UNDERGROUND SERIES 2: His Vengeance [COMPLETED]

V:2

MUKHA akong tanga habang naglalakad. Sobrang lawak ng aking ngiti at iniisip kona agad kung anong gagawin ko sa unang sahod ko. Binabalak kong magtayo ng negosyo. Perfume business.

Wala talaga akong alam sa pag-me-maid dahil nga sa kinalakihan kong buhay, pero noong napunta ako sa lansangan marami akong natutuhan. Marunong na akong maglinis ng bahay, marunong na rin akong maglaba, marunong na ako sa lahat.

"Wow," manghang tiningala ko ang isang mataas na itim na gate. "Ang ganda..."

Tiningnan ko yung flyers at ito na nga ang address. Pinindot ko yung doorbell nang tatlong beses at ilang minuto lang ay bumukas ito at iniluwal ang isang babaeng nakasuot ng pang-maid.

"Applicants?" Tumango ako. "Follow me.."

Nauna itong maglakad. Agad naman akong sumunod sa kaniya. Hindi ko maiwasang mamangha sa malawak na hardin na may iba't ibang magagandang bulaklak. May malaking fountain din sa daan at yung bahay, sobrang laki. Mas malaki ito, kumpara sa bahay namin.

Mas lalo akong namangha nang makapasok kami sa loob ng bahay. Para akong nasa palasyo dahil sa sobrang laki at sobrang ganda.

Huminto ang isang babae sa isang pintong itim. Kumatok ito ng tatlong beses bago pumasok. Wala pang isang minuto ay lumabas na ito at sinenyasan akong pumasok.

Kinakabahang pumasok naman ako sa loob. Nadatnan ko ang isang lalaking may makisig na katawan, nakatalikod ito sa'kin pero ang pamilyar niya. Wala sa sariling napahawak ako sa dibdib ko nang kumalabog ang puso ko ng mabilis.

"H-hi po," bati ko rito. "Mag-a-apply po sana akong maid. Marunong naman po ako sa mga gawaing bahay, medyo sablay nga lang po sa pagluluto-" Natigilan ako nang humarap ito. "Oscar..."

"You, again." Nag-cross arm ito at umupo sa table niya. "Continue talking."

"Ah, ano po..." biglang namawis ang kamay ko. "H-hindi na po ako mag-a-apply. S-salamat na lang.."

"Why?" kita ko ang pag igting ng panga nito. "Dahil ako ang amo mo? Hindi mo masikmurang makita ang taong pinahirapan mo sa mahabang panahon?"

"Oscar, pinagsisihan kona ang mga ba-"

"-Fvck that alibi of yours, Zav!" Napaigtad ako nang umiba ang tono ng boses nito. "Pinagsisihan!? Marunong ka bang magsisisi huh!?"

"Oscar, maniwala ka man o hindi, pero pinagsisihan kona talaga yun. Ang tagal kong binangungot dahil dooon, ang tagal kong nakulong sa pangyayaring iyon." Napahinga ako nang malalim. "Humihingi ako ng tawad sa nagawa ko. I'm sorry because you suffered because of me. I'm sorry, Oscar."

"Sa tingin mo mabubura ang lahat dahil sa sorry mo?" tumalim ang tingin nito sa'kin. "Do you think I will believe in you? You're good in manipulating human, Zav."

"Nagbago na ako, nasa sa'yo na yun kung hindi ka maniniwala. . . Sorry ulit, Oscar. Aalis na lang ako para hindi kana mahirapa-"

"-Prove that you're really regret everything." Napahinto sa sinambit nito.

"Paano?" matapang kong tanong.

"Work from me, as my maid."

Hindi ako nakasagot. Nagdadalawang isip ako kung tatanggapin ko ba o hindi.

Napahinga ako nang malalim at tumango. Siguro ay kailangan ko itong gawin para patunayan sa kaniyang sobra ko nang pinagsisisihan ang mga nagawa ko. Papatunayan ko sa kaniyang sincere ako.

"Tatanggapin ko," sambit ko. "Papatunayan ko sa'yong sobra na talaga akong nagsisis-"

"-Good, umpisahan mona." Umalis ito sa pagkakaupo sa lamesa niya at lumapit sa'kin. Bahagya naman akong napaatras dahil pakiramdam ko ay nanlambot ako. "Clean my house, buong bahay ko, Zav. Wala dapat akong makikita miski isang alikabok. After that, you can go home."