Ko Ko(Completed)

①

ကျေးငှက်‌တအသံလေးတွေနဲ့ သာယာနာပျော်ဖွယ် မနက်ခင်းလေး တစ်ခု စတင်ခဲ့လေပီ...
နွေဦးဖြစ်တဲ့ အတွက် မပူမအေး လေညှင်းလေးတို့ဖြင့် ဘူဆန်တဲ့ ရပ်ကွက်ငယ်လေးတစ်ခုက မနက်ခင်းမှာ နေလုံးကြီးနဲ့ အတူ အလှပြိုင်နေသလို...
အိမ်တစ်အိမ်ရဲ့ မာတာမိခင်ကြီးကတော့ သူ့သားငယ်လေးကို နှိုးဖို့ ပြင်ဆင်နေလေရဲ့...

"သားငယ်လေး ဂျီမင်နီး ...သားငယ်လေး ထပါဦး"

"ဝွန်း သားသား ထချင်ပါဝူးချိုနေမှ"

သားဖြစ်သူရဲ့ မပီကလာ ငြင်းဆန်သံလေးကြောင့် မိခင်ဖြစ်သူ ပတ်ဆိုနာ ပြုံးလိုက်မိသည်။သားငယ်လေးဟာ သူမ ဘ၀။ ပါးဖောင်းဖောင်း မျက်လုံးမှေးမှေးလေးနဲ့ ချစ်စရာကလေးလေး‌ သူမရဲ့ အသဲအသက်။သားငယ်လေးရဲ့ အဖေဖြစ်သူဟာ လုပ်ငန်းကိစ္စနဲ့ ခရီးသွားရင်းမှ အက်စီးဒန့်တစ်ခုကြောင့် သေဆုံးခဲ့တာ သားငယ်လေး ၂နှစ်အရွယ်ထဲက ဆိုပါတော့။ အခုဆို သားငယ်လေးက ၃နှစ်ကျော် ၄နှစ်ထဲ ဖြစ်လာပီ....ယောကျာ်းဖြစ်သူ ထားခဲ့တဲ့ လက်ငုတ်လက်ရင်းလေးတွေကို ရောင်းချပီး သားငယ်နဲ့ သူမဟာ shopping mallတစ်ခုမှ လက်၀တ်ရတနာဆိုင်ခန်းလေးတစ်ခုဖွင့်ထားပီး စီးပွားရေးအဆင်ပြေခဲ့ပါတယ်....
သားငယ်လေးကို နှိုးရင်း သူမအတွေးတို့ ပြန့်ခဲ့ရပြန်သည်....

"ဂျီမင်းနီး သားသား ထရမယ်လေ။ဟိုဘက်ခြံအကျယ်ကြီးထဲမှာ လူသစ်တွေ အိမ်ပြောင်းလာတာ သားသား မသိချင်ဝူးလား"

သားငယ်လေးက သိပ်ချစ်ဖို့ကောင်းသလောက် စပ်စပ်စုစု နိုင်တဲ့သူလေးမို့ သူနိုးသွားစေမယ့် အချက်လေး ထည့်ပြောခဲ့သည်။ဘာလို့ဆို သူက ဟိုဘက်ခြံအကျယ်ကြီးကို အရမ်းစိတ်၀င်စားနေတဲ့ သူလေး မလား။အမြဲတမ်း အဲ့ဘက်ခြံက မာလကာသီးတွေ ခူးခူးစားချင်နေတဲ့ ကလေးလေး။ သူကြီးလာရင် သွားခူးမယ်ကြည့် ခြိမ်းခြောက်နေကြ...ထိုအခါမှသာ မျက်လုံးလေးကို လက်ဖောင်းပုတိုလေးတွေနဲ့ ပွတ်သတ်ရင်းး တအီအီငြီးလာတဲ့ သားငယ်လေး...

"မား ဒီမင်နီးကို မက်နာတစ်ပေး"

ကြည့်ပါအုံး သိပ်ချစ်စရာ။သားငယ်လေးဟာ အမြဲတမ်းသူ့ကို ဂျီမင်းနီးခေါ်လို့ သူ့ကိုယ်သူ ဒီမင်နီး ဒီမင်နီးနဲ့ ထည့်ထည့်ပြောနေကြ။ သူဟိုဘက်ခြံကို သွားစပ်စုချင်လို့ ဒီမအေကို လက်ကလေးနှစ်ဖကိဆန့်ပေးကာ ချီခိုင်းပီး မျက်နှာသစ်ခိုင်းလာခဲ့သည်...