رعد: شنو غنديرو دبا
انا: غنهربو خاصنا نهربو(شدات الصكادو وداكشي لي كان هاز رعد وبدات كتقلب فيه) صافي غير هادشي لي عندكم
رعد: اه هادو لي قدرت نجيب(هزات مسكة بقات كتنضغ فيها وتحط تقادات البواطة كلها رعد باقي مفاهم والو تلفت لقا امير كيجبد فديك المسكة بحال لاستيك وتاهيا متقطعاتش ليه جبدها مزيات تولات طويلة حطها جنب وجبد الستيلوات لي عندو كلهم شد ورقا وبدا كيفيض فيهم وانا خديت البخاخ ديال الديقة لي كان عند رعد حليتو وجبت القرعة الدخلانية مكانش فيها اوكسيجين حيت اصلا تاحد فينا مفيه الديقة هزيت القريعة وبقيت كنحرك فيها
انا: رعد هز داك الgارو وامير غيوريك شدير ليه
امير: نوض سربي (شد ديك المسكة ولصقها على الكادر دالباب وحط الgارو فالقنات رجعنا لور وقطع امير تيشورت ديالو غطينا بيه نيوفنا وشعل رعد البريكا من المغانة لي كان هاز شعلات العافية فالgارو ملي كملت فيهم تفرقعات وتحل الباب الكارد كلها لي كانو قراب حاصرونا انا عطيتهم اشارة بعينيا دارو التوب على نيوفهم لحت ديك القريعة لي كانت عندي وبدينا كنجريو تاخرجنا لسطح السفينة وهووووب نقزنا فالبحر ماهي الا دقائق معدودة
حتى نفاجرت السفينة
عرفتو كيفاش داك الغاز لي كان عندنا سميتو نوفي شوك..غاز الاعصاب سلاح ضد روسيا كتنتجو امريكا و بريطانيا... انا كنتعامل بهاد النوع ديال الاسلحة المحظورة غازات سامة افاعي..نمور..وحتا الرصاص لي ممنوع بحال الكلاشنكوف كنخدم بيه داكشي علاش معروف عليا كنتفنن فالقتل بمجرد مرميت الغاز طاحو كاملين واكيد الى وصل للعافية غتفرقع السفينة داك المداد لي كب امير فالورقة غيخلي العافية تبقى مدة طويلة شاعلة فيها بينما وصل ليها الغاز..الانفجار ديال السفينة مستحيل ينجا منو شي حد بقينا كنعومو مدة طويلة امير عيا هزو رعد فوق كتافو وبقا كيدرع انا واخا دوك الجروح لي فيا الحبة لي شربة عوناتني بقينا شحال ولي زاد غرابة الوضع انا كنت عارفا بلي السفينة كتحرك ولكن مضنيتش توصل لايطاليا غير شفت راية ايطاليا رتاحيت نسبيا مبقاش لينا بزاف تلفت فرعد بان ليا عيا مع تقل دامير غير وصلنا لساحل رخيت داتي بقات الموجة كضربني..
بنت: hiiii... Guarda quella ragazza(شوفوو راه كاينا شي بنت هنا)
ولد: Sì, c'è un giovane e un bambino con lei(اه اجيو راه معاها شاب وطفل)
##الحوار بالايطالية غير غنترجم..
البنت: شوفو هاد الولد باقي صغير واش يقدرو يكونو من اللاجئين
الولد: لا شوفو البنت كلها مضروبة يقدرو تكون شي مافيا من هادوك لي كيتاجرو فالبنات
المرا: كون غير عيطتو لبوليس
الراجل: لا من الاحسن تديوهو لمشفى راه حالتهم خطيرة
البنت: يقدرو يعيطو لبوليس وهوما باينا فيهم ماشي ديال التكرفيص
الشيبانية: تبعوني لكوخ ديالي انا نقدر نعالجهم الولد باينا فيه شارب الما بزاف والبنت كلها مجروحة
الولد: واقيلا عائلة(هزوهم وتبعو المرا للكوخ ديالها هي معروفة بحكمتها فديك المنطقة وتيقولو عليها مباركة)
##فالمغرب..
■■فالبحر مكان وقوع الحادث..دوريات الشرطة محاوطا المكان
البوليسي: سيدي راه مايمكنش لينا نغامرو كتر راه ازيد من 72ساعة وحنا كنقلبو ملقيناش الجثة ديالها غنضطرو نحبسو التفتيش
ادم(بالغوات): لااااا خااصكم تلقاااوها
اسير: تهدن ..ونتوما رجعو قلبو مزيان
البوليسي: احتمال كبير تكون طرات ليها شي حاجة هاد البلاصة غارقة وفيها الصخر بزاف وكمرات المراقبة بينت بلي هي تلاحت بإرادتها يعني القضية فيها محاولة انتحار ومعندهاش فرصة لنجاة راه مشطنا المناطق المجاورة ومكاينش ليها اثر..
■■فقصر ال جبران
يارا: سهيل..سهااايل
سهيل: مالك اش واقع
يارا: امييير ولدي مكاينش قلبت عليه الدنيا كلها وملقيتوش
يوسف: يارا اش واقع
يارا: خويا يوسف ولدي مكاينش سولت الكارد وتاحد معارفو فين هوا
يوسف: ميكونش خرج
يارا: راه مجاش من البارح بيجامتو وكلشي باقي فبلاصتهم فين غيكون ولدي(و طاحت على ركابيها كتبكي وتشهق على اثر غواتها تجمعات العائلة كاملة)
رنة: ميكونش مع وعد راهم مكيتفارقوش
عهد: انا غنصوني ليها(بقا كيدوز فليزابيل ووالو) خارج نطاق التغطية معرت مالها يوماين هادي مصونات تسول على رعد
سارة: اجي نتا فين خوتك( غير كملاتها دخل اسير) ولدي فين كنتي
اسير: كنت مع ادم
سارة: وعد لاباس عليها
اسير مقدرش يجاوبها حدر راسو تسمعو صوت الخطوات ديال اشخاص كيجريو كان زياد لي وصلو ايميل من رعد وفيه الخطة هادشي كان قبل مايمشي عندها وزياد بدورو مجاش خاوي الوفاض جاب معاه الفرقة كاملة ريتاج وإياد حتى سيف وغزل من شهر العسل ديالهم و زين و شهاب و نجم دخلو كيجريو والخوف باين فوجههم..
زياد(شنق على اسير): شنو ..شنو طرا ليها
يوسف: اش واقع هنا شي حد يشرح لينا
زياد: اسير دوي بلا متصعرنييي
اسير: نتاحرت(نطق كلمة وحدة كفيلة باش تحطمهم كاملين)
غزل: لا نتا كتكذب علاش غدير بحال هكا
نجم: بنتها راجلها عائلتها خوتها و حنا ما يمكنش ما غتخليناش
اسير: هي تلاحت فالبحر
يوسف(برك مقدرش يوقف من شدة الصدمة): من ايمتا
اسير: هادي 3يام وحنا كنقلبو عليها
فوطيو😍😍
45✓
ابدأ من البداية
