Chapter 99: အပေါ်ထပ်အိပ်ယာခေါင်းပြတ်သရဲဝင်သွားပြီးနောက် လုံးဝပြန်မထွက်လာတော့ပေ။
အခြားတစ်နေရာကနေထွက်သွားသည်လား အစ်ကိုဟောင်အခန်းထဲမှာရှိနေသေးသည်လားဆိုတာ စုမင်မသိပေ။ ဖြစ်နိုင်ချေနှစ်ခုလုံးကတော့ ခြောက်ခြားဖွယ်ကောင်း၏။
"မင်းဘာမြင်လိုက်လဲ?" ယင်းဇီမေးတယ်။
စုမင် တခဏလေးလေးနက်နက်တွေးပြီး နောက်ဆုံးသူတို့ကိုအမှန်တိုင်းပြောပြရန်ဆုံးဖြတ်လိုက်တယ်။ ဒါ့အပြင် ၎င်းကအရေးကြီးတဲ့သဲလွန်စဖြစ်၏။
သို့သော် သူတို့ကိုခြောက်လန့်မိမှာစိုးသဖြင့် သူ့စကားလုံးတွေကိုသေချာရွေးချယ်ပြီးပြောလိုက်တယ် .."ခေါင်းပြတ်သရဲ အကိုဟောင်တို့ရဲ့အခန်းထဲဝင်သွားတယ်"
သို့စေကာမူ သူပြောလိုက်တဲ့စကားတွေက သိပ်မကောင်းဘူးလို့ ခံစားမိသည်။
ဖုန်းရှုကျွမ့်နဲ့ ယင်းဇီတို့ စုမင်ကိုစူးစိုက်ကြည့်နေကြပြီး အချိန်အတော်ကြာ စကားမပြောကြပေ။
သူတို့ဘယ်လိုတုန့်ပြန်ရမှန်း မသိရအောင်ထိ သူ့စကားလုံးတွေက ထိုမျှလောက်တောင် သူတို့ကိုထိတ်လန့်သွားစေတာလား စုမင်တွေးနေမိသည်။
နောက်ဆုံး၌ ဖုန်းရှုကျွမ့်အရင်ဆုံးတုန့်ပြန်လာတယ်။ သူ တခဏဝေဖန်သုံးသပ်ပြီး မေးလာတယ် .."မင်းမြင်လိုက်တာ လူမဟုတ်ဘူးဆိုတာ သေချာလား?"
ဘယ်လိုလုပ်ခေါင်းပြတ်သရဲရှိနိုင်မှာလဲ?
စုမင်က .."အဲ့ဒါ ခေါင်းပြတ်သရဲပဲ ... ခေါင်းမပါဘဲတွေ့လိုက်တာ"
ယင်းဇီမျက်မှောင်ကျုံ့လိုက်ကာ တစ်စုံတစ်ခု သတိရသွားတယ် .."ဒါဆို စောနမင်းသရဲနဲ့ စကားပြောနေတာပေါ့?"
ဒါမေးလိမ့်မယ်လို့ စုမင်မထင်ထားခဲ့ပေ။ သူ ရိုးရိုးသားသားဝန်ခံလိုက်သည် .."ဟုတ်တယ် ... မင်းတို့ကြောက်သွားမှာစိုးလို့ ငါမပြောပြခဲ့တာ"
သူတို့ ချန်စုကိုတွေ့မှာမဟုတ်တော့ ပေါ်သွားလဲ ကိစ္စမရှိပေ။
ဖုန်းရှုကျွမ့်က .."အရင်အကြောင်းတွေမပြောဘဲနေရအောင် ... အခုနက မင်းသေချာဘာမြင်လိုက်လဲ? အသေးစိတ်ဖော်ပြလို့ရနိုင်လား?"
ESTÁ A LER
To be a Heartthrob in a Horror Movie(Myanmar Translation)
Mistério / SuspenseOriginal Author - Jiang Zhi Yu(姜之鱼) Chapters - 149+7 extras English Translator - Naeda / Kk translates [Zawgyi/Unicode] Holographicကြည့်ရှူသည့်နည်းပညာသည် ပရိသတ်များအား ရုပ်ရှင်ထဲဝင်ခွင့်ရပြီး ကိုယ်တိုင်ကိုယ်ကျအတွေ့အကြုံခံစားနိုင်တယ်။ သဘာဝအားဖြင့် အ...