့အားသင့်သွားစေသည်။
" မင်း အဖေက နည်းနည်းပါးပါး အပြစ်ပေးရုံလောက်ပဲ လုပ်မယ် ထင်နေတာ၊ အဲ့လောက်ထိ ပြင်းပြင်းထန်ထန်ကြီး တုန့်ပြန်လိမ့်မယ်လို့ မထင်ထားမိဘူး၊ ကျားတောင် သူ မွေးထားတဲ့ သားပေါက်ကိုတော့ ပြန်မစားဘူးလို့ အဆိုရှိတယ်မလား "
သွမ့်မင်ယန်သည် အနည်းငယ် လျှောကျနေသည့် ကုတ်အင်္ကျီကို လီလော့ လည်ပင်းအထိလုံအောင် ပြန်ဆွဲစေ့ပေးလိုက်ပြီး အခန်းအပူချိန်ကို နောက် နှစ်ထစ်ခန့် ထပ်လျှော့ချလိုက်၏။ ထို့နောက် ခပ်ဖြည်းဖြည်းပြောလာသည်က
" အင်းပေါ့၊ သေချာပေါက် ဘယ်ပြန်စားပါ့မလဲ၊ စားခဲ့မယ်ဆိုရင်တောင် ဒဲ့ဒီ 'သား' တော့ မဖြစ်နိုင်ဘူးလေ "
လီလော့၏ ခြေထောက် ပြန်သက်သာလာသည်မှာ အတော်ကြာခဲ့ပြီဖြစ်သော်ငြား ဆက်လက်၍ ဇိမ်ခံနေလိုက်သေး၏။ သူသည် ခန္ဓာကိုယ်ကို သွမ့်မင်ယန်အနား ရွေ့သွားလိုက်ပြီး ပခုံးချင်း ထိကပ်ထားကာ
" ဆက်ပြောပြ၊ ဘာလို့ ရပ်လိုက်တာလဲ "
သွမ့်မင်ယန်သည် သူ့အနား တိုးဝေ့လာသူအား ခါးမှ ပြန်ပွေ့ဖက်ကာထားလိုက်ရင်း
" ကိုယ့်အဖေ အဲ့လို လုပ်ရတဲ့ အကြောင်းအရင်းကို မှန်းဆကြည့်ရရင်၊ ပထမတစ်ချက်အနေနဲ့ သူ့မိန်းမနဲ့ မိန်းမဘက်က အမျိုးအဆွေတွေကို နောက်ထပ်အမှားမလုပ်ရဲအောင် ခြောက်ချင်လို့၊ ဒုတိယအချက်က ကိုယ့်ကိုပါ သတိပေးချင်လို့ "
" ဘယ်လို၊ ဘာကို သတိပေးချင်တာ "
" ဘာကိုလဲဆိုတော့ မင်းဆီမှာရှိတဲ့ ဥစ္စာတွေ၊ လုပ်ပိုင်ခွင့်တွေမှန်သမျှ ငါ ပေးထားတာ၊ သိမ်းချင်ရင် အချိန်မရွေး ပြန်သိမ်းလိုက်လို့ရတယ်၊ မင်း အကိုလို မလုပ်မိစေနဲ့၊ ငြိမ်ငြိမ်နေ တဲ့ "
လီလော့က
" မျောက်ကို ခြောက်ချင်လို့ ကြက်ကို အရင်သတ်ပြလိုက်တဲ့ သဘောပေါ့ "
YOU ARE READING
After Dawn{မြန်မာဘာသာပြန်}
RomanceTitle: After Dawn (黎明之后) Author: Bing Kuai'er (冰块儿) Status: Completed with 87 chapters Translation Status: Ongoing *** I do not own this story. All the credits go to the original author, publisher and translator. *** "မင်း ငါ့ကို မချစ်ဘူးဆိုတာ လက်ခံ...
