Chapter 41: ကော်ဇော
လီချီယွီ တံခါးဆီခုန်ပျံကျော်လွှားပြီး လာဖွင့်သလားအောက်မေ့ရသည်။
တံခါးနားမှာ လဲ့လင်းရပ်နေတာမြင်တော့ သူပြုံးကာ စုမင်ကိုညွှန်လျက် .."ကျွန်တော်တို့အသင့်ဖြစ်ပြီ သွားကြစို့"
မကြာခင် လာတော့မယ့်အံ့ဩစရာနေ့လေးတွေကို လီချီယွီစတင်စိတ်ကူးယဉ်နေလေပြီ။
သူ့ခရီးဆောင်အိတ်အဖုံးကိုပိတ်ကာ တံခါးဘက်လှည့်၍ လှမ်းကြည့်လိုက်တော့ ရှော့ခ်ရသွား၏။
လီချီယွီရဲ့နတ်ဘုရားမက တော်တော်အရပ်ရှည်တာပဲ။ တော်ဝင်ညီအစ်မအဖြစ် သတ်မှတ်ခံရနိုင်သလား?
သူ့အရပ်နဲ့ သူမအရပ်ကိုယှဉ်ကြည့်ချိန် သူမကသူနဲ့အရပ်အတူတူပဲလို့ခံစားရပေမယ့် လီချီယွီထက် စင်တီမီတာအနည်းငယ်မျှပိုရှည်နေ၏။
လီချီယွီတကယ်ရဲရင့်တာပဲ။
လဲ့လင်းပြောလာတယ် .."တစ်မိနစ်အချိန်ပေးမယ်"
သူမရဲ့အေးစက်စက်သဘောထားကို လီချီယွီနေသားကျနေပြီဖြစ်ကာ .."တစ်မိနစ် တစ်မိနစ် ... ဒါလုံလောက်ပါတယ်"
လဲ့လင်းခေါင်းငြိမ့်၍ အခန်းမှထွက်သွားသည်။
စုမင်ကုတင်ပေါ်ပြန်ထိုင်ပြီး .."မင်းတကယ် ရှိုးပွဲကြည့်ဖို့ မင်းနတ်ဘုရားမကိုဖိတ်ထားတာလား?"
"မင်း နားမလည်ဘူး၊ ဒါက ဘာကြောင့် စိတ်လှုပ်ရှားစရာကောင်းတာလဲဆိုတာ ... ပြပွဲက ဘာအကြောင်းမှန်း မသိတဲ့အခါ ဒါဟာ အတွေ့အကြုံသစ်တစ်ခုပဲလေ” လီချီယွီပြောတယ်။
စုမင်၏ အတွင်းစိတ်က : မင်းရဲ့ အဲ့စိတ်လှုပ်ရှားစရာအတွက် မင်းဘဝမင်းစတေးနေတာ
ဒါပေမယ့် ဒါက ထိတ်လန့်စရာကောင်းတဲ့ ဇာတ်ကားဖြစ်ပြီး သူ့အတွက် ဘာမှပြောစရာမရှိပေ။ ဇာတ်ညွှန်းရေးဆရာသည် ဒီလိုမျိုး တစ်ခုခုကို တွေးနိုင်တာက တကယ်ကို အံ့သြစရာကောင်းတယ်လို့ သူထင်ခဲ့သည်။
စုမင်ခရီးဆောင်အိတ်ကို ပင့်မပြီး ပေါ့ပေ့ါပါးပါးမေးလိုက်တယ် .."လဲ့လင်း ဒီလောက်အရပ်ရှည်တာ ဖိအားမခံစားရဘူးလား?"
YOU ARE READING
To be a Heartthrob in a Horror Movie(Myanmar Translation)
Mystery / ThrillerOriginal Author - Jiang Zhi Yu(姜之鱼) English Translator - Naeda / Kk translates [Zawgyi/Unicode] Holographicကြည့်ရှူသည့်နည်းပညာသည် ပရိသတ်များအား ရုပ်ရှင်ထဲဝင်ခွင့်ရပြီး ကိုယ်တိုင်ကိုယ်ကျအတွေ့အကြုံခံစားနိုင်တယ်။ သဘာဝအားဖြင့် အချစ်ဇာတ်လမ်းများက ပေါ်ပြ...
