နတ်ဆိုးအုပ်စုက ငါလေးကို ဖွင့်ပြောချင်နေတယ်

အခန်း ၄၃

"မင်းက ဒီလိုအရာမျိုးကိုတောင် သွားလေရာ သယ်သွားတာလား။ မင်း..."

ထိုလူက ချက်ချင်းလိုလို ရန်စခံရသည်ဟု ခံစားရပြီး ပြောတော့သည်။

"မင်းသေသေချာချာ ဂရုစိုက်ကြည့်စမ်းပါ။ ဒါက ပစ္စည်းကွ"

"မကောင်းတော့ဘူး အဲ့ဒါကို မြန်မြန်လွင့်ပစ်လိုက်"

သယွမ်ဖေးက ထိုလက်ညိုးကို မြင်သွားချိန်တွင် အလျင်စလို ပြောလာပြီး ကုဝူကျိကို သတိပေးသည်။

"ဒီပစ္စည်းရဲ့ ရည်ရွယ်ချက်က ထိတွေ့တဲ့လူကို ကျိန်စာသင့်စေတယ်။ ဒါက မရေမတွက်နိုင်တဲ့ တစ္ဆေသရဲတွေနဲ့ ထိတွေ့မှုမျိုးကိုတောင် ဖြစ်လာစေနိုင်သေးတာ"

အခြားသုံးယောက်လုံးက သယွမ်ဖေးကို အံ့အားတကြီး ကြည့်လိုက်ကြသည်။ ထိုလူက သူတို့ကို ထိုသို့ ခပ်မြန်မြန် ရင်ဆိုင်လာမည်ဟု မထင်ထားမိချေ။ သူတို့က အစပိုင်းတွင် ဆက်နွယ်မှု မရှိသည့်တိုင်အောင် ယခုကဲ့သို့ မလုပ်သင့်သေးချေ။ ခေါင်းဆောင်ဝမ်ကော်က အေးစက်စွာ နှာခေါင်းရှုံ့ပြီး ပြောလိုက်သည်။

"နောက်ကျသွားပြီ။ ဒီပစ္စည်းကို ထိတွေ့လိုက်မိတာနဲ့ သေရမှာပဲ"

"ဪ"

ကုဝူကျိက တည်ငြိမ်နေသေးသည်။ သူက ထိုပစ္စည်းကိုပင် သိမ်းလိုက်ပြီးနောက် ပြောသည်။

"ဒီပစ္စည်းက အသုံးဝင်မယ်လို့ ငါလည်းထင်တယ်"

ငယ်ရွယ်စဉ်ကတည်းက တစ္ဆေသရဲများနှင့် နေ့စဉ် တွေ့ကြုံနေရသော လူတစ်ယောက်အနေနှင့် ကုဝူကျိက ထိုကဲ့သို့သော ပစ္စည်းမျိုးအပေါ် ထူးခြားသည့် ခံစားချက်ရှိသည်။

အရှေ့ဘက်မှ သုံးယောက်အတွက်ကမူ ထိုလက်ညိုးကို ထိလိုက်မိသဖြင့် ကျိန်စာသင့်ကာ အမျိုးမျိုးသော ဆိုးရွားသည့် သေဆုံးနည်းများဖြင့် သေဆုံးခဲ့ဖူးသူများကို မြင်ခဲ့ဖူးကြပြီးသား ဖြစ်လေသည့်အတွက် ကုဝူကျိကို အထင်တသေး နှာခေါင်းရှုံ့နေကြတော့သည်။

43 02

သို့ရာတွင် မိနစ်အနည်းငယ် ကုန်လွန်သွားသည့်တိုင်အောင် ဘာမှဖြစ်မလာခဲ့ချေ။