ယင်းဇီ စပ်စပ်စုစုမေးလာ၏ .."မင်းဘယ်သူ့ကိုခေါ်နေတာလဲ?"
စုမင်ပြုံးလျက် .."တီဗွီရှိုးကလူတွေနဲ့ မီးသတ်သမားတွေ ... ပြီးတော့ တိုက်ရိုက်ထုတ်လွှင့်ရတာနှစ်ခြိုက်တဲ့သူတွေရောပဲ"
ဒီနေ့လည်ခင်းတုန်းက ချန်စုကို ထိုအချက်လတ်တွက် သေသေချာချာမေးခဲ့သည်။
စုမင်မှတ်ဉာဏ်သည် အလွန်ကောင်းကာ နံပါတ်ကိုမမေ့လျော့ဘဲ ချောချောမွေ့မွေ့နှိပ်လိုက်သည်။ ဖုန်းထဲတွင် အကျဉ်းထောင်မှာ မီးလောင်နေတာဖြစ်ပြီး ထောင်ပြေးတဲ့သူတွေလည်းရှိနေနိုင်တယ်လို့ အခိုင်မာပြောလိုက်လေသည်။
အလွန်သတင်းကောင်းတစ်ခုကြောင့် သတင်းဦးရရှိရန် အပြေးအလွှားလာရောက်ကြသူများစွာရှိမည်မှာ သေချာပါသည်။ တိုက်ရိုက်ထုတ်လွှင့်ပါက အရာများကို ဖုံးကွယ်၍မရတော့ချေ။
အပြင်မှာ ဥသြသံတွေ ထွက်လာတယ်။
ဖုန်းရှုကျွမ့်သည် ဆေးခန်း၏တံခါးဝနဲ့ပြတင်ပေါက်ကို ခေါက်တုန့်ခေါက်ပြန်လျှောက်နေသည်။ ရုတ်တရက်တစ်စုံတစ်ယောက်ကို ဝင်လာမှာ သူကြောက်သည်လေ။
သို့သော် သူတို့ကံကောင်း၍လားမသိ မိနစ်အနည်းငယ်ကြာသည်ထိ ဘာမှဖြစ်မလာပေ။
စုမင်ဖုန်းချလိုက်ပြီး .."ငါပြောပြီးပြီ ... သူတို့မကြာခင်ရောက်လာကြတော့မယ် ... သူတို့ဒီကိုရောက်လာဖို့ အချိန်အချို့ကြာဦးမှာ ပြီးတာနဲ့ အားလုံးပွတ်လောရိုက်ကြတော့မယ်"
သတင်းထောက်တွေက ဘာဆိုဘာမှမကြောက်ပေ။
"ငါတို့ဘယ်လိုပြန်ကြမလဲ?" ယင်းဇီက .."ဟိုကတံခါးကလော့ခတ်ထားတာဖြစ်ရမယ် ... ငါတို့အဖမ်းခံရဖို့ကလွဲပြီး ဘာမှရွေးချယ်စရာမရှိတော့ဘူး"
စုမင် တခဏဂရုတစိုက်တွေးလိုက်ပြီး .."အရင်ဆုံးပုန်းဖို့နေရာရှာမယ် ... တစ်စုံတစ်ယောက်ကတော့ ခဏနေရင်လာနိုင်ခြေများတယ် အဲ့ပွတ်လောရိုက်နေချိန်ကို အခွင့်ကောင်းယူပြီး ငါတို့အခန်းပြန်ကြမယ်"
အပြင်ရှိ အလင်းရောင်လင်းထိန်နေသည်။
ဤမျှမှောင်နေသဖြင့် ဆေးကုသခန်းအတွင်း မည်သူတစ်ဦးတစ်ယောက်မျှ ရှိနေမည်ဟု သူတို့ မျှော်လင့်မည်မဟုတ်ပေ။
YOU ARE READING
To be a Heartthrob in a Horror Movie(Myanmar Translation)
Mystery / ThrillerOriginal Author - Jiang Zhi Yu(姜之鱼) English Translator - Naeda / Kk translates [Zawgyi/Unicode] Holographicကြည့်ရှူသည့်နည်းပညာသည် ပရိသတ်များအား ရုပ်ရှင်ထဲဝင်ခွင့်ရပြီး ကိုယ်တိုင်ကိုယ်ကျအတွေ့အကြုံခံစားနိုင်တယ်။ သဘာဝအားဖြင့် အချစ်ဇာတ်လမ်းများက ပေါ်ပြ...
Chapter 106
Start from the beginning