43 01
အခန်း ၄၃.၁
ကုဝူကျိ၏ ပတ်ဝန်းကျင်မှ လူများက သူ့အား အံ့အားတကြီး ကြည့်လာကြသည်။ သယွမ်ဖေးဆိုလျှင် ယခင်က အဖြစ်အပျက်ကို သတိရမိပြီး သူတို့တွေ့ကြုံခဲ့ရသည့် အဖြစ်အပျက်များ အားလုံးကို မှတ်မိသွားကာ ကျိုးကြောင်းသင့်လျော်သည့် အကြောင်းပြချက်ကို ခန့်မှန်းမိသွားသည်။
သို့ရာတွင် စနစ်မှ ကြေညာချက်က မပြီးဆုံးသေးပေ။
[သတ်မှတ်ထားတဲ့ ပစ်မှတ်ကို ကိုယ်တိုင်ကိုယ်ကျ သတ်နိုင်ခဲ့တဲ့ လူအတွက်ကတော့ ကျွန်းအရှင်ဆီမှာ ကြိုက်ရာတောင်းဆိုခွင့် ရရှိမှာဖြစ်ပါတယ်]
ဒါက အလယ်အလတ် ပုံတူလောကတစ်ခုမှ ဗီလိန်ခေါင်းဆောင်ထံမှ ကတိစကားတစ်ခုကို လက်ခံရရှိမည်ဖြစ်သည်။
အာ ဘယ်လောက်တောင် အင်အားကြီးတဲ့ ပစ္စည်းမျိုးမဆို ရရှိနိုင်မှာ သေချာနေတာပဲ။
အထူးသဖြင့် ကုဝူကျိ၏ ချည်နှောင်ခံလိုက်ရသူများ ဖြစ်ကြပြီး ယခင်ကသူတို့က အားအင်မဲ့သလို ဖြစ်နေကြသော်လည်း ယခုအခါတွင်မူ လှုပ်လှုပ်ရှားရှား ဖြစ်လာကြသည်။ သူတို့က ကစားသမား တစ်ယောက်ကို သတ်လိုက်ရုံမျှနှင့် ဒီပုံတူလောကမှ လွတ်မြောက်နိုင်မည်ဖြစ်ပြီး ပစ္စည်းကောင်းကိုလည်း ရရှိနိုင်မည်ဖြစ်သည်။
အာ ဒါက အရင်ရွေးချယ်မှုအတိုင်း ကစားသမား အချင်းချင်း သတ်နေရတာထက် ပိုကောင်းတာပေါ့။
သူတို့က အချုပ်အနှောင် ခံထားရသည့်တိုင်အောင် သူတို့၏ ကိုယ်ပိုင်ပစ္စည်းများက အသုံးပြုနိုင်စွမ်း ရှိနေသေးသည်။ ထို့ကြောင့် လူတစ်ယောက်က အသက်ပြင်းပြင်း ရှုပြီးသည်နှင့် သူ၏ဝှက်ဖဲကို ကုဝူကျိရှိရာဘက်သို့ ပစ်လွှတ်လိုက်သည်။ ထိုပစ္စည်းက လုယွမ်ကျိုး၏ သရဲကို ရင်ဆိုင်ရစဉ်က အသုံးမပြုနိုင်ခဲ့ချေ။ ယခုမူ ကုဝူကျိကို အသုံးပြုရလေပြီ။
သို့ရာတွင် ကုဝူကျိက တိုက်ရိုက်ပင် လက်ဆန့်တန်းကာဖမ်းသည်။ သူက အံ့အားတကြီး ကြည့်လိုက်ချိန်တွင် လက်ညိုးတစ်ချောင်း ဖြစ်နေကြောင်း မြင်လိုက်ရလေသည်။ သူက အရှေ့မှလူကို အံ့အားတကြီး ကြည့်လိုက်လေသည်။
YOU ARE READING
နတ်ဆိုးအုပ်စုက ငါလေးကို ဖွင့်ပြောချင်နေတယ်
Horrorဘာသာပြန်သူ - Swae Nyoe Team, ဆုမြတ်လှိုင်