သတင်းထောက် : " ဒီတော့ ခုလာရောက်ရတဲ့ အကြောင်းအရင်းက လီလော့ကို လာအားပေးကြတာပေါ့နော် "
ဖန်တွေက ပြိုင်တူ ခေါင်းခါပြလိုက်ကြပြီး
" အဓိက လာရတဲ့ အကြောင်းအရင်းက ပါပါးလီကို အားပေးဖို့၊ ကျွန်မတို့ရဲ့ အဖေကြီးက အထဲမှာ အများကြီး ခံစားခဲ့ရတာ၊ သူလည်း တကယ်မလုပ်ရဘဲ ထောက်ချောက်ဆင်ခံခဲ့ရတဲ့ နှစ်တွေအတွက် ဝမ်းမနည်းရအောင် အားပေးချင်လို့ပါ "
သတင်းထောက် : " စုံစမ်းရေးဘက်က သတင်းအတိအကျ မထုတ်ပြန်သေးဘဲ ထောက်ချောက်ဆင်ခံရမှန်း မင်းတို့က ဘယ်လိုကြောင့်များ သေချာနေကြတာလဲ "
ဖန် : " အင်တာနက်ပေါ်မှာ ပြောဆိုနေကြတာကတော့ အမျိုးမျိုးရောထွေးနေတာပါပဲ၊ ဒါကလည်း သွမ့်သားအဖတွေရဲ့ မကောင်းကြံစည်ထားတဲ့ သတင်းတွေပဲဖြစ်မှာ၊ အဲ့လိုသာမဟုတ်ရင် သူတို့ကို ဘာကြောင့် ခုထိ ပြန်မလွှတ်ပေးမှာတဲ့လဲ၊ လိင်ကုန်ကူးတဲ့ အမှုကဖြင့် ပိတ်သွားပြီကို ခုထိ အထဲက မထွက်လာနိုင်ဘူးဆိုတာ နောက်ထပ်ပြစ်မှုတွေရှိနေသေးလို့ပဲလေ၊ စုကျစ်က သူ့အမျိုးသား ဖောက်ပြန်တဲ့ကိစ္စကို ဖော်ထုတ်လိုက်ကတည်းက မကောင်းတော့ဘူးဆိုတာ အားလုံး သိနေကြတာပဲ၊ ကိုယ်တွေ မျှော်လင့်မထားခဲ့မိတာက ထင်ထားတာထက် ပိုဆိုးရွားနေခဲ့တာကိုပဲ "
သတင်းထောက် : " ဒါဆို မင်းတို့ ဘယ်လိုထင် .... "
" အား .. အား .. အား .. အား ........... "
ထိပ်ဆုံးတွင် ရပ်နေကြသည့် ဖန်တွေဆီမှ ရုတ်ခြည်း အော်သံထွက်လာပြီး ကျန်လူအများ၏ အာရုံကို ဆွဲဆောင်လို့သွားသည်။
သတင်းထောက်က ကင်မရာသမားနား အပြေးလေး သွားလိုက်ပြီး
" မြန် မြန်၊ ရှေ့တိုးကြရအောင်၊ လီလော့တို့ကိုလည်း လိုက်ရှာကြည့်ဦး "
လူအုပ်က ပိုမိုကြီးမားလာပြီး ဖန်အချို့က စည်းကမ်းတကျဖြစ်ဖို့ရန် ကြိုးစားပေးကြသေးသော်လည်း လူစုလူဝေးကြီးက အလွန်တရာထူထပ်ရာ ဖရိုဖရဲဖြစ်နေသည်ကို မထိန်းချုပ်နိုင်ဘဲရှိ၏။ အထူးသဖြင့် သတင်းဓာတ်ပုံ ဦးဦးဖျားဖျား ယူချင်နေကြသည့် သတင်းထောက်တွေက ရှေ့ဆုံးတွင် အုံခဲနေကြသည်။
YOU ARE READING
After Dawn{မြန်မာဘာသာပြန်}
RomanceTitle: After Dawn (黎明之后) Author: Bing Kuai'er (冰块儿) Status: Completed with 87 chapters Translation Status: Ongoing *** I do not own this story. All the credits go to the original author, publisher and translator. *** "မင်း ငါ့ကို မချစ်ဘူးဆိုတာ လက်ခံ...
