She's Pretty (2022)

Chapter 27

Paano kung tama Yorish? Kapag nakaharap mo na sya. Anong gagawin mo? Kasusuklaman mo rin ba si Karl, dahil pamilya nya rin ito?

Gusto ko 'tong itanong sa kanya, pero naduduwag ako. Kilala ako sa pagiging straightforward,pero may takot rin ako. At ayaw kong manakit galing sa bibig ko.

"Bakit hindi natin alamin?"

Nanigas ako nang may nagsalita sa likuran ko. Napatingin naman ng diretso si Yorish nang marinig nya ang boses ni Karl.

Narinig nya ba?! Lumingon ako kay Karl. Umiwas ang kanyang mata habang nakayukom.

"Narinig mo" Hindi yung patanong. Gusto kong makumpirma ang kanyang tinutukoy.

"Oo...Nanghihinala ako kay kuya Jayson...dati pa" napakagat sya sa kanyang labi at parang ayaw ng ituloy pa.

Lumapit ako sa kanya at hinawakan ang kanyang balikat. "Gusto kong malaman kung may nalalaman ka sa kanya"

"Redgie" tawag sa akin ni Yorish, pero binalewala ko lang iyon.

Napalayo sya nang tingin habang iniisip iyon. Until he clicked his finger na parang may naalala nga.

"Gusto nyo bang malaman kung tunay ba syang anak ni mommy?"

Naningkit ang mata ko, dahil malayo naman sa iniisip nya ang iniisip namin. But wait....

"Paano mo naman nasabing gusto namin malaman na anak sya?" Tanong ko.

Napakamot nalang sya sa kanya. "Hindi mo ba naalala dati Yorish. Kinupkop lang ni mommy si kuya?"

"I thought she was joking"

"I thought that too. Nag-joke din sya sa huli, pero sa original birth certificate ni kuya. Hindi sya tunay na anak"

Nanlaki ang mata ko nang marinig iyon. Oh my god. Napaikot-ikot ang mata ko sa itaas, dahil gusto ko buuin ang puzzle na nasa utak ko. Hindi sya tunay na anak?

"Meron din si kuya na mysterious box sa office nya. Kahit sa akin hindi nya pinapagalaw. Well sa kalikutan ng kamay ko. Nagalaw ko 'yun"

"Anong laman?" Sabay naming tanong. Napatingin pa kami sa isa't isa saglit. Chismoso na kung chismoso, pero malay natin na dito ma-isosolve mga what if's natin.

"Pictures?"

Napababa ang balikat ko. "Need ko makita 'yun"

Humakbang ng isang beses si Yorish. "Why? Bakit parang kanina mo pa pinagdududahan si kuya. There's something wrong ba?"

"Yes"

"Wala naman!"

Napapikit nalang si Yorish, dahil sa sagot ko. Alam kong malalaman din ni Karl ang totoo. Malapit na mahanap ang kasagutan. Gusto kong mahanap ang hustisya ni Henley. Kung patuloy lang kaming ganito. Para narin naming inabandona ang kapatid nya. Wala sa vocabulary ko ang gumive up!

"A-ano?"

Hindi ako nagsalita. Si Karl naguguluhan na tumingin sa amin, habang si Yorish naman ay parang natutuliro. Hindi alam kung saan magsisimula. At nag-iisip kung paano hindi makasakit sa kanyang sasabihin. Na para bang walang aapak sa bubog.

Wala nang magagawa pa si Yorish, kaya gusto nya narin itong sabihin.

"Anong gusto nyong malaman kay kuya?"

Bago pa magsalita si Yorish may bigla kaming nakarinig na ingay. Hinawakan agad ni Karl ang kamay ko.

"Andito si kuya. Hindi nila kayo pwedeng makita"

Nanlaki ang mata ko. Ayaw kong malaman nyang narito ako kahit na nangangati na ang kamay kong tanungin ulit sya. Baka magkagulo rito sa bahay at magalit na naman sa amin ang mommy ni Karl. Hindi ko alam kung saan nya kami dinala. Mukhang nasa maliit kaming office.