وقفات فبلاصة خاوية مربعة يديها كاتشوف فالفراغ بعينين مغرغرين بالدموع .. لحقها تا هو كاينهج و يصرط ريقه بصعوبة .. هز يدو بغا يشد فكتفها و هي تبعد من قبالته بعنف، علات عينيها فيه بنظرة حاقدة و قالت بحدة
شريفة: ماتحطش يدك عليااا
محمود: (تنهد) شرييفة، فهمتي غلط راه!
شريفة: (بحدة) مكاين تا حاجة فهمتها غلط، سير عندها هي .. عنقها و دير معاها اللي بغيتي و انا نساني عليك .. ماااتحلمش بيا مزاال (حرقة الغيرة كاطلع و تنزل فصدرها) سيير شبع فيها تعناااق دااابااا، الله يجعلكم ماتطلاو ببعضكم انااا ماسوقيش
بغات تمشي ترجع فحالها كاتغلي و ترجف كاملة، تا شد فيدها بغا يجرها عنده و هي دور عندو، بالحر اللي فقلبها و بداك الخوف اللي كان عندها من شاهين ماحسات برااسها غير مصرفقاااه بقوة تا تردد صوت التصرفيقة فأرجاءهم .. شافت فيه بنظرات ملتهبة و هو عقد حواجبه بطريقة مخيفة حتى فردهم على غفلة كايحاول مايتسيفش عليها فرمشة عين و يوريها حقيقته المخيفة، دفعااتو من عليها بقوة دايرة غاتمشي فحالها حتى جرها بقوووة معانقها من اللور، ضهرها لصقو مع صدره بقووة و دور يديه على كرشها كايتمتم بحرقة
محمود: ماتمشيش! وقفي نشرحليك ماشي هاكا غايتحلو الاموور
تحركات بعنف بين يديه مقادراش تتقبل المنظر، حرقها فوسط قلبها .. كانت باغا تتخشى وسط من حضنه تا لقات غيرها مستوطن ديك البلاصة .. جنونها شعلووو
دفعات يديه من عليها بقووة .. دارت عندو و على حر جهدها عاودات هزاات يدها و صرفقااتو من جديد .. بقا يابس فمكانه كايشوف فيها بعدم استيعاب حتى هزات سبابتها قبالت عينيه كادوي بتحذير
شريفة: ماتعاودش دووور بيا حسنليييك
خلاتو حاضيها و دارت غادة كاتزرب .. انفاسها كايخرجو مثل انفاس تنين، ملتهبة بحمم من ناار .. غيرتها ماشي ساهلة و فكرة انها تتشارك غير حضنه مع وحدة اخرى ماتقبلاتهاش! ولو يكون مجرد عناق بسيط مغاتقبلوش .. عمرها تقبل ان الراجل ديالها يكون بين يدين وحدة اخرى شنو مكان سبابهم مخاصوش يديرها و متأكدة لو تا هو شاف داك المنظر ليها مع منعم ولا شي راجل كيفما بغا يكون .. كان يتجنن و يخرج العسل من فمو بالسبان
دخلات للمطعم كولها كاتغزل .. دازت من جنب رغدة .. خنزرات فيها بنظرة قاااتلة غادة جيهت الكوزينة .. حتى توقفات فمكانها فجأة بعدما فاتتها ببضعة خطوات .. دارت تشوف فيها بانتلها متبعاها بعينيها .. قربات عندها باندفااع و بسرعة نقزاات عليها جراتلها شالها تا طاح فالارض و جراتها من شعرها كاتشوف فيها بحدة
شريفة: ماالك حاضياني بدوك العينين؟ نتقبهم لمك؟؟
رغدة: (صرخات بوجع و تا هي مدات يديها شداتها من شعرها) اااي مالك انت حماقيتي ولا شنوووو
YOU ARE READING
l'amour (غير مباح)
Romanceإستعداد، Ready، إنطلاق 🎬 فنظركم شنو هو مدى تأثير الفلوس على حياة الإنسان؟ كانت عايشة حياة هادئة، قابلة عليها بتقلباتها و صعوباتها و كاتخبط مع مواجها باش تنجى من عقايبها، كانت عايشة بلا ماتعرف أش كايساينها فالمستقبل حتى صادفاته فطريقها "زعيم الذياب...
بارت 32
Start from the beginning
