يامبسم كله نور ياعيون مليانه ضيّ

١٠

تركت يلي بيدها على الارض واعتدلت بسرعة ، استعدت للخروج واستوقفها بحّة صوت بنتها : ماتبين تجاوبين لمتى يا امي ؟
ناظرتها بتردد واخذت نفس لتهدّي روعها : مو بحاجه تعرفين وثقي فيني ، انتي ثريا بنت مسكّه
ثريا ابتسمت لها وانصرفت امها من الغرفه ، رجعت تلتفت للنافذه وهالمره نزلت دموعها مباشره لتبقى الغصه عالقه بحلقها : يارب اجبر بهالقلب
كانت مسكّه واقفه عند الباب لتتأكد إنها بتاكل ، سمعت دعائها لله وهمست بحب : امين
.
.
" المانيا ، عند لورين "
انتهت من الكلاسات يلي عندها وكان اخر كلاس للدكتور يوسف ، وقفت امامه مبتسمه : متى سنذهب للتطبيق؟
الدكتور يوسف رفع عيونه لتستقر بعيونها : لورين تقدرين تتكلمين بالعربي ؟
اتسعت حدقة عيونها وقالت ببطئ : انت تعرف !
ضحك بهدوء وجلس على مكتبه : ناخذ شهادات ولغات وننسى لغتنا العربية؟
اومأت براسها وكررت سؤالها : اوكي يادكتور متى قلت بنروح للتطبيق بالضبط؟
يوسف عقد حاجبينه بابتسامه : ماقلت لحد الان لكن بنروح بعد خمس ايام لمستشفى***
لورين لبست شنطتها ورفعت كفها تلوح له بهدوء وتنصرف من القاعة ، تنهد يوسف ومسح على وجهه واخذ نفس يسأل نفسه : ليه كل ذا التوتر؟
وصله اتصال من ابوه ووقف ليجيب عليه
،
رفعت شعرها ذيل حصان وكان بحضنها كتاب لمادة الدكتور يوسف، شتت عيونها على السيارة باللون الازرق كانت السيارة مظللة : بوسط الجامعه ليه !
حست بوجود احد قريب منها والتفتت : رعد !
رعد رفع نظاراته لتستقر على خصلات شعره : تمونين تناديني باسمي ؟

لورين ميلت راسها باستغراب : عذراً وش تسوي هنا !
رعد اشر لها على طاولة بخلفها : نقعد نتكلم مو احسن ؟
ماتدري ليه راحت جلست مثل ماقال وليه جالسه تنتظره يتكلم ، حسّت بسكونه وهمست : بتتكلم ولا كيف؟
رعد عقد حاجبينه : فكرتك بتبداين تتكلمين إنتي
لورين إبتسمت بغضب واستعدت للوقوف : ياصبر
رعد مسك يدها وشد عليها : طيب اهدي
كمل كلامه مباشره : مو مهووس او مختل عقلي مثل مو قاعده تفكرين اكيد
لورين ردت عليه وهي تناظر امامها : مختل عقلي ذي اكيد كمل
التفت عليه وناظرها بوجه جامد خالي من الحياه : كمل !
رعد : احتاجك
لورين عقدت حواجبها بحيره : تحتاجني ب وش؟
رعد شتت انظارها : يعني مو احين لكن ابي اتاكد لمن اناديك تجين؟
لورين وقفت : واحد للاسف ما اعرفه ، اسمعه للنهايه وكلامه مو واضح تفضل روح!
رعد اشر لسيارته : اتركيني اوصلك وتفهمين اكثر بالطريق ؟
لورين شتت عيونها بالارجاء وكان كله ثلج همست بوهقه : كيف اركب دراجتي بهالجو؟
احمرت خدودها وفكت شعرها لتلبس قبعة ، ناظرته وكان يتامل تحركاتها وعقدت حواجبها بانزعاج : بتشغل السيارة ولا بتكمل ؟
رعد ركب السياره ولورين ركبت بجنبه همس : غريبة اطوار
لورين التفت له لتناظره بغرابه بعيونها الناعسه وهو قال بهدوء غريب عليه برضو : عندنا يجلسون ورا
لورين تكتفت وهي تلتفت للامام : بحسب تحليلي لشخصيتك لو جلست ورا بتقول سواق عندك؟وكنت متوقعه كلامك هذا لكنك ما اظهرت اي عصبيه ف شي حلو اني اتبعت الخيار الثاني
رعد هز راسه بيأس وهو يحرك : ماتدرين انك تتكلمي كثير وبسرعه؟
لورين ردت عليه بسرعه وهي تلتفت له: عارفه
عمّ الصمت بينهم دقايق وماقدرت تمسك لسانها وهي تبتسم ببطئ : قلت لي شغلك وش؟
رعد وانظاره على الطريق : ماقلت لك
لورين ميلت راسها وهي تضيق عيونها : انا عارفه انك ماقلت لكن ابي اعرف
وقف السياره فجأه وشهقت لورين برعب ، ضربت كتفه بدون شعور : بهدوء لو سمحت !
رعد اخذ نفس بمحاولة ليسيطر على غضبه : تتكلمين برسميه مره وبدون رسميه مره ، حددي ؟
لورين بقهر : مالك دخل ، نزلت قبعتها على عيونها وسندت رأسها على النافذه : كمل طريقك مابتكلم
رعد اخذ شهيق وزفره وهالمره مو عشان يسيطر على غضبه بل بسبب نبضات قلبه يلي صار يسمعها وتتردد بعقله وقف قدام المقهى ونسى اخر حديث بينهم قبل مايركبون السياره "اتركيني اوصلك وتفهمين اكثر بالطريق؟"
رفعت رأسها لورين وعدلت قبعتها على رأسها وكانت مثل الهارب لمن يطلع من مكان حبسه ، كانت بتنزل واستوقفها صوت رعد : مو ذا بيتك
لورين ناظرته بنظرات هادئه : تفضل نتمشى له وقول يلي عندك
رفع حواجبه وميل شفايفه من ذاكرتها ، نزل ونزلت بخلفه وقالت لورين : تحتاجني ب وش يارعد ؟
رعد : انتي بجامعة الطب ف أكيد انك تعرفين الإسعافات الاوليه ، لو صار لي شي واحتجتك تجين ؟
لورين عقدت حواجبها بحيره : عندك سعود
غمض عيونه رعد وشتم سعود بداخله ، اول شي سعود مايرضى يدخل ب اعمالهم وثاني شي كشف غطائه بكونه دكتور : سعود بيكون برا البلده وتركيني اكون صريح ، مو بس لي ل اي احد وبتاخذين مقابل
لورين هزت راسها بالنفي وتحس انه قاعد يعبث بعقلها وقبله قلبها ومتاكده انه مو اول مره إنما من اول لقاء بينهم ، اخذت نفس وتوقفت عن المشي : ما اعرف شغلك و..!