Chapter 20: ရေချိုးခန်းသူတို့ ကျွန်းနဲ့ နီးလာတာကြောင့် ဖြစ်နိုင်တယ် ... အန္တရာယ်အငွေ့အသက်က သူ့လှိုင်းမူးဒဏ်ကို လွှမ်းမိုးသွားကာ စုမင်တစ်ကိုယ်လုံး တောင့်တင်းနေ၏။
ချန်းရှင်းကျို့တစ်ယောက်ကတော့ အပျော်တပါးကြီး အနာဂတ်အစီစဉ်တွေချနေရဲ့ .."ဒီမှာဆယ်ရက်ဖြစ်ဖြစ် လဝက်ဖြစ်ဖြစ်နေပြီးရင် မင်ရာနဲ့ငါသေချာပေါက်ပြေလည်သွားလိမ့်မယ်"
စုမင် သူ့ကိုရိုက်သတ်ချင်စိတ်ပြင်းပြနေ၏။
အိမ်မက်မက်နေလိုက် ... သူတို့နှစ်ယောက်ပြန်မပေါင်းနိုင်ခင် သင်္ဘောပေါ်ကလူတွေအကုန်သေမှာပဲ သူစိုးရိမ်သည်။
ဒီတစ်ကြိမ် လူငါးယောက်လိုက်လာခဲ့တယ်။ ဇာတ်လိုက်ချန်းရှင်းကျို့နှင့် ဇာတ်လိုက်မင်းသမီးကျောက်မင်ရာကအပါအဝင် သူရယ် ... ကျောင်းယွင်းဟော်နဲ့ ချန်ယုချင်းဖြစ်သည်။
ကျောင်းယွင်းဟော်က သူတို့အခန်းဖော်ဖြစ်ပြီး ချန်ယုချင်းက ကျောင်းယွင်းဟော်၏ ချစ်သူမိန်းကလေးဖြစ်ကာ ကျောက်မင်ရာရဲ့အတန်းဖော်လည်းဖြစ်သည်။
သူတို့နှစ်ယောက်နဲ့ ချန်းရှင်းကျို့တို့က ဒီကျွန်းကိုလာရန် ဆုံးဖြတ်ခဲ့သည်။
စုမင်သက်ပြင်းချ၏။ သူ့စိတ်အတွင်းပိုင်းတွင်တော့ နောက်ပြန်လှည့်ဖို့ အလွန်နောက်ကျသွားပြီ ... horror ရုပ်ရှင်က ရှေ့ဆက်ဖို့လိုနေသေးတယ်။
နာရီဝက်ကြာပြီးနောက် သင်္ဘောကမ်းကပ်လာလေပြီ။
ကျွန်း၌ လူနေအိမ်သိပ်မရှိသော်လည်း အလှရှုမြင်ကွင်းသည် အတန်ငယ်ကောင်း၏။ ကမ်းခြေကနေ စိမ်းလန်းသောသစ်ပင်ကြီးများထူထပ်စွာ ကာရံထားသည်ကို မြင်နေရသည်။
ညနေခင်းရောက်ခံနီးပြီဖြစ်၍ နေဝင်ချိန်ကို မြင်နိုင်သည်။ အလွန်လှပ၍ မဂ္ဂဇင်းထဲက ဖြူလျော့လျော့ဓာတ်ပုံများနှင့် မယှဉ်နိုင်ပေ။
သူတို့သင်္ဘော်ပေါ်မှ ဆင်းပြီး စီစဉ်သူကိုရှာရန် ချန်းရှင်းကျို့ထွက်သွားတယ်။
မိနစ်အနည်းငယ်ကြာ သူပြန်ရောက်လာကာ .."အိုခေ တစ်ဖက်က ငါတို့ကိုလာကြိုလိမ့်မယ် ... ငါတို့နည်းနည်းဝင်သွားလိုက်ရုံပဲ။ အိမ်ကတောင်ပေါ်မှာ"
YOU ARE READING
To be a Heartthrob in a Horror Movie(Myanmar Translation)
Mystery / ThrillerOriginal Author - Jiang Zhi Yu(姜之鱼) English Translator - Naeda / Kk translates [Zawgyi/Unicode] Holographicကြည့်ရှူသည့်နည်းပညာသည် ပရိသတ်များအား ရုပ်ရှင်ထဲဝင်ခွင့်ရပြီး ကိုယ်တိုင်ကိုယ်ကျအတွေ့အကြုံခံစားနိုင်တယ်။ သဘာဝအားဖြင့် အချစ်ဇာတ်လမ်းများက ပေါ်ပြ...