" ပါး "
" ဟင် "
" ထင့်ကိုတော့ပြသနာမရှာဘူးမို့လား "
" အချိုးမပြေရင်တော့ ပြောစရာရှိတာပြောရမှာပဲ "
" ကလေးတွေမှမဟုတ်ကြတာ ၊ နေရာတကာတော့ လိုက်ပြောလို့ ဘယ်ဖြစ်ပါ့မလဲကွယ် "
" အဲဒါဆိုရင် လူကြီးတွေရှေ့ အချိုးပြေပြေနေကြလေ ၊ လူမြင်မကောင်းအောင်နေကြရင်တော့ ပြောမှာပဲ "
ပါးက သူ့မျက်လုံးထဲတွင် သိပ်ချစ်စရာကောင်းလှပါသည် ။ ပါးကိုသိပ်ချစ်သောကြောင့် မွေးလာသည့်ကလေးကလည်း ပါးနှင့်ချွတ်စွပ် ။ ရုပ်ရည်လည်းတူသကဲ့သို့ အကျင့်စရိုက်လည်း အတော်လေးတူကြသည့် သားအဖနှစ်ယောက်က လူတစ်ယောက်ကို နှစ်နှစ်ကာကာချစ်ပုံမှာလည်း တူညီကြပြန်သည် ။
" ပါးကလဲကွယ် "
ဟု လေသံပျော့ပျော့ဖြင့် ပြောလာသည့် မားကြောင့် သူ့မျက်နှာထားကို အနည်းငယ်ပျော့လိုက်ရ၏ ။
သူကသာ စိတ်ထဲ တစ်မျိုးခံစားနေရသော်လည်း မားကတော့ အင်မတန်တက်ကြွနေကာ ပျော်ပျော်ပါးပါးပေ ။ အစကတည်းက မား၏စိတ်မှာ အလက်ဇန်းဒါးထင်ဘက်ကို ခပ်ယိုင်ယိုင် ။ သူကတော့ ယခုထိ စိတ်ထဲ မပြေလည်သေးပေ ။
" အေးပါ...အေးပါကွာ... ပါး အတတ်နိုင်ဆုံးသည်းခံပေးမယ်...ဟုတ်ပြီလား ၊ မားကြောင့်နော်...မားကို ပါးသိပ်ချစ်လို့ သည်းခံပေးမှာ "
ထိုအခါမှ မား၏မျက်နှာလေးက ကြည်လင်သွားကာ ခေါင်းကိုလည်းထပ်တလဲလဲညိတ်ပြ၏ ။
" သူတို့နှစ်ယောက်လဲ ဒီမှာခဏပဲနေချိန်ရမှာပါ ပါးရယ် ၊ နေတုန်းနေခိုက်လေး မားတို့က မိဘဝတ္တရားကျေရမှာပေါ့...မားပြောတာ မဟုတ်ဘူးလား "
" ... "
" ပါး ထင့်အပေါ်ကို အခုထိအမြင်မကြည်သေးဘူးဆိုတာ မားသိပါတယ် ၊ ဒါပေမဲ့ ပါးရယ် ထင်က သနားစရာကောင်းတဲ့လူတစ်ယောက်ပါ ၊ ပါးတို့မားတို့က ထင့်လိုမျိုး မချမ်းသာပေမဲ့ ချစ်ပေးတဲ့မိသားစုတွေရှိကြတယ် ၊ ထင်ကတော့ တစ်ယောက်တည်းအထီးကျန်ပြီးနေခဲ့ရတာ ၊ ကလေးဘဝကတည်းက အနိုင်ကျင့်ခံပြီးနေခဲ့ရတဲ့ ထင့်ကို မားကတော့ သနားတယ် "
YOU ARE READING
My Green Forest ( Complete)
Romanceကန္တာရထဲက လူတစ်ယောက် ကႏၱာရထဲက လူတစ္ေယာက္ (သက်ကောင်းလူ) ဒီနေ့... မနက်ဖြန်... သန်ဘက်ခါ... ကျန်ရှိတဲ့နေ့ရက်တိုင်းမှာ ကျွန်တော့်အချစ်တွေနဲ့ ထင့်ကို မွမ်းမံပါမယ်...။ (အလက်ဇန်းဒါးထင် ) ပျော်ရွှင်သည့်အချိန်... ဝမ်းနည်းသည့်အချိန်... အားငယ်သည့်အချိန်... အထီ...
Episode (57) Part 1
Start from the beginning
