နတ်ဆိုးအုပ်စုက ငါလေးကို ဖွင့်ပြောချင်နေတယ်

အခန်း ၄၄

44 01

အခန်း ၄၄.၁

ထိုအချိန်တွင် သူတို့အားလုံးက သရဲများ၏ အဝိုင်းခံထားရတော့သည်။ သူတို့၏ဘက်ခြမ်းတွင် ကိုယ်စီသရဲများကို ရင်ဆိုင်နေရသည့်အတွက် ကုဝူကျိထံသွားရောက်ကာ ရင်ဆိုင်လိုလျှင် စိန်ခေါ်မှုတစ်ခုကို ဆင်နွဲရသလို ဖြစ်သွားပေလိမ့်မည်။

ကုဝူကျိက ထိုသရဲများက အသိစိတ်မရှိကြောင်း အာရုံခံမိနိုင်သည်။ သို့သော် ထိုသရဲများ၏ တစ်စုံတစ်ရာ၏ ဆွဲဆောင်မှုကြောင့် ဒီနေရာသို့ ရောက်လာကြခြင်းဖြစ်သည်။ သူ့ထံရောက်လာရမည့်အစား မည်သည့်အတွက်ကြောင့် ထိုလူများထံ ဝင်ရောက်သွားသည်ဆိုသည့် အကြောင်းပြချက်မူကား...

ဒါက...

ကုဝူကျိက သူ၏ရင်ဘက်ထဲမှ အနည်းငယ် ပူနွေးနေသည့် အဖွဲ့ဓာတ်ပုံလေးကို ထုတ်လိုက်သည်။ မြူထုများ၏ အလယ်တွင် အဖွဲ့ဓာတ်ပုံအပေါ်တွင်ရှိသည့် ခြစ်ရာအမှတ်များက မမျှော်လင့်ထားစွာပင် ဖျော့တော့လာသည်။

ခွေးအဟုခေါ်ကြသည့် ထိုမကောင်းဆိုးဝါး သားရဲကြီးက ဒီအဖွဲ့ဓာတ်ပုံရှိရာ အခန်းထဲတွင် နေခဲ့သည်။ ထိုမကောင်းဆိုးဝါးက ဒီတခဏတွင် မတည်ရှိတော့သည့်တိုင်အောင် အရှိန်အဝါက ကျွင်းကျန်ရစ်နေသေးသည်။ ထို့ကြောင့် ထိုအသိစိတ်မဲ့သော သရဲများက သတိလက်လွတ်ဖြင့် ထိုအကောင်ကြီးနှင့် ရင်မဆိုင်လိုကြဘဲ အခြားသူများထံသို့ သွားကြခြင်းဖြစ်လောက်သည်။

"ဒီအဖွဲ့ဓာတ်ပုံက အခြားနေရာတွေမှာ အသုံးဝင်နိုင်လောက်သေးတယ်"

ထို့နောက် တစ်စက္ကန့်တွင် အကူပစ္စည်း ပိုင်ဆိုင်ထားသည့် လူတစ်ယောက်က ဆက်လက် မတောင့်ခံနိုင်တော့ဘဲ သေခြင်း၊ရှင်ခြင်း အခြေအနေသို့ ရောက်ရှိလာသည့်အခါ သူ၏နှလုံးသားက မာကြောသွားပြီး အခြားသူများ၏ ကိစ္စကို မကိုင်တွယ်နိုင်တော့သည့်အတွက် ကုဝူကျိထံ တိုက်ရိုက် ပြေးလာတော့သည်။ သူ၏ သန်မာသော တည်ဆောက်ပုံကတင် အားကိုးနိုင်လောက်သည်ဆိုသော ခံစားချက်မျိုးကို ပေးစွမ်းလေသည်။

သူ၏အပေါင်းအဖော်များ အားလုံးကလည်း မျှော်လင့်စောင့်စားလာကြသည်။ ကုဝူကျိက ဒီလိုအခြေအနေမျိုးမှ လွတ်မြောက်နိုင်မည်ဟု မယုံကြည်ချေ။