Defying The Gate Of Rules: Chaotic Central Region [Volume 4]

Chapter 9

"Tingnan niyo ang ginawa niyong dalawa Ciro Siblings. Hindi niyo lang sinira ang magandang plano natin kundi naghatid pa kayo ng ibayong problema sa ating mga sarili! Isa lang naman Titan Frost Boa ang ginising niyo mula sa pagkakatulog nito ng mahimbing!" Sambit ni Biyu Narxuz gamit lamang ang kaniyang divine sense habang makikitaan ng ibayong inis ang bawat salitang lumalabas sa bibig nito tandang hindi nito nagustuhan ang inasal ng dalawang magkapatid na ito ngunit nakatingin ito sa dambuhalang halimaw.

"Titan Frost Boa? Diba isang Martial Beast ito na tuwing gabi lamang lumilitaw?! Paanong nangyari ito?!" Sambit ni Hanz Ciro habang nakapalumbaba. Hindi niya lubos maisip na paanong lilitaw ito ng umaga eh tuwing gabi lamang ito lumalabas.

"Ano'ng ibig sabihin nito? Na kami ang nagpasimula ng gulong ito kung kaya nagising ang dambuhalang demonic Beast na ito?! Ganon ba ha?!" Galit na pagkakasabi ni Lily Ciro habang mapait itong napangiti. Hindi ba pwede coincidence lang ang nangyari at hindi sila yung may gawa nito.

"As far as I know ay walang anumang disturbances ang nangyari sa Twin Black Mountains liban na lamang sa dalawang nilalang na nag-aaway-away na animo'y nasa ligtas silang lugar at pawang sila lamang ang naririto upang magpatayan." Sarkastikong pagkakasambit ni Biyu Narxuz habang makikita ang pait sa bawat salitang binitawan nito gamit ang kaniyang divine sense.

"Hmmp! Kung hindi mo kasi binarkada ang aking kapatid at tinuruan mo siya ng magandang asal edi sana ay hindi naging ganiyang lumaki na parang babaero iyan. Bakit ba gusto ni ama na dito kami ipag-aral kung pwede naman sa ibang Sect lalo na itong kapatid ko na lumaking parang walang pinapasang problema at napaka-immature na hindi nito isinasaalang-alang na siya ang susunod na magiging pinuno ng aming malaking pamilya." Sambit ni Lily Ciro habang makikita ang pagkagalit at sobrang inis rin habang nakatingin sa likurang bahagi ni Biyu Narxuz. Hindi niya kasi lubos maisip kung bakit dito ng kanilang ama ang mag-aral rito at maging disipulo.

Si Hanz Ciro ay nananahimik lamang sa isang tabi kung saan binubungangaan siya ng kaniyang ate Lily  Kahit sinisisi siya nito ay alam niyang si Biyu Narxuz pa rin ang sisisihin nito dahil na rin sa mga pinanggagagawa niya sa buhay niya.

"Talaga lang ha?! Pamilya ko ba siya o kamag-anak niyo ha?! Kaibigan ko lang siya but it doesn't mean na ako may hawak ng sarili niyang desisyon. May basehan ka ba sa mga paratang na ibinabato mo sa akin?! Unang-una palang ay responsibilidad ng magulang mo na turuan ang kapatid mo ng tamang pag-uugali at ikaw ang dapat na gumagabay sa kaniya hindi yung ibubunton mo lahat ng galit mo at sisisihin mo ko sa mga akusasyon mong walang katuturan!" Sambit ni Biyu Narxuz sa mabigat na boses gamit lamang ang kanilang divine sense na siyang parang animo'y matalim na kutsilyong bumaon sa puso't isipan ni Lily Ciro ang mga katagang sinabi ni Biyu Narxuz.

Nanahimik lamang ang dalawa ngunit napalingon sila sa dambuhalang ahas na ngayon ay nagpapalabas ng kakaibang bughaw na napakagulong enerhiya mual sa bibig nito.

"Umiwas kayo dahil purong Frost Qi iyan dahil kapag nakapitan ka nito ay maaapektuhan nito ang enerhiya sa katawan mo upang manghina ka at maparalisa ang mga ugat sa katawan mo!" Sambit ni Biyu Narxuz sa malakas na boses habang mabilis niyang lumundag paatras.

Bigla namang ibinato ng Titan Frost Boa ang dambuhalang bolang enerhiya na gawa sa Frost Qi.

Agad namang tumalon paatras sina Lily Ciro at si Hanz Ciro sa magkaibang direksyon. Isa ito sa kahinaan ng mga ahas, ito ay ang lituhin ito gamit ang magkakaibang direksyon ng kaniyang biktima. Sa lagay na ito ay kailangan nitong mamili ng isa.

BOOGSHHHH!!!!

Isang malakas na pagsabog ng enerhiyang gawa sa frost Qi ang bumagsak sa noo'y kinaroroonan nina Biyu Narxuz, Lily Ciro at ng kapatid nitong lalaking si Hanz Ciro. Mabuti na lamang at nakaalis sila kaagad dahil kung hindi ay malamang ay papasok sa katawan nila ang makamandag na epekto ng Frost Qi kung saan ay mamamanhid ang kanilang buong katawan maging ang kanilang mga laman-loob ay magkakaroon ng mga malfunctions lalo na ang kanilang bloodflow. Ang Frost Qi ay mayroong epekto na tinatawag na Extreme Freeze effect kung saan ay animo'y buhay na yelo ito na parang gumagapang papasok sa pores ng katawan mo at sasama sa daloy ng dugo mo ngunit ang malala nito ay bawat madaan nito ay napi-freeze ito kung saan hihinto ang normal body functions.