حركات عائشة راسها بالايجاب بصمت بينما سرية شافت ناحيتهم بعدما جلسات على الكرسي فين كان مهيار
سرية: (تنهدات) بنتي شكون نتي و شنو كاتجيلها؟
شريفة: انا شريفة الشاف اللي عندكم فالريسطو و صاحبة جوري
سرية: (ومآتلها براسها) مزيان! يعني انت اللي كاتوجديلنا دوك الشهيوات؟شريفة: (بابتسامة) اه
سرية: مزيان تبارك الله عليك
تحل الباب على غفلة بلا دقان و دخل مع الباب، غير دخل شريفة ثوثرات .. ريقها نشف و عينيها بداو يدورو بخوف منه!غير شافتو حنات راسها شادة فعائشة و همساتليها
شريفة: يلاه نخرجو علاما تفيق مانكتروش عليها فالبيت
ومآتلها عائشة و خرجو بجوج، شريفة كاتزرب مخلوعة، بينما شاهين مداهاش تا فيها، عينيه ركزو على اصالة .. تبسم لسرية و قرب طل عليها بانتليه ناعسة بعمق
شاهين: الحمد لله ولات بخير دابا؟
سرية: (تنهدات) اممم قالو تحرقات فكتافها و ضهرهاعقد حواجبه بحدة .. دوز يدو مع خذها بطريقة خلات سرية تهز فيه حاجبها و تحنى باسلها على جبهتها
شاهين: دابا تصح و ترجع احسن من الاول!
سرية: انشااء الله اولدي، كانضن مخاصكش تقرب منها هاكا!
شاف فيها عاقدهم .. غزز سنانه و تبسملها ببرود
شاهين: اه! تخربقت شوية و بقات فيا هه (شاف ناحيتها مخنزر و تراجع للوراء) غانمشي دابا عندي مايدارومآتليه براسها ببرود
سرية: واخا اولديخلاهم و خرج من عندها، اعصابه ثلاجة، مباينة فيه لا معصب ولا مهدن .. غادي مبرد فحالو فداك الكولوار و الطريقة اللي كانت ناعسة فيها مرخية هكاك خلاتو يتغدد .. وصل لسيارته حليه الشيفور و طلع ...ضرب الباب بقبضة يده بقوة كايتمتم بحدة
شاهين: فاااااك، دابا ولات مشوهة شكون يديها فيها! (تبسم ابتسامة جانبية) من غيري انا طبعا هه .. مزيان اللي تشوهات تبقى ليا انا بوحدي!
............رجع بعدما دوش و بدل عليه و جايب فيدو جويرية .. فالاصل هو مشا على قبلها مابغاش يجيبها شي حد لا تطرالها شي حاجة فالطريق و يصدق مامحافضش على الامانة
قرب لغرفتها، كان الباب و الكولوار خاويين .. دخل بانتليه فايقة .. عينيها ذابلين و مجمعين عليها كاملين معاها فالبيت، حتى من محمود جا يطمن عليها
عقد حواجبه فيهم كايحسب فعدد الرجال اللي فالغرفة و تمتم بحدة مصطنع البرود
مهيار: الحفلة سالات! يلاهو اللي عندو شي دار يمشي ليها
علات عينيها و داتهم نيشان لجويرية .. تبسماتلها ابتسامة ذابلة و مدات يدها ليها
VOUS LISEZ
l'amour (غير مباح)
Roman d'amourإستعداد، Ready، إنطلاق 🎬 فنظركم شنو هو مدى تأثير الفلوس على حياة الإنسان؟ كانت عايشة حياة هادئة، قابلة عليها بتقلباتها و صعوباتها و كاتخبط مع مواجها باش تنجى من عقايبها، كانت عايشة بلا ماتعرف أش كايساينها فالمستقبل حتى صادفاته فطريقها "زعيم الذياب...
بارت 21
Depuis le début